لقاء كارثي

عسال…..انت اهبل يلااا ترند ايه اللي علي حسي انا مش زعلان يا مصطفي و لا ممكن ازعل من حاجه ممكن تكون فيها خير ليك و بعدين انت مش مصور حاجه يعني خاصه يمكن الفرح خاص بينا بس عادي مش انت بس اللي صورت طول الوقت الكل كان رافع موبايله وبيصور اي حاجه تعجبه بشكل او باخر و بعدين ربنا عايز كده و عايز انك تنجح او تتشاف في حاجه انت مكنتش عامل حساب ليها

سلامه….مفيش حاجه تزعل يا مصطفي بالعكس الموضوع لذيذ

ريهام….انتوا ترند بجد الموضوع كبير علي فكره ده انتوا مكتوب عنكم اخبار

مصطفي…ده اللي بقولوا هو مش فاهم انا عملت ايه

عسال ..بضحك عملت ايه يعني فديو اتصور و جاب مشاهدات و دي في حد ذاتها خير ليك ربنا عايزه انا عن نفسي مش زعلان نودي انتي مضايقه

نادين….بضحك لا طبعاً انا بس عايزع اشوف موبايلي اكيد في حد مشير ليا

عسال…وريني كده اللي مكتوب

مصطفي…استني هبعتلك كل الاخبار اللي صحابي باعتينها.

بدا مصطفي يفرجهم علي الاخبار

من ذكرى خاصة إلى ترند عربي فيديو عروسين على الفلاي بورد يجتاح المنصات.

قصة حب تحلق فوق المياه. عروسان يتحولان إلى حديث مواقع التواصل.

لقطة واحدة كانت كفيلة بصناعة ترند عرسان يخطفان قلوب الجمهور

زفاف خارج المألوف عريس وعروسة يحولان البحر إلى ساحة احتفال.

بدل الزفة التقليدية عريس وعروسة يطيران فوق أمواج البحر ويخطفان الأنظار علي الفلاي بورد..

لم يكن العروسان يعرفان أن الدقائق القليلة التي سجلاها فوق أمواج البحر ستتحول خلال ساعات إلى واحد من أكثر مقاطع الزفاف تداوللاً ليصبح يومهما الخاص حديث السوشيال ميديا ومصدراً للبهجة عند آلاف المتابعين.

الفستان الأبيض يحلق فوق الأمواج مشاهد مبهجة من حفل زفاف غير تقليدي..

مشهد أقرب للأحلام عروسان يحتفلان بزفافهما بطريقة أبهرت المتابعين..

كانوا بيشوفوا الاخبار و الكلام المكتوب عناوين الصفح و مبسوطين جدا مصطفي كان مضايق في الاول و حاسس انه عمل مصيبه لما اقتحم خصوصيه اخوه ومراته لكن رد فعل ميدو ونادين فرحوه جدا..

ريهام….الله الكلام يجنن ده في فديو وانا بطبل كمان و كلنا موجودين

ايه….بتعب ابتسمت ده ترند بجد احنا كلنا ظاهرين

سلامه…..ايوه ظاهرين و الكومنتات علي فكره حلوه جدا

حنان….بسعاده الله اكبر الدنيا كلها بتفرح معاك يا حبيبي انت ونادين