لقاء كارثي

فضل…..لو بثق فيكي مش هصدق

نعيمه….متكدبشششش في حجات ملهاش علاقه بالثقه وقتها اصلا مش هتشوف قدامك

فضل… يا ستي خليني امشي مع كلامك للاخر انتي صح و مش هصدق او هشك بس في مليون واحد اسمه محمد لكن نعبمه ده مش كتير و انا غيرك

نعيمه…..هو ايه اللي انا غيررررك انت عندك قلب و انا عندي حجر انت عندك كرامه وانا بارده و يعني ايه في مليون واحد اسمه محمد

فضل…..طيب يا نعيمه ده اللي حصل و ده الواقع الوقت صدفه بنت ستين كلب متفصله علي مقاسي بالسم اعمل ايه الوقت اللي اتكلمت قالت حجات راكبه عليا اخليكي تصدقي ازاي انه مش انا المقصود ولا انتي بتتلككي يا نعيمه

نعيمه….هتلكك ليه انا راجعه انا وانت بنهزر و بنضحك كنت نايمه علي كتفك مكنتش عامله حسابي للمكالمه و لا كنت عارفه ان حد هيتصل بيك المكالمه جايه علي موبالك مش موبايلي بتلكككك ايه ناقص تقولي انا اللي مسلطه حد عليك يعمل معاك المكالمه دي عشان الاقي سبب اتخانق معاك عليه

فضل…..انا مقولتش كده و وطي صوتك عشان بدأت اتعصب انا بقولك ايه يرضييييكي تحبي اكلم الرقم قدامك تحبي تاخديه انتي و تتكلمي مع نفسك اعمل ايه قولي

نعيمه…كلم الرقم يا فضل الوقت

فضل….تمام يا نعيمه

مسك الموبايل جاب الرقم

فضل….اهوووو قدامك بالوقت و تاريخ امبارح احسن تقولي بكدب عليكي مش ده نفس الوقت الي كنا راجعين فيه

نعيمه….بغيظ وهي حاطه ايدها علي وسطها اتصل

بصلها بغيظ وغضب و رن سمع رساله صوتيه بتقول ان الخط مغلق

نعيمه …خير مغلق من امبارح

فضل…ياستي انا بتصل قدام عينك اهو عشان تتأكدي بنفسك

نعيمه….ودي كمان صدقه يا فضل امبارح تتصل وانا معاك انت و جوجو عالخط و يقول مقفول والوقت كمان مقفول

فضل….وانا ايش عرف امي هو انا ولي امرها اقولها تفتح وتقفل امته

نعيمه…ماهو الحوار ده ملهوش غير تفسير واحد من اتنين يا فضل

فضل…وايه هما بقي

نعيمه…..اولهم انك عارف مين اللي بيكلمك ده و لما نزلت وركبت مع نادر انت اتصلت و عرفتها و طلبت منها تقفل الموبايل عشان ميحصلش مشاكل و عشان تأمن نفسك

فضل…..يابت انتي غبيه انتي بتلبسيني مصيبه و خلاص ظبطي السيناريو علي مزاجك ودين الله يا شيخه ما اعرفها قسما بالله ما اعرفها و غلاوة امي وابويا ما اعرفها ايه اقولك ايه تاني