لقاء كارثي

ليله….باي..

…………..

نزلت نعيمه بعد ما جهزت كان فضل مستنيها تحت قربت منه و ابتسمت فتحت الباب و طلعت جنبه

نعيمه……صباح الفل

فضل….التسم و باس كفها صباح الفل يا حبيبي ايه القمر ده

نعيمه….انت اللي قمر هي عينك حمراء كده ليه

فضل…..مش نايم كويس العمال وصلوا بدري و صحيت وقفت معاهم شويه و بعدين نزلت جيتلك امسكي الكريم اهو هتحطي منه و بحركه داىريه كده مرتين او تلاته في اليوم و قبل كل مره تغسلي ايدك كويس و تنشفيها بس كده

نعيمه….ماشي ربنا يخليك ليا

فضل….ويخليكي ليا فطرتي

نعيمه….اه الحمد لله و انت

فضل…..فطرت الحمد لله انتي هتعملي ايه الوقت

نعيمه…..عندي شغل و بعدين هروح اطمن علي ايمي احنا هنتقابل انهارده و لا نكنسل

فضل…..لا مفيش كنسله عايزين نخلص و نروح نختار الحاجه بس بردوا هتصل عليكي و اعرفك لو معرفتش انهارده يبقي بكره

نعيمه….تمام عرفني و نتفق بس لو مش قادر ريح انهارده احسن احنا هنلف كتير و هتتعب

فضل……هشوف كده و اقولك

نعيمه…ماشي يا حبيبي انت راجع تاني الوقت صح

فضل….اه هرجع ابص غليهم لازم ابقي متابعهم

نعيمه….خلاص يلا روح و امشي علي مهلك هبقي اكلمك

فضل….تمام يلا لو احتاجتي حاجه كلميني

نعيمه….بابتسامه باسته من خده بسرعه حاضر

فضل….بابتسامه بحبك

نعيمه….وانا بمو…..ت فيك باي

فضل….باي يا نوني

……………..

عشري….انا عايزك تطمني خالص زي ما قولتلك محمود معندوش سبب هو واضح انه مضغوط و انتي عارفه محمود شخص صبور و بيجي علي نفسه و بيتحمل فا اكيد عشان يوصل للحاله دي معناه ان نفسيته تعبانه

رحمه….فهمتك با محمد انا والله مش زعلانه منه بالعكس انا مضايقه عشان و مش عارفه اعملوا ايه اول مره اشوفوا في الحاله دي

عشري….هيبقي كويس و زي الفل متقلقيش و انسي خالص الكلام اللي قالوا عشان خاطري انا محمود مش بيتخلي عنك و لا عايز يسيبك زي ما قال محمود لما قالك هسيبك كان مقرر يسيب الشغل و يسيبنا و بعدين انتي عارفه هو قريب مني قد ايه حتي انا كان مقرر يبعد عني في اكتر وقت انا محتاجه فيه بس لا اقدر ازعل منه ولا الومه لاني عارفه كويس و عايزك انتي كمان تعذريه هو هيفصل وانا واثق العمره هتريحوا كتير و ترجع طاقته تاني و اكيد هيتصل عليكي او يبعتلك مسدچ او حتي يطلب يشوفك بس حتي لو ده محصلش مش عايزك تضايقي و الله يا رحمه محمود نفسيته زي الزفت و اللي بيعملوا معاكي مش مقصود صدقيني