لقاء كارثي

تامر….اكيد لا هيبقي في ديكور شيك و هعملك كام رف شكلهم حلو وبسيط تقدري تحطي فيه اي حاجه خاصه بيهم لعبهم اكلهم حاجه التنضيف بتاعتهم و لبس ميلو كمان

ايه…..طيب مش احسن من الرفوف دي تبقي زي الدرج او درفه مقفوله عشان المنظر بس ميبقاش زحمه

تامر…..بصلها و هو بيفكر و بعدين بص للورق رسم رسمه سريعه كده و بعدين قرب منهم طيب بصوا دي رسمه كده سريعه للشكل العامل هعملك هنا رفين يكونوا للديكور تحطي عليهم اي تحفه او برواز لصوره ميلو مثلا و تحت الرفوف دي درجين و هتا هنقفل المساحه دي زي دولاب صغير هيتقسم من جوه جزء للاكل و حاجه التنضيف بتاعته و جزء للبس ايه رايك

ايه ….بابتسامه حلو ده ايه رايك يا سلامه

سلامه….بابتسامه جميله يارب يعجب الاستاذ ميلو بس

ايه….بضحك انا بتكلم جد

سلامه….والله وانا كمان حلو اوي و كده احسن عشان ميبقاش مكشوف اوي بس قولي البيت بتاعه هيبقي الباب ازاي يعني بيتهيألي مش حلو اننا نعمل درفتين هيبقي عامل زي الدولاب

تامر….لا درفتين ايه هو في درفه ثابته و التانيه متحركه هنعملها جزء كده زي السلك عشان التهويه و النفس و هنعمل هنا فاتحه شكلها حلو عشان بردوا يلعبوا منها يشوفوكم و انتوا بتتحركوا لان ميلو مش بيحب الحبسه اوي هيفضح الدنيا

ايه…..اه كده حلو اوي المهم انت بقي ظبط الشكل كله عشان يبقي واضح انه مكان للكلاب

تامر….سيبيها عليا انا بقي دي يلا خلصنا من الاستاذ ميلو نشوف باقي البيت

سلامه….يلا بينا

فضلوا يلفوا في كل ركن لحد ما خلصوا و اختارت ايه كل حاجه عيزاها.

تامر…..في اي تعديلات تاني

سلامه….بالنسبالي لا بس انا عشان منساش كنت عايز اقولك علي فكره عجباني انت عملتها عند رشيد و ايمي اللي عند الباب

تامر …اه تقصد الجزامه

سلامه….اه يعني المكان قدام الباب مساحته كويسه فا لو نعمل جزامه كده و جنبها زي بانكيت اللي بيلبس يقعد عليه و كمان فكره الدولاب يعني اللي يجي يحط فيها چاكت شنطه

ايه…..اه عشان المكان جوه واحنا قاعدين ميبقاش زحمه و كل واحد قالع چاكت وراميه جنبه

تامر….تمام هظبطهالك دي

سلامه….طيب هو احنا كده ممكن نبدأ امته

تامر…..يعني نعدي بكره ممكن بعد بكره لو انت مستعد ايه رايك

سلامه…..انا تمام اي وقت المهم انت هتعرف تظبطها مع حسان