لقاء كارثي

حسان….يلا يا حبيبي سلام

سلمي….باي

………….

اتصل سليم علي نسمه كانت زعلانه منه شويه او بمعني اصح كانت حاسه ان في حاجه نقصاها و كانت مستنيه اتصالوا فا كانت مضايقه
اول ما شافت رقمه فضلت باصه شويه علي الموبايل و بعدين رديت

نسمه…..الو

سليم….اخبارك ايه

نسمه….تمام وانت

سليم….بخير الحمد لله انتي مش في البيت ولا ايه

نسمه…..لا

سليم….امال فين

نسمه…..كان عندي محاضره و خلصتها و هروح الشغل

سليم….طيب كويس انتي جايه انهارده

نسمه….لا وليد مقالش ان في شغل انهارده ليكم لان جاب واحنا مسافرين

سليم…اممم طيب صليتي

نسمه…..صليت الصبح مصلتش الضهر عشان مش عارفه اصلي فين

سليم….طيب هو انتي انتي مالك؟

نسمه…..مليش كويسه

سليم….لا صوتك مش حلو و يعني بتردي علي قد السؤال شكلك مخصماني ولا ايه

نسمه…..ليه انت عملت حاجه تخليني اخاصمك

سليم….بابتسامه نش عارف بسألك

نسمه….تمام مفيش حاجه

سليم….متأكده

نسمه…..ادام انت متأكد يبقي انا متأكده

سليم….يعني مش زعلانه مثلا اني مكلمتكيش امبارح

نسمه…..ابتسمت و سكتت ثواني انت شايف ان ده ممكن يبقي مزعلني يبقي تمام

سليم…..بضحك الااه يبقي زعلانه عشان كده مع انا كمان المفروض ازعل لان لو انتي شايفه اني متصلتش كان ممكن تتصلي انتي او تبعتي مسدج و تسألني او حتي لما تصحي تتصلي او تبعتي ولا ايه

نسمه…..لا مش صح لان انت المفروض اللي كنت تتكلم و متكلمتش اتصل بيك بقي اقولك متصلتش بسا ليه

سليم….لا بس تتصلي تطمني مش يمكن في حاجه

نسمه…..تمام كان في حاجه بقي و لا انت بتقول كده عشان العقاب بتاعك اسامحك فيه

سليم…..بضحك اولا انا مطلبتش السماح علي فكره يعني تقدري تعاقبيني حقك بصراحه بس كمان ممكن تسمعي السبب لو اقتنعتي اوك مقتنعتيش انا جاهز للعقاب

نسمه….بابتسامه تمام سمعاك قول

سليم….امبارح محمود اخويا و سليمان شدوا مع بعض اوب و دي اول مره تحصل ان حد فينا يقف قدام التاني و محمود كان متعصب خالص و زعلان و عايز يسيب المكان و يرجع سيناء و عرفنا منه انه اتصل بخطيبته قالها انه مش هيكمل و محدش فينا كان فاهم محمود فيه ايه لان محمود اصلا مش كده خالص محمود طيب و هادي و عمره ما وصل للحاله دي فا كان في شد و عصبيه و بصراحه مزاجي مكانش احسن حاجه لان محمود كان صعبان عليا اوي و منزلش بردوا الشغل انهارده و لا هو عارف ولا احنا عارفين هو ماله بس دي كل الحكايه انا كنت هوصل بيكي علي فكره بس الوقت كان متأخر اوي و محبتش اتصل متأخر اوي كده خوفت تكوني نايمه كمان و بعدين دي اول مره اتصل بيكي و بصراحه كنت محروج شويه و مش حابب اكون رخم واتصل متأخر بس كده