لقاء كـ،ـ،ـارثي
ليله….. انزلي انتي بس و هعملك احلي عزومه
نعيمه….ان شاء الله
ليله….طيب انتي هتاكلي ايه حساكي كدن بقيتي شيف من ورايا ومستغربه يعني ان مفيش دليڤري هااا بت انتي كنتي بتعرفي تطبخي و بتستغليني صح
نعيمه…. بضحك والله العظيم ابدا تشهد عليا ايدي
ليله….بضحك طب امال ايه محشي و بتطبخي و مظبطه الدنيا
نعيمه….ماهو الاكل هنا يا اما فاست فود يا اما مشويات و قبل رمضان كنت مقضياها من بره بس قررت يعني اجرب و بصراحه بتسلي المطبخ طلع مسلي و الموضوع مش صعب و بعدين يا حبيبتي انا بدأت رحلة المطبخ بمحشي يعني اديني شهر و هكسرك انتي و ايمي و سلمي
ليله….يا وااااد يا بتاع الصعب هنشوف و هندخل تحدي المهم هتاكلي ايه انهارده
نعيمه….بابتسامه ثقه مكرونه بشاميل
ليله….بضحك لا لا انتي فجرتي خلاص و محدش قدك
نعيمه…..بضحك مش بقولك بصراحه خدت وصفتها بالظبط من ايمي بحبها منها و امبارح خلتها تسجلي ڤويس و لاقيت كل حاجتها عندي قولت اجرب بقي و ريحتها في الفرن حلوه اوي
ليله…..بالف هنا يا قلبي مش ناويه بقي تبعتي العنوان خدي بالك انا مطوله بالي عليكي بس اكتر من كده هتلاقيني بكلمك واقولك اني في الامارات و ابقي وريني هتهربي مني ازاي
نعيمه…..بضحك ما انا عشان عارفه انك مجنونه مش راضيه ابعته و بصراحه بقي مش بنسي بطنش واللي عندك اعمليه
ليله….والمصحف هطب عليكي انتي عرفاني بس انا عايزاه عشان ابقي مطمنه عليكي يا نوني يا ستي والله ما هاجي و لا هضايقك و هسيبك براحتك كمان بس ابقي عرفالك عنوان
نعيمه…..خلاص والله هبعتهولك
ليله….قولتي كام مره هبعتوا و طنشتي
نعيمه….يا ستي خلاص هبعتوا والله متقلقيش
عشري كان سامعهم و ساكت سايبهم براحتهم و عمال يعمل في التمر لحد ما خلص و بعدين غسل ايده و قرب من ليله بصتلوا وابتسمت حط ايده علي كتفها و قرب من الكاميرا مره واحده
اول ما نعيمه شافته اتوترت ابتسمت بصدمه بس توترها و صدمتها في احراجها منه كانت اول مره تشوفوا من بعد ما مشيت و حتي متكلمتش معاه خالص كل اللي كان بينهم رساله زي ما الشباب بعتولها يطمنوا عليها و لما بتكلم ليله او ليله تكلمها بقولها سلمي علي نوني فكانت اول مره تشوفوا و تتكلم معاه بعد اللي حصل ابتسم عشري و رفع حاجبه
ليله….بضحك البت اتصدمت يا بلطجي
