لقاء كـ،ـ،ـارثي
عشري…..ما لازم تتصدم مش مختفيه و واخده جنب ازيك يا استاذه نوني
نعيمه….بابتسامه ازيك يا عشري عامل ايه كل سنه وانت طيب
عشري….لا بعد ايه بقي ده رمضان فات منه عشر ايام
نعيمه….طيب ما انت بعتلي مسدج ورديت عليك و قولتلك كل سنه وانت طيب
عشري…..اه بس لا في سؤال ولا اتصال و لا حتي بتقولي لليله فين عشري اسلم عليه
نعيمه…..بابتسامخ في دي حقك عليت مهاك حق بس يعني مش عايزه اضايقك
عشري….انتي هبله يا بت و تضايقيني ليه اللي بينا مش كده يا نوني عيب
نعيمه….بابتسامه صح متزعلش
عشري…..وحشاني والله العظيم
نعيمه…..وانت اكتر والله كلكم واحشني جدا
عشري….طب ايه مش كفايه بقي و نعقل و ننزل و نتلم مع بعض
نعيمه….ان شاء الله والله
عشري….لا انا مبتثبتش ثبتي ليله في العنوان براحتك بس انا لا
ليله….بضحك هيجيبك من قفاكي
عشري…اهي قالتلك
نعيمه……لا والله ان شاء الله شويه كده بس و هبقي انزل و الله وحشتوني اوي
عشري…..بابتسامه غمزلها احنا بس ؟
ابتسمت نعيمه وسكتت
ليله….ايه ردي يا اختي
نعيمه….ااا طيب انتي وجوزك فاضيين و انا بقول اروح اشوف المكرونه في الفرن بدل ما افطر تمر
عشري….استني يا بت هنا مش هتهربي خدي بالك انا قفشتك المرادي خلاص
نعيمه….بضحك والله مش بهرب يا عشري
عشري….لا بتهربي يا نعيمه و انتي عارفه انك بتهربي بصي انا مش هقولك اني مش هتدخل ولا هتكلم في اي حاجه خاصه بيكي لان انا بصراحه بشوف ان من حقي اتدخل و ده مش تطفل مني بس العشم اللي بينا و بين بعض كبير و مقصدش بالعشم ده اللي بيني وبينك بس لا اللي بينا وبين بعض كلنا احنا لينا حق علي بعض يا نعيمه
و لينا الحق اننا لما نشوف حد فينا عنده مشكله نتدخل و نتكلم و نحل زي ما كلكم عملتوا وقت مشكلتي انا وليله
بس انا مش عايز اتكلم معاكي في اي تفاصيل علي الاقل الوقت يعني لما تحسي انك حابه تتكلمي
بس كل اللي عايز اقولوا ان بعدك مش حل حتي يا ستي لو مكانش في مشكله اصلا و سفرك واللي حصل ده كله كان عشان تفصلي
لكن برضوا لازم يكون في طريقه احسن من كده اللي عايز اقولوا انزلي يا نعيمه انزلي عشان مينفعش تبقي بعيده انزلي واتكلمي معانا مع البنات شوفي مين اكتر حد ممكن ترتاحي معاه في الكلام و قوليلوا اللي جواكي مينفعش تيجي علي نفسك و علي غيرك او حتي متتكلميش يا ستي خالص الوقت بس تبقي وسطنا فهماني
