لقاء كارثي

تقي….اه انا راكبه اوبر عندي محاضرتين

عدي…..ااااه قولتلي حلو الكلام ده يا صديقتي العزيزه بننزل كده و مش بنقول

تقي…..بضحكه هاديه انت تاني عايز تفاصيل يومي ولا ايه

عدي….ايه مش عاجبك

تقي….والله لو كنت رديت عليا امبارح كنت عرفت تفاصيل يومي انهارده

عدي…..راحت عليا يعني التفاصيل ولا ايه

تقي….امممم لا مش للدرجادي هقولك وامري لله

عدي…..وانا سامع

تقي…..عندي محاضرتين اول محاضره كمان ساعه تخلص علي اربعه و بعدين عندي محاضره بعدها علي طول تخلص علي سته

عدي…..هتروحي بعد كده صح

تقي….اممم لا

عدي…..هو ايه اللي لا هتروحي فين تاني

تقي….يعني تمارا و ادهم و حدوته و كام حد من زمايلنا اتفقوا اننا نروح نقعد شويه في كافيه مع بعض

عدي…..لا والله

تقي….بضحك ايه مش مصدقني ولا معترض يا صديقي العزيز

عدي….معترض اه هتخلصي علي سته و علي بال ما تخرجوا و تروحوا كافيه بقت سبعه ثمانيه هترجعي امته

تقي…..مفيش ثمانيه دي احنا هنقعد في كافيه قريب من الجامعه و هنقعد شويه مع بعض و هروح احنا بقالنا كتير متجمعناش و حتي يوم عيد ميلادي كانوا بيبقوا معايا و انا كنت مسافره فا هنقعد شويه

عدي….اممممم هتتأخري

تقي….لا مش اوي يعني شويه و هروح

عدي…..هتروحي ازاي اوبر

تقي….اااا معرفش لسه ممكن تمارا وادهم يوصلوني

عدي…..طيب ابقي عرفيني هتعملي ايه

تقي…..اوك هو ايه صحيح الحوار اللي كان معاك

عدي…..بغيره واضحه لا مفيش متشغليش بالك انتي

تقي…..بابتسامه هو ايه اللي مشغلش بالي سر يعني

عدي….لا مش سر بس مش عايز اوجع دماغك

تقي…..اه بس انا مشتكتش يعني لحضرتك و بعدين ما انت لسه سائلني الوقت و رديت عليك ما ترد انت كمان

عدي…..مفيش محمود و سليمان شدوا مع بعض شويه و كان حوار يعني كده فا كنت مشغول معاهم و الجو كان يوتر يعني مش اكتر

تقي….طيب هما كويسين يعني

عدي….اه الحمد لله تمام

تقي…..طيب الحمد لله بالنسبه بقي لصوتك اللي قلب ده ليه

عدي…..انا صوتب قلب لا خالص هيقلب ليه

تقي…..مش عارفه انا بسالك حساك كده قفلت بعد ما قولتلك اني هخرج مع صحابي

عدي…..لا خالص خلي بس بالك من نفسك و لما تعرفي تتصلي ابقي كلميني

تقي….بضحك كمان يعني مش هتتصل بيا

عدي…..لا مس كده بس انتي علي بال ما توصلي هتدخلي بسرعه علي محاضراتك و هتخلصي تبقي مع صحابك فا مش عايز اعملك ازعاج عشان تتبسطي معاهم انتي بقي لو حسيتي انك فاضيه كلميني