لقاء كارثي

سلامه…..تمام يا قلبي مستنيكم

ايه….انا جايه لوحدي علي فكره

سلامه….ليه هو تامر فين؟

ايه…..انا خرجت من الاوضه ملقتهوش كان نزل من ربع ساعه كلمتوا قال انه نزل عشان يجيب ورق مهم من المكتب و يقابل صاحبه عشان يبعته مع التيم عند حسان لحد ما هو يخلص

سلامه…..ااااا طيب ماشي عموماً مستنيكي

ايه…..تمام

سلامه…..علي مهلك و انتي جايه

ايه….حاضر يلا باي

سلامه….باي يا روحي

قفل سلامه و ابتسم بهدوء و هو واثق و متأكد ان تامر لا رايح يجيب ورق ولا رايح يشوف صاحبه و نزل قبل ايه مخصوص عشان ميروحش معاها كان عارف ان تامر بدأ يتهرب من اي حاجه تجمعه بايه عشان يكسب ثقه سلامه اللي حطها فيه.

………

بعد حوالي ساعه و نص كانوا الثلاثه في الشقه وصلت ايه الاول و بعدها بحوالي خمس دقايق و صل تامر .

شاف البيت كله و بدأ يلف فيه بهدوء و ياخد كل مقاسات الغرف

تامر……طيب انا كده رفعت كل المقاسات شوفي بقي انتي عايزه ايه عشان نظبط الدنيا

ايه…..انا مش عارفه بس كل اللي اعرفوا اني عيزاك تعمل مكان زي بيت كده للكلاب

تامر….كلاب ايه مش هو ميلو

ايه…..لا ما احنا هنجيب واحد كمان

تامر….طيب وليه بيت ليهم جوه الشقه ما انتي سايبه ميلو في الشقه عادي

سلامه….هي حابه تعملهم بيت كده في ركن خاص بيهم و بعدين بيتهيالي كده احسن ممكن يجي اي حد بيخاف من الكلاب زي نعيمه لو حد جه يساعدها في تنضيف البيت فا الافضل يتحطوا في البيت شويه

تامر…. طيب حابه يكون فين مثلا
هو انا شايف ان الغرف موجوده في مكان لوحدهم

ايه….لا هنبعد اكيد عن الغرف

تامر…..طيب ايه رايك في الركن الصغير ده يعني بيتهيألي المكان هنا صغير و في نفس الوقت يوم ما تحبي انك تستغليه هيبقي زي مكتبه تحطي فيه ديكور او كوفي كورنر هو اقل من متر حوالي 90سم تقريباً.

سلامه…..هو الكوفي كورنر انا بقول يكون هناك كده احسن ولا انت ايه رايك

تامر…..اه حلو اوي بردوا المكان ده و اكبر شويه من هنا انا شايف ان ده افضل للكلاب لانه مساحه صغيره ايه رايك يا ايه

ايه…..ايوه هو حلو بس لو البيت طوله لحد هنا مثلا هيبقي قد ايه؟

تامر….استني نقيس امممممم هو لحد المكان اللي شاورتي عليه حوالي 65 ارتفاع ممكن نخليه 90 في 90

ايه…..طيب و باقي الارتفاع ده لحد السقف هيبقي فاضي كده