لقاء كارثي

عشري…..يا شباب ريهام اختكم و انتوا ادري بمصلحتها ريهام زي اختي بالظبط و انا مش هزايد علي خوفكم عليها بس القرار ليكم انتوا موافقين تمام مش موافقين مفيهاش كسوف

ليله…..لا شيلوا الكسوف علي جنب انا لما وضحت اللي حاصل عشان تفهموا انا ليه بطلب منكم ده مش عشان هي قالتلي او تعرف حاجه اصلا زي ما قولتلكم احنا خاليا محتاجين ريهام و في نفس الوقت هي اكيد محتاجه التجربه دي و لو هتوافقوا فا بيتهيألي المكان عندنا اكتر مكان تطمنوا علي ريهام فيه زي ما قولت محدش فينا هيسيبها و المكان كمان هيبقي بتاعها مش هتشتغل تحت ايد حد ولا حد هيتجرأ انه يضايقها اصلاً حابين تردوا الوقت اوك سمعاكم مش حابين خدوا وقتكم و اياً كان قراركم مش هزعل و اخر مره هقولهالكم عشري ملهوس علاقه هو مكانش راضي يتدخل اصلا يعني مش بيحطكم قدام امر واقع

عسال بص لسلامه و ابتسم بهدوء و سكت.

سلامه…..بابتسامه طيب انا المفروض الوقت اقول ايه

عشري….سلامه اللي يتكسف من بنت عمه ميجيبش منها عيال موافق قول موافق مش موافق لا انا و ليله هنزعل او حتي نعترض

ليله…..قول اللي عندك يا سلامه احنا اخوات و انا علي قد ما متعصبه من طريقتكم مع ريهام بس كمان عارفه انكم معاكم حق و مقدره خوفكم عليها

سلامه…..بصي يا ليله انا عايز بس اعرفك اني مش رخم ولا انا شديد ولا طبعي صعب و لا بتحكم في ريهام و الا هيبقي عندي تناقد كبير اني قابل ايه تشتغل و معنديش مشكله انها تكمل بعد الجواز كمان و دن مش معناه خالص اني بخاف علي ريهام اكتر ما بخاف علي ايه خالص والله يمكن ايه هبله و عبيطه بس هي بتشتغل من زمان و عرفت تتعامل في الشارع و مع الناس والاهم ان انتوا حواليها ديماً و ايه بتستقوي بيكم بس ريهام لا اشتغلت ولا كان عندها صحاب جدعان زيكم و احنا شباب يا ليله طول الوقت في الشارع و في شغلنا يعني محدش فينا كان هيقدر يفضل مراقبها طول الوقت و يشوف مين بيزعلها ومين بيضايقها مين كويس ومين محترم و مين وسخ و مين زباله مش فاضين و امي زي ما انتي شوفتيها كده علي الله حكايتها طفله يا ليله طول عمرها لا بتعرف تتصرف و لا تتعامل ولا عندها جرأه فا مكانتش هتقدر تبقي واقفه في ضهر ريهام يعني من كلامك عن امك واضح اوي انها كانت ست بميت راجل مهما كنتوا بتختلفوا بس اللي يقربلك تاكله بسنانها بس امي غلبانه اوي يا ليله امي كان ممكن تخبي علينا اي حاجه بتحصل معاها او لو حد ضايقها بكلمه تسكت تخاف نعرف و نعمل مشكله كانت بتخاف اوي علينا فا امي مستحيل كانت تقدر تتصرف مع ريهام او مع اي حاجه تحصل فيهم فا وضع ريهام مختلف عن ايه عن نادين عنك و خدي بالك يا ليله انا كنت عاذر اوي وليد اخوكي رغم اني كنت حاسس بيكي و بزعلك منه وقت المشكله بس مكنتش شايفه غلطان لانه كان خايف عليكي و مش هكدب عليكي انا مشكلتك مع وليد رعبتني و خلتني اخاف ريهام تكون واخده مني نفس الموقف ده لان انا كمان كنت خايف عليها اه ظروفي مختلفه عن وليد هو كان لوحده و بطولوا وانا واخواتي كنا مع بعض بس كمان احنا شبهك يا ليله عيشنا نفس ظروفك ابويا مكانش معانا امي كانت غلبانه و ملهاش حس و انا كنت عامل زي وليد خايف عليها هي وريهام عيني في وسط راسي علي مصطفي لانه صغير كنت خايف يضيع او يتلم علي صحاب مش تمام كنت خايف علي ميدو فا غصب عني بس والله يا ليله انا مش متحكم ولا شديد ولا كل ده