لقاء كارثي

نادين….فعلا شكلها طيبه و واضح انها ما صدقت سلمي عرضت عليها

سلمي…..صح

ايمي….بابتسامه يعني خلاص مفيش غيره كده ولا كده

ماريز…..وهي غير من ايه الست متجوزه و حسان بيحبها

سلمي….بصراحه يا ايمي يمكن لو كانت رفضت كنت هحس انها حاطه بينا حدود او مش حباني اقرب من بنتها بس هي زي ما قالت ناديت حسيتها ما صدقت عشان تطمن علي هنا و بيني و بينكم مش هنكر ان كان جوايا مشاعر غيره من علا مش منها شخصيا والله بس فكره اني بتعامل مع الست اللي كانت مرات حسان صعبه والله بس حبيت اني اكسر الحاجز ده عشان ارتاح و مفضلش افكر و لا اشغل دماغي بحاجه هي مش موجوده و حبيت اني اواجه مشاعري دي و اخلي التعامل بينا عادي و الحقيقه موافقتها و فرحتها بعرضي ده كسرت الحاجز ده في اقل من ثانيه خصوصا لما اتكلمت معايا و كانت مرعوبه و عيطت و الله العظيم صعبت عليا لانها خايفه اوي

نادين…..طيب هي ولدت

سلمي…اه بس واضح انها تعبانه لان هي بقالها فتره بتتعب كتير و كمان البيبي بتاعتها دخلت الحضانه و هي بجد كانت مرعوبه

ليله…..ان شاء الله تخرج بالسلامه

ايمي….يارب هي و بنتها و يكملك بعقلك يا ست البنات يا ام قلب طيب

ليله…..مش جديد عليها يا اختي انا كنت عارفه ان سلمي مع الوقت هتهدأ و يمكن ربنا عمل كده عشان تنسي الغيره دي خالص انا عارفه انها حقك بس كمان انتي كده ارتاحتي

سلمي….بصراحه ارتحت اوي يا ليله

ليله….يارب ديماً عقبال ما نشوفك احلي مامي في الدنيا

ماريز….يارب انتب و هي و نادين و يقوم ايمي و امنيه بالسلامه و يفرح البنات كلهم

سلمي… يارب يا زوزو

ليله…. اللهم امين

دخلوا تاني علي جوه و معاهم ايه

قربت جري من ايمي و هي بتصوت و فرحانه

ايه….مبروك يا ايمييييي

ايمي….بضحك المجنونه جات الله يبارك فيكي ياعمري عقبالك يارب انتي و سلامه

ليله….بابتسامه لا بقولكم ايه عايزين نتفق كده اتفاق حلو مع بعض احنا من هنا و رايح نقسم نفسنا مينفعش نيجي كلنا مره واحده و نسيبها لوحدها مره واحده

سلمي….اه صح عايزين نظبطها

ليله….اللي هيجي يقول هيجي امته و هيقعد قد ايه عشان لو حد جالها بدري التاني يعدي عليها بليل

رشيد….اه والنبي يا ليله ظبطوها لان انا هبقي بسيبها عشان الشغل و عايز ابقي مطمن عليها

ليله…..ماهو احنا لازم نعرف بعض لان لما نيجي كلنا و نمشي هتبقي قاعده بعد كده لوحدها طول اليوم نقسم نفسنا احسن