لقاء كارثي

ليله….بضحك اه خد بالي

سلامه….بصحك شايفه قلة الادب مش عاجبها حاجه كده علي طول

ليله….بتنكشك يا سلامه بس قولي عامله معاك ايه

سلامه….بابتسامه دي حبيبتي من ره حياتي

ليله….بضحك ابووووه بقي

ايه…بضحك شكلي وحش اوي بعد لساني الطويل ده

ليله…اوي بصراحه الراجل طلع احسن منك يا واطيه

سلامه…..شوفتي الفديو منورين فيه كلنا ازاي

ليله….يجنن يا سلامه والله مبسوطه اوي بيه مصر كلها شافته

سلامه….مصطفي كان مضايق خدي بالك

ليله….ايه ده طب ليه

سلامه….هو حط في دماغه انه عمل مصيبه و خاف ميدو يزعل انه صور حاجه زي دي و عملت ضجه جامده

ليله….لا بس دي مش دماغ ميدو ولا حتي نادين بالعكس انا حساهم مبسوطين لما كلمتهم

سلامه…جدااااا ميدو طاير عشان نادين مبسوطه و نادين مبسوطه جدا هو بس عمال يقولوا والله ما كنت اعرف والله كنت فرحان مش قاصد

ليله…حبيبي لا متخليهوش يضايق ده رزق ربنا باعته ليه هو كان بيتكلم معايا انا وعشري في السخنه وقال عايز يكبر الصفحه و بيحاول وسبحان الله جات من عند ربنا و من غير مجهود

ايه….بابتسامه ماشاء الله شوفتي صفحته انهارده كملت مليون و 300 الف

ليله….شوفتها ماشاء الله هو يستاهل كل خير والله مصطفي طيب و جميل و قلبه نضيف و يستاهل كل خير عقبال البرنامج بقي ما يكسر الدنيا اكتر

سلامه…يارب

كملت ليله معاهم قعدتها شربت القهوه و شويه و قامت عشان تمشي سلمت عليهم و بعدين نزلت و نزل سلامه معاها وصلها لحد تحت مكانتش راضيه بس صمم ينزلها

مشيت ليله و اتحركت علي نعيمه.

اتصلت علي عشري و هي في الطريق كنسل عليها ثواني و جالها اشعار عالواتس

فتحت المسدچ و قرأتها حبيبي شويه و اكلمك عشان قاعد مع الناس

مسكت الموبايل و بعتتله بسرعه

ليله…..الناس اهم مني و راحت بعتالوا ايموشن قلب مكسور

ضحكت و بصت عالموبايل كان بيكتب و بعدين بقي غير متصل

اقل من نص دقيقه ولقته بيتصل ضحكت و ردت

عشري…..ابو الناس لابو اللي جابهم لابو كل حاجه مفيش حد اهم منك يا قلب عشري

ليله….بضحك شوفت بجيلك ازاي

عشري…بابتسامه ماشي يا ستي افضلي انتي العبي كده علي نقطه ضعفي

ليله…بحبك

عشري…ولنا بعشق امك يا بنت المارديني و علي فكره بقي انا بجد مش عارف اتكلم و سيبت الناس وقومت

ليله….طيب خلاص روح يا عمري انا كنت بشوفك عملت ايه فكرتك خلصت