لقاء كـ،ـ،ـارثي
ليله…..انتي منك لله علي وجع القلب ده مبسوطه الوقت و الدنيا بايظه كده
حسان….مش وقته يا ليله مش عايزين بس نخوفها
ايمي…هو ايه اللي مش وقته يا حسان ماهي عندها حق المجال الجوي اتقفل والمطار اتدمر يعني هي خلاص محبوسه هناك لحد ما الدنيا تهدا ده لو هديت اصلا احنا داخلين علي ايام سوده
رشيد…ايمي مش وقته فعلا انتوا كده بتخوفوها نعيمه ان شاء الله مش هيحصل حاجه هما بس خايفين عليكي بس انتي تهدي و ماقلقيش و ابعدي عن اي شباك
سلم…انتي ليه مش مأجره عربيه طيب
نعيمه…..عشان مش محتجاها مش بروح مكان و عشان في ورق لازم اظبطوا الاول الرخصه والاقامه
ليله….لا رخصه ولا اقامه ولازفت انتي مش مطوله عندك انتي سمعاني و انا هعمل الوقت كام مكالمه لناس هناك هيجوا ياخدوكي تروحي علي العين لحد ما الدنيا تهدأ ونتصرف و حالا الوقت وانتي معايا تبعتي العنوان اللي ريقي نشف عشان تبعتيه
نعيمه…..مش هينفع يا ليله اروح ممنوع والله
ليله….بعصبيه ملكيش دعووووه انتي انتي مش ليكي تكوني بعيد وخلاص هما هيتصرفوا هيلاقوا حل يلا ابعتي
سلامه….طيب ابعتي يا نعيمه العنوان يمكن يرعفوا يتصرفوا هما
فضل كان واقف عمال ينفخ في دخان السجاير كل شويه يبص لبعيد من جواه هيتجنن عليها بس مش عارف يقول ايه او يتكلم ازاي هاين عليه بكسر دماغها من كتر ما خاف عليها و شايفها خايفه بس في نفس الوقت مضايق منها و حاسس انه غريب لدرجه انه مش عارف يقولها اي حاجه.
نعيمه…..بعتت خلاص
سلامه….بهمس قول حاجه يا لطخ
بصلوا فضل بغضب بسيط من جواه و رجع بصلها
ليله….خليكي معانا متقفليش انا هقوم اعمل اتصال و ارجعلك
عشري…استني يا ليله لينا ناس كتير هناك برضوا ابعتي العنوان عشان لو محدش عرف يتصرف اكلمهم انا
ليله….طيب تعالي
حسان….اهدي يا نعيمه متخافيش خير والله
ايمي…..انتي كلمتي امك
نعيمه….ايوه كنت بكلمها قبلكم
ايمي…..هتتجنن طبعا
هزت نعيمه راسها بتوتر
رشيد بهمس قومي انتي وهما من قدام الكام خلي فضل يكلمها
ايمي…..ااا نعيمه متقفليش خليكي معانا هبص بس علي ليله
فضلت نعيمه تبص حواليها وعلي الشباك بتوتر
نعيمه….طيب طيب
قامت ايمي و رشيد من قدام الكام و شاورولهم كلهم يبعدوا بصلهم فضل بهدوء
حسان شاورلوا علي الموبايل
خد فضل نفس طويل و قرب مد ايده للموبايل و بعد عنهم خالص راح عند البار نعيمه كانت شايفه الموبايل بيتحرك بس مخدتش بالها منه وفجأه لاقته عدل الموبايل قدامها
