لقاء كارثي

اتواصل معاه صاحب البرنامج اللي هيتعمل وكان مبسوط جدا وشايف ان ده نجاح كبير و لازم يستغلوه لصالحهم بعد ما الصفحه اترفعت بالشكل ده كان في حاله غريبه من تدابير ربنا لصالح مصطفي و يمكن زي ما نادين قالت لصالحهم هما كمان.

حتي الصفحه بتاعت المطعم كان بيجي عليها رسايل كتير ايمي و ليله ظاهرين و ريهام كمان كانت اتعرفت في الفتره دي فكانت ظاهره و ليها فديو وهي بتطبل فا الكل كان عارف ان الفرح يخصهم فا كان في حاله جميله جدا من مشاركه الفرح و نجاح لشغلهم من غير اي مجهود.

البنات كانوا فرحانين من قلبهم لفرحه نادين و حاسين قد ايه ربنا عوضه جميل بجد فرحتها كانت اكبر بكتير منا تتخيل و شاركها الفرح ناس متعرفهمش ولا يعرفوها كلامهم و كومنتاتهم كانوا دعم نفسي قوي ليها وسعاده ملهاش وصف

حتي ميدو كان ربنا عوضه عن وحدته اللي عمره ما اعترض عليها و خلي كل الناس تفرح معاه و يدعوله من قلبهم كأنهم يعرفوه

والحقيقه ان الفديو بشكل او باخر مكانش بس فرحه ليهم هما الاتنين بس ده كان باب رزق بيتفتح من غير ما حد يكون مرتب ..

البنات عرفوا ان ايه تعبت جامد بس فضلت تقولهم انها بخير و محدش يجي و لا يقول لبابا نسيت تعبها هي كمان رغم انها كانت بجد تعبانه اوي بس كانت مبسوطه والطاقه الايجابيه اللي حصلت ديي خلتها رجعت جزء ولو بسيط من نشاطها

………………

نغم واحمد كانوا مبسوطين هما كمان و تابعوا الترند اللي حصل و فضلوا يرغوا ويتكلموا مع بعض

خلصت نغم الغداء و كلت هي واحمد و حاولت تروق البيت شويه و ظبطت كل حاجه وبعدين مشيت نزل احمد وصلها وراح بص علي حماده شويه قعد معاه حبه وشرب الشاي و بعدين مشي..

رشيد جه خد ايمي و چوي و روحوا علي البيت بعد ما اتنضف

و علي الساعه 12 رجع تامر من الشغل دور بعينه علي نغم كان حابب يسأل ابوه اذا كانت جات او اتصلت بس معرفش و احمد مداهوش فرصه يسأل اصلا.

احمد….يلا يا حبيبي ادخل خد دش وغير وانا هسخنلك الاكل علي فكره نغم اللي عملت الاكل انهارده

تامر….بصلوا بهدوء ااا هي جات انهارده

احمد…اه جات علي الساعه خمسه كده وقعدت معايا و عملت الاكل وروقت و بعدين علي عشره ونص كده نزلت وصلتها قعدت شويه مع عمك حماده وزوزو و رجعت بصراحه البنت دي بنت حلال و طيبه اوي مش عارف لو مكانتش موجوده حالتب من غير اخواتك كانت هتبقي ازاي