لقاء كـ،ـ،ـارثي
عشري…..بضحك ملهاش حق مش تستأذن
ليله……بصتلوا بغيظ انت بتتريق عليا صح
عشري….بضحك والله ابدا انتي اللي بتقولي كلام غريب
ليله….طب خلاص اسكت بقي و لو هتقف مسمعش صوتك
عشري….بضحك ابشري
بصتلوا و ضحكت غصب عنها و بعدين راحت خدت مسكن
عشري….لا لا لا بت انتي عبيطه مسكن علي الريق كده
ليله….بطني بتوجعني و بلحق نفسي قبل ما توجعني اوي
عشري….طب وسعي كده وسعي مش ناقص هبل انا
وقف يعملها ساندوتش
عشري…..اتفضلي سيبي اللي في ايدك ده واقعدي كلي
ليله….والله العظيم مش جعانه اصلا
عشري…معلش هيتاكل برضوا
ليله….طب انشي من هنا مش هاكل قدامك انا
عشري….لا كلي ملكيش دعوه انا مش جعان اصلا قوليلي بقي اعمل ايه
ليله…..ولا حاجه تقريباً خلصنا هحط بس الحاجه بعد شويه في الفرن و هتابع الاكل انا مخلصه كله من امبارح اصلا هظبط بس شويه حجات العصير و التمر كده يعني
عشري….استني هعملك انا حاجه بالتمر حلوه
ليله…..هتعمل ايه
عشري….استني هوريكي
ليله….ماشي
مسكت ليله الموبايل و اتصلت علي نعيمه ڤديو
ليله……صباح الفل
نعيمه….بأبتسامه صباح ايه الساعه اربعه و نص انتي لسه صاحيه ولا ايه
ليله…..لا صاحيه من 11 انهارده انتي عارفه اننا هنفطر مع بعض
نعيمه….ما انا استغربت فكرتك لسه صاحيه
ليله….لا طبعا الساعه عندي اتنين و نص
نعيمه…..بت انتي بتاكلي؟
ليله….بابتسامه الله يخربيتك نسيت وباكل كده عادي اه يا اختي فطرت اسكتي بقي
نعيمه….بضحك ماشي يا فاطره
ليله….طب اتلمي عشان انا فاطره و هشتم عادي
نعيمه….بضحك لا قلبك ابيض قوليلي خلصتي و لا لسه وراكي حاجه
ليله….انا تقريبا خلصت كل حاجه من امبارح عشان مكنتس هلحق اخلص كله انهارده و مفيش حد يساعدني كملت بس و شويه كده و هبدأ احط علي النار
نعيمه…..هتاكلوا ايه ؟
ليله….اممم بصي بقي ديك رومي و ده اول حاجه محطوطه في الفرن من شويه عشان يستوي براحته و ورق عنب و محشي و بشاميل و جلاش و سمبوسه و كوردن بلو و فراخ هتتشوي في الفرن عشان لو محدش بيحب الديك الرومي و شوريه كريمه و مشروم و سلطات بقي كده يعني
نعيمه…..بابتسامه تسلم ايدك يا قلبي بالف هنا
ليله….كان نفسي تبقي معانا
نعيمه…. بابتسامه هاديه تتعوض ان شاء الله بس عزومه لوحدي بقي و تعمليلي كل الاكل ده عشان اغيظهم
