لقاء كارثي

نعيمه…ما ده اللي ناقص و بعدين مش بعيده علي فكره ربنا فضحك قدامي في مكالمه تليفون بس جايز يكون لسه ساتر عليك في باقي مغامراتك

فضل….مغامرات ايه يا بت والمصحف شيطاني بيقولي اخنقك و ارتاح منك

نعيمه…..عشان يخلتلك الجو لا يا اخويا سيبني للي عايزني و روح انت العب بديلك متقلقش مش هقفل عليك حياتك انت حر خلاص اصلا انا طلعت بره حياتك

فضل…اوووف اللهم طولك يا روح نعيمه ممكن تهدي و خلينا نتكلم عشان و الله والله والله انا بجد بقيت علي اخري انتي حتي مش مديتني فرصه ادافع عن نفسي

نعيمه….ماهو تدافع عن نفسك دي لما حد يجي يقولي انا سمعت فضل بيكلم بينت و حصل واحد اتنين تلاته هاجي اسالك هتدافع عن نفسك انما اكدب ودني طيب بلاش اكدب عيني و انا شيفاك متوتر

فضل…لا يا ستي انتي صح لا تكدبي و دنك ولا تكدبي عينك خلينا في قلبك انتي تصدقي اني اعمل كده

نعيمه….عملتها قبل كده با فضل ولا نسيت رحاب

فضل….بغضب رعبها نعيييييييمه احنا قفلنا حوار رحاب ده و ميتفنحش تاني مدي الحياااااه انا قولتلك وقتها اللي حصل و حلينا سوء التفاهم ده وخلصنا منه وانتي وهي علاقتكم بقت كويسه مش بعد ده كله هنرجع نفتحه و نرجع ندخل نفس الدوامه و تعملي مشاكل

نعيمه…انا هعمل مشاكل يا فضل

فضل…..اه يا نعيمه فتحك لاحوار ده هيسبي مشاكل انا لو كنت حابب اضايقك برحاب او غيرها كنت عملتها ومحدش كان هيقدر يفتح بوئه معايا بحرف لان وقتها الهانم هي اللي كانت سايبه و بعدت و قلعت دهبها و قالت مش عايزه اكمل

و كان عادي جدا اضايقك اوجعك اتصرف عادي واقول خلتص كل واحد راح لحاله بس انا معملتش كده عشان مكانش ينفع مش عشان اي حد عشانك لاني احترمتك ولاني كنت عارف اننا مهما زعلنا او حصل بينا سوء تفاهم او اعصابك تعبانه هنرجع و حصل و الحوار اتقفل

انتي اللي غلطتي في كل الحوار ده و مع ذلك عديته عشان بحبك انا لو نسوانجي او وسخ كنت استغليت رحاب او غيرها بس انا مش كده و الحوار اللي حصل في العربيه انا لو بعمل حاجه من وراكي مش هقولك ردي هتقوليلي ارقم غريب و مكنتش تعرف هقولك الراجل لما بيبق يعارف انه بيخون بيحرص علي قد ما يقدر لا بيسيب موبايله ولا بيسيب اي حاجه للصدفه لا رقم غريب ولا رقم مكتوب عليه اسم

نعيمه…طيب حط نفسك مكاني تمام لو انا اللي حصل معايا نفس الموقف بالظبط انت هتعديه لو واحد كلمني بكل ثقه زي ما هي كلمتك و مش شاكك او عنده شك واحد في الميه في صوتي و مكمل كلام و انا عماله انطقولوا مش انا الرقم غلط و هو مستمر هتصدق طيب لو قالي نعيمه هتصدق لو قالي راجعه من السفر امته و مستنيكي و وحشيتيني هتصدق ده انت كنت قت*لتني يا فضل