لقاء كارثي

و نعيمه اكتشفت انها بتحب فضل جدا و يمكن وقت ما شافت الموقف بنفسها حصلها غشاوه علي عينها و افتكرت موقف رحاب اللي قررت تعديه بكل هدوء من غير اي مشاكل او عداوه لانها كانت محمله نفسها جزء كبير من اللي حصل ده و شايفه انه الغلط بدأ منها لما سابت الباب مفتوح

بس المرادي هي معملتش حاجه و حست انها اتغبرت و اتحسنت و بتحاول علي قد ما تقدر ترجع حياتها مع فضل يمكن احسن من الاول فا لما الموقف حصل قدامها اضايقت و شافت ان المرادي فضل ملهوش مبرر و غصب عنها مركزتش في صدقه قد ما ركزت في وجعها من الموقف و في النهايه حقها

اول ما صحيت بصت علي الموبايل مكانش متصل بيها فكانت هتتجن توقعت انه نايم مقتول لحد الوقت لان كلهم كانوا جايين تعبانين وهي نفسها صاحيه متأخر بس مكانتش ناويه تتصل بيه اصلا لانها مش طيقاه…

و قررت تلهي نفسها في تجهيز شنط سفرها فا ققامت غسلت وشها عملت نسكافيه و كلت ساندوتش بسيط كانت جعانه و بعدين بدأت تفتحت الشنط و تحط فيها كل حاجتها اللي هتحتاجها كانت مقرره تروح تبات مع اهلها بس مرضيتش عشان عارفه انهم هيفضلوا يتكلموا في الموقف اللي حصل فا قررت تروح الصبح

حطت حجات كتير في الشنطه و بعدين وقفت تفكر تحط ايه تاني دماغها كانت مش تمام و كانت حاسه انها هتنسي حاجه اكيد.

سمعت صوت جرس الباب بيرن
سابت اللي في ايدها و راحت فتحت علي طول من غير ما تبص لقت فضل قدامها كشرت و بصتلوا بغضب

فضل…..هو انا قولت كام مره تقولي مين قبل ما تفتحي؟

نعيمه…انت بتزعق ليه

فضل…..لبسالي كت وشورت و تقوليلي بتزعق ليه بتفتحي ليه من غير ما تبصي ولا تسألي

نعيمه…وانت مالك اصلا انا براحتي علي فكره

دخل ورزع الباب اتخضت وبصتلوا

فضل…..مين دي اللي براحتها و بتقولي لمين وانت مالك

نعيمه….بقولك انت يا فضل و اطلع من دماغي عشان انا عفاريت الدنيا بتتنطط في وشي

فضل….ودين الله با نعبمه ما حد غيري عفاريت الدنيا بتتنطط في عينه و لو مسكتك هقت*لك في ايدي

نعيمه…انت جاي لحد عندي و بتهددني و بعدين انت ليك عين تتكلم اصلا يا بتاع النسوان

فضل….يابت نسوااااان ايه بطلي الكلمه اللي بتعفرتني دي عشان هقلب عليكي بجد

نعيمه…..ماهو كده اللي علي راسه بطحه بيحسس عليها و الحقيقه ديما بتوجع

فضل….يابت حقيقه ايه انتي قفشاني في وضع مخل و لا قفشاني قاعد مع واحده في مكان ولا قفشاني خارج من شقه واحده