لقاء كارثي

سلمي…..طيب انت مش هتروح لشادي يا حسان بيتهيألي المفروض تروح تقف معاه عشان ميبقاش لوحده يمكن يحتاجوا حاجه و هو اكيد مش هيقدر يسيب علا

حسان…..انا مش عارف صح اني اروح ولا لا

سلمي…..طبعا صح يا حبيبي يعني دي اصول و مفيهاش احراج هو ممكن يكون محرج منك اصلا فا روح انت

حسان…..طيب انا هكلموا الاول و لو كده هروح اشوفهم

سلمي….طيب تمام و ابقي كلمني انا لسه صاحيه

حسان….حاضر هنا نامت

سلمي….لا مع ايه في الاوضه بتلعب معاها

حسان……خلاص تمام انا هشوف كده و هعرفك

سلمي….تمام يا حبيبي يلا باي

حسان….باي يا روحي.

…………..

في غرفه تقي خرجت من الحمام الهدايا بتاعتها كلها كانت علي الكرسي راحت قعدت في وسط السرير و ربعت رجلها و بعدين اتصلت علي عدي فتح الخط و مقالش حاجه

تقي…..الووو انت معايا

عدي…..معاكي عامله ايه

تقي…..بخير الحمد لله انت اخبارك ايه؟

عدي…..زي الفل روحتي

تقي….والله ما انت لو كنت سألت كنت عرفت

عدي…..لا ما انا قولت اسيبك براحتك لان انتي نسيتي نفسك خالص حتي مكلمتنيش و انتي مروحه و لا لما وصلتي

تقي…..بس المفروض انت اللي تسأل بس شكلك كده ما صدقت خلصت مني

عدي…..ده انا صح واضح مين فينا اللي ما صدق

تقي…..مش كده والله بس يعني قعدنا و بعدين فاجئوني و عملولي عيد ميلادي دي تالت مره احتفل بيه السنادي احتفلنا واحنا مسافرين و مع ماما و بابا و اخواتي و مع صحابي

عدي…..اه غاليه عند الكل انتي عقبال المره الرابعه

تقي….لا مفيش رابعه خلاص الكل احتفل بيا

عدي….اه بس واضح ان تالت احتفال ده بسطك اوي واضح من صورك

تقي….بضحك هو انت ايه حكايتك انت بتراقبني

عدي…..وهراقبك ليه انتي عندي علي الانستا واي حاجه بتحطيها بشوفها

تقي….اممممم ايه رايك طيب في الصور

عدي…..حلوه بس معرفش انا غير تمارا و ادهم في كذا حد كده مش عارفهم بس غالبا اللي كان حاطت ايده علي كتفك ده حدوته مش كده

ابتسمت تقي و سكتت شويه

عدي…..امممم سكتي ليه

تقي….اااااا طيب كان لابس ايه يمكن مش حدوته ؟

عدي…..والله !! ايه مش عارفه مين اللي كان حاطت ايده علي كتفك و لا هو كل صحابك واخدين عليكي اوي كده لدرجه انهم يتصوروا معاكي و هما حاطين ايدهم علي كتفك

تقي…..ابتسمت و رفعت حاجبها تقصد ايه؟