لقاء كارثي
لقاء كارثي
عدي……لا بصي فكك بقي من غيره الصحاب والجو ده بصي يا تقي الصوره مش حلوه و مش عجباني و عشان بس نبقي حلوين كده و عشان متزعليش مني حالا كده و انا معاكي هتشيلي الصوره ده اولا و ثانياً الموقف ده ميتكررش تاني لا في صوره و لا في حقيقه
تقي……نعم
عدي…..ايه مستغربه ليه ؟
تقي…..عشان انا حساك بتهرج
عدي……لا مش بهرج و اللي بقولوا هيتعمل
تقي…..عدي انت مالك بجد انهارده
عدي…..زي الفل قدرتي تستفزيني الحمد لله و خلص خلاص اتفضلي اعملي اللي قولت عليه
تقي…..طيب و لو رفضت ؟
عدي…..لا مفيش حاجه اسمها لو رفضت انا مش بديكي اوبشن يا تقي
تقي…..اوك يا عدي بس انا مش هشيل الصوره
عدي…..بغضب يا دييييييين……. تقييييي متعصبنيش
تقي….طيب ممكن بلاش الفاظ عشان بجد انا بدأت اتضايق
عدي…..تمام اتفضلي شيليها حلو كده الاسلوب ده
تقي…..و هو فين الاسلوب الحلو ده انا مش هشيل حاجه يا عدي لان طريقتك بجد مش عجباني انا كنت راجعه مبسوطه علي فكره و بفضلك الحمد لله نكدت عليا و بوظت اليوم خالص و اسمع بقي لما اقولك احنا اه صحاب و علاقتنا ببعض كويسه بس انا مش بتدخل في حياتك و لا مسموح ليك انك تدخل في حياتي و لو عايز تعتبر اللي هقولوا ده مقارنه يا عدي اعتبرها مقارنه انا مفيش حد من صحابي يقدر يقولي اعملي ده و متعمليش ده مع عدي و بيتهيألي انت كمان مينفعش تقولها
عدي…..لا ينفع يا تقي و هتشيلي الصوره
تقي…..مش هشيلها
عدي……خدي بالك العند ده مش تمام معايا
تقي…..وانا هعمد معاك ليه و اصلا انت ليه متعصب كده و الصوره فارقه معاك اوي كده ليه اديني سبب مقنع يخليني اشيل الصوره و انا هشيلها او اقولك انا موافقه اشيل الصوره بس بشرط
عدي…..انتي مش هتشرطي عليا انا مش بتكلم في حاجه غلط اي حد هيشوف الصوره دي مش هيشوفها تمام
تقي…..والله انا عندي شرط حابب تنفذه اوك مش حابب براحتك
عدي…..تمام شرط ايه
تقي…..امسح كل صورك اللي علي الانستا عندك انت كمان صور كتير بينك انت و صحابك و فيهم بنات
بردوا
عدي…..هاتي صوره واحده فيهم حاطت ايدي علي كتف بنت و بعدين اتكلمي و انا اصلا مقولتلكيش امسحي كل الصور انا بقولك الصوره دي بس
تقي…..و الله مش هتفرق بقي حاطت ايدك او لا المهم ان في صور ليك مع بنات و في صور قديمه انت لسه محتفظ بيها لحد الوقت و اصلا الانستا عندك البنات اللي انت ضايفهم عليه اكتر من الولاد بكتير و انا مدخلتش قبل كده بس بما انك مصمم اشيل الصوره يلا شيل صورك و انا هشيل الصوره
