لقاء كارثي

…………..

وصل عشري قدام المكان اللي هيقابل فيه سلامه و عسال ركن و ليله ركنت وراه بس فضلت قاعده في مكانها منزلتش نزل عشري و بصلها و هي رافعه حاجبها و مبتسمه فا ضحك كان عارف انها مش هتنزل غير لما يفتحلها قرب منها و هو بيضحك

عشري…..و بعدين في الرخامه هو انا لو مش معاكي مش هتنزلي

ليله….بضحك لا هنزل بس انت معايا

عشري…..وايه الفرق بقي

ليله…..بضحك و الله انت السبب عودتني علي حاجه و حبيتها افتح يلا

عشري…..بابتسامه حب عيوني للاميره بتاعتي يلا انزلي يا هبله

نزلت ليله و هي مبسوطه قفلت العربيه و مسكت في كفه اللي كان ممدود ليها و راحوا علي جوه.

عشري…..اهم قاعدين

قربوا منهم و قاموا سلموا عليهم شدلها عشري الكرسي و قعدوا

عشري…..ايه الاخبار

سلامه….كله تمام

عسال……شكلك خلصان ده احنا لسه بنقول يا هادي

عشري…..اه والله يا ميدو انهارده تعبت اوي

عسال….طب قولي محتاج ايه وانا اعملوا

سلامه….خدوا بالكم انتوا وضعكم كمان احسن من رشيد وايمي وقت ما كانوا بيجهزوا الدنيا رشيد زنق نفسه و مكانش بينام يعني حاولوا متضغطوش علي نفسكم انتوا يعتبر جاهزين

عشري…..انا بضغط علي نفسي الكام بوم دول بس عشان افضي الفتره الجايه

ليله….خليه يستاهل قولتلوا مش عايزه فرح هو اللي غاوي تعب

عسال…..بابتسامه يعني الراجل الحق عليه عايز يفرحك

عشري…..بابتسامه مفتريه دي

ليله……لا مش الحق عليه بس هو تاعب نفسه اوي و كمان مش عايز يعرفني عشان مقولهوش لا

سلامه….بضحك بس احنا عارفين و مش هنقولك

ليله…..احسن يلا اتسحلوا معاه بقي و اشربوا

سلامه….يا ستي كلوا يهون عشان خاطرك.

ليله….بابتسامه حبيبي يا سلامه

عسال…..تشربوا ايه

عشري….انا عايز قهوه دماغي هتنفجر

ليله…..وانا كمان قهوه

عسال……تمام نادي ميدو علي الويتر و قالوا يجيب قهوه

سلامه….خير بقي في ايه حاسس ان وراكم مصيبه

عشري….ليه ياواطي و احنا وش مصايب بردوا

سلامه….لا بس استغربت لما قولتلي انت و ليله عايزنا الوقت اكيد في حاجه

عشري….هو بصراحه فيه بس حاجه مش وحشه يعني بص لليله و ابتسم

ليله….اممم طيب مبداياً كده خليني انا اتكلم بصراحه يعني مش عشري اللي عايزكم انا اللي عيزاكم و علي فكره هو مكانش راضي و لا حابب يدخل عشان محدش فيكم يتحرج منه فا تقدروا كده توقولوا انه مجرد و سيط بيني و بينكم