لقاء كـ،ـ،ـارثي
ايمي….اساعدكم
سلمي…لا هجيب انا وچوي
خرجوا علي بره..
حسان…..يا ابني الاوضاع بقالها كام يوم مش كويسه واللي زود التوتر ده
المدرسه اللي استهدفوها في ايران دي
عسال….اه دي مات فيها 51 طالبه
ليله….القهوه يا شباب
حسان…تسلم ايدك
رشيد…..بس كده الموضوع بيكبر الاخبار مش ساكته و ايران بدأت تضرب في كل القواعد الامريكيه اللي في الدول العربيه
حسان….مبهدلين الدنيا و شكلهم مش هيسكتوا امريكا باعته بيان للرعايا بتوعهم انهم يرجعوا فورا
سلامه….والله شكلها لعبه و ايران معاهم و حوار علينا كلنا والشعب اللي بيدفع التمن
عشري….هو في كل الاحوال الشعوب اللي بتدفع التمن يعني اطفال زي دول ماتوا ذنبهم ايه
عسال…..انت عارف انا حاسس الدنيا هتفضل تولع ده يضرب و ده يرد لحد ما يجوا علي العيد و لا بعد العيد و ينكدوا علينا كلنا لان لحد الوقت انا مش متطمن لسكوت امريكا يعني قواعدهم اتضربت و هما ردهم بسيط كده
فضل…..اه والله صح كانوا عمالين يهددوا في الاول خالص ان لو ايران ضربت هيردوا بقوه و مستغرب سكوتهم
حسان….هما ساكتين وهما اللي بداوا بضرب المدرسه
عسال….بس ردهم مش قد تهديدهم انا شايف انهم مستنين يتأكدوا ان الامريكان كلهم رجعوا عشان يفاجئونا بردهم و كالعاده هنتكد علي العيد او بعد العيد
سلامه….بضحك في ايه يا بومه اتعديت من ايه ولا ايه
ايه …وانا مالي الوقت
سلامه….بضحك ماهو بقي بومه زيك
عسال….مش بومه والله بس حاسس ان هو ده السيناريو اللي هيحصل ردهم لسه بارد و معروف يعني ان امريكا مناخيرها فوق و شايفين نفسهم فوق الكل و مش هبعدوها علي خير و هيحصل رد قوي بس هفكركم مش الوقت
ايمي…..هما بجد ضربوا في بلاد عربيه
حسان…..انتي مش عايشه ولا ايه
ايمي….بصراحه مش متابعه اخبار انا من بعد الضرب في فلسطين اعصابي تعبت مبقتش اتابع
حسان…..اه ضربوا في الكويت و قطر و تقريبا الامارات
ليله…..لحظه امارات ايه ؟ نعيمه مقالتش حاجه لما كلمتها انهارده
حسان….اووووف ده انا ناسي نعيمه خالص صحيح ازاي مقالتش ان في حاجه هي في دبي
ليله…اه هو الضرب ده فين
حسان….امم في دبي و الشارقه تقريباً
بص فضل بهدوء و سكت بس اتوتر
رشيد….ماهو الضرب كان من شويه اكيد لما كلمتيها مكانش في حاجه
