لقاء كـ،ـ،ـارثي
نعيمه….فهماك يا عشري والله و مقدره كلامك بس والله العظيم يمكن انا اول مره احس اني محتاجه اكون لوحدي وده احسن ليا مش عشان مش عايزه ابقي معاكم و وسطكم بس عشان انا حاسه اني مش كويسه
عشري….وفضل يا نعيمه فضل مش كويس انا مش عارف ايه اللي بينكم بس واضح ان في حاجه و مهما تقولي انتي و هو مفيش مش هصدق
نعيمه…..والله العظيم مفيش يا عشري و بعدين لو في كنت هقول هيبان عليا بالعكس فضل مزعلنيش انا اللي زعلتوا و حقه يزعل بس غصب عني صدقني
عشري….طيب قوليلنا في ايه يا نعيمه و صدقيني و غلاوة ليله ما هقول لاي حد ولا حتي فضل بس افهم
ليله…..اتكلمي يا نوني قولي اللي جواكي يمكن نفهمك
نعيمه…..انتوا مش قادرين تفهموني يمكن بجد والله العظيم مفيش سبب او اسبابي ممكن تبقي تافهه بالنسبالكم
عشري….يا ستي مفيش حاجه اسمها كده اللي انتي شيفاه قوي محدش فينا ينفع يشوفوا عادي كل واحد فينا ليه طاقه يعني مهما كانت اسبابك هنحترمها و انا واثقه ان في سبي قوي لان انتي يا نعيمه مش هتسافري ولا هتسيبي فضل وانتوا كان فاضل علي فرحكم خلاص وقت بسيط الا لو في حاجه
نعيمه….صدقني مفيش غير اني مش مبسوطه مش مرتاحه مضغوطه حاسه اني مش كويسه افضل حاجه انا عملتها يا عشري اني سافرت لان وجودي و سطكم و وسط الناس اللي بحبها اخر فتره كان بيخليني اخسركم و انا مش حاسه فا عشان كده قررت ابعد و اخد بريك مع نفسي و احاول اصلح من نفسي حجات كتير
عشري….طيب وفضل يا نعيمه هان عليكي
نعيمه…. بتأثر مهانش يا عشري والله العظيم ما هان بس غصب عني انا عارفه انك زعلان عليه و الشباب كمان و يمكن مليش عين اتكلم معاكم عشانه بس والله ما هان عليا
يمكن انا عملت ده عشانه هو اينعم هو اكيد مش كويس و بمكن كرهني و يمكن مش طايق يشوفني بس انا عارفه انه هيبقي كويس
عشري….محدش فينا زعلان منك يا نعيمه بالعكس احنا زعلانين عشانك وعشانه و عشان اللي بينكم بصي انا بس عايزك تهدي و تفكري لان واضح انك مشتته
نعيمه….عشان كده انا بعدت يا عشري
عشري…..طيب هو انا ممكن اطلب منك طلب
نعيمه….اكيد
عشري…ممكن تكلميه او تبعتيلوا مسدچ قوليلوا اي حاجه فهميه حتي اللي انتي حاسه بيه
رن جرس الباب عندها بصتلهم
نعيمه….اااا طيب انا هقفل عشان طالبه مايه من الماركت
