لقاء كارثي

ليله…..يعني معقول حد فينا يعرف انك فيكي حاجه و ميطمنش عليكي و الاهم احنا مفيش بينا الكلام ده صح ولا ايه

ايه….اكيد ربنا يخليكم ليا والله من الصبح كل البنات مقصروش و نوني رغم انها مشغوله مكلماني مرتين لحد الوقت

ليله…طيب بالمناسبه بقي عيزاكي تبقي تكلمي ايمي و تطمنيها عليكي لانها عايزه تجيلك و عايزه تشوف نوني قبل ما تسافر و هي خلصانه انا من وقت ما روحتلها مقامتش من الكنبه جسمها مكسر و عندها وجع خفيف في بطنها و طبعا انتي عارفه جنانها قالبه علي رشيد عشان بيقولها ترتاح

ايه…..تيجي فين ببطنها دي هي قادره تتحرك لا طبعا متجيش انا بقيت كويسه

ليله…اهو ابق يكلميها بقي عشان خايفه حد فيكم يزعل

ايه….دي هبله ايمي دي محدش هيزعل طبعا و لا نوني هتزعل اصلا انا طول الوقت والله كنت خايفه عليها من مشوار السفر ده و الرطيق والعربيه و الفتره اللي فاتت مكانتش بتقعد

ليله…. ايمي مش بتريح نفسها ومش متعوده علي القاعده و بتزهق بسرعه و بصراحه انا نفسي اغمض عين وافتح عين الاقيها ولدت لان بجد مرعوبه عليها

ايه….والله انا كنان نفسي الوقت يعدي بقي

ليله….يا شيخه ده انا حاسه ان انا اللي حامل مش هي مع ان ايمي الحمد لله حملها مش مزعج يعني بس خايفه عليها و نفسي الوقت يعدي و تقوم بالسلامه هي و ولادها

ايه…يارب هانت خلاص ان شاء الله نفرح بيها قريب

ليله….يارب المهم ابق يكلميها هي لما تسمع صوتك بقيتي احسن هتهدا شويه

ايه…هكلمها والله و هبهدلها فرصه وانا تعبانه كده مش هتتملم مبعرفش اخد معاها حق ولا باطل وانا كويسه

ليله….بضحك علي اساس بيهمها حد دي دي واطيه و لسانها عايز قطعه

ايه…..بضحك بس بموت فيها وفي لسانها والله بقولك ايه نوني متصالحتش برصوا مع فضل سالتها قالتلي مش عايزه اشوف وشه

ليله…بضحك دي مجنونه و جننت الراجل معاها هي وامه الاتنين متفقين عليه

ايه….تصدقي بحس ان نجود عندها عرق طاقق زي نعيمه

ليله…. بضحك عرق واحد ده هو عرق اللي شغال و الباقي مفوت بس ماقلقيش هصالحهم انهارده و اتفقت مع فضل يجي علي المطار من وراها

ايه….طيب كويس صالحيهم والنبي اه

ليله….هصالحهم متقلقيش

قرب سلامه بالقهوه

سلامه…منوره الدنيا يا لولي

ليله…منوره بيك يا حبيبي والله

ايه….بضحك عامل فيها صاحب بيت وبيضايف وكده