لقاء كـ،ـ،ـارثي
فضل….ما انا بقولك خير ان شاء الله مش هيحصل حاجه
ايمي….مش فاهمه يعني كده الدنيا بقت امان الحرب خلصت خلاص فارقه معاك ولا مش فارق
بص فضل لعشري و الشباب بابتسامه ضيق بسيطه بمعني مش عايز اتكلم سكتوها
فضل….ااا ايمي يعني بالله عليكي احنا قاعدين و اليوم حلو ما نقفل علي الموضوع ده احسن
ايمي….لا يا فضل مش هقفل علي حاجه انا اسفه بجد و هتكلم و انت هترد عليا
فضل….و لع السيجاره اللي كان ماسكها و هز رجله و بصلها ايمي صدقيني انتوا الخمسه غالين عليا اوي و بعتبركم اخواتي البنات و اي كلمه هتطلع مني في الموضوع ده هتزعلكم مني و جايز تخليكم تاخدوا مني جنب وانا مش عايز ده يحصل
سلمي….وهنزعل و ناخد جنب منك ليه يا فضل بس
فضل…..عشان كلامي هيزعلكم يا سلمي عشان هتضايقوا علي صاحبتكم و ده حقكم فا الأفضل اني اسكت و انتوا متسمعوش مني اللي يضايقكم
ايمي….لا يا سيدي اتكلم و احنا لا هنزعل و لا هنضايق منك خرج كل اللي جواك و اللي شايف انه هيزعل او هيتحمق عشان نعيمه يقوم يروح
فضل…..أفهميني يا ايمي في مواضيع لما بتتفتح نهايتها بتبقي معروفه زعلكم مني هيوجعني قبل ما يوجعكم
ايمي…..يا سيدي احنا معندناش دم يا فضل انت لازم تعرف ان علاقتنا بيكم مبقتش علاقه عاديه احنا في بينا صداقه اخوه عيش وملح مواقف متتنسيش و الاهم من كل ده اني واثقه ان في حجات انت معاك الحق فيها فا الاكيد اني مش هزعل منك لا انا ولا هما حد فيكم هيزعل
هزوا البنات دماغهم بلأ
ايمي…..اهو يلا اتكلم
فضل…..طيب هو مبدأياً كده انتي لازم الاول تبقي واثه ان انا معايا الحق في كل حاجه مش بعض الحجات
ايمي…..يا سيدي انت صح في كله و هي غلط قولي بقي هي فارقه معاك
بصلها فضل ثواني
فضل…..لا يا ايمي مش فارقه
بصولوا كلهم بصدمه و سكتوا
ايمي….يعني ايه مش فارقه
فضل…..في مثل بدوي عندنا بيقول اللي يطيب له ظلنا يقعد تحت غصننا بالبلدي كده يعني اللي تعجبه شجرتنا يعشش عليها و صاحبتك طارت لا عجبها العش و لا الشجره مفرقتش معاها في اي حاجه يا ايمي عشان تيجي هي و تفرق معايا
انتي عارفه يا ايمي اصعب حاجه مش انك تزعلي من حد اصعب حاجه انك تكتشفي انك كنتي متوقعه منه اكتر .
كنتي فاكره ان وجودك مهم أن كلام ليه قيمه بس مع الوقت بتكتشفي انك غلط وانك كنتب بتحاربي لوحدك وساعتها قلبك بيتغير مش كره بس بيقرر انه يبقي اهدي يبعد يفهم و ده اللي حاصل معايا مبكرهاش بس مش فارقه معايا
