لقاء كارثي

عشري…لا لسه بس اطمني انا قاعد مع ناس من جوه الحي نفسه و متخافيش خير ان شاء الله

ليله…..ماشي يا عمري

عشري….انتي فين يا حبيبي مشيتي من عند ايه صح

ليله….اه نزلت خلاص و اتحركت بالعربيه هروح علي نوني وهاخدهم وهطلع علي المطار اوك

عشري….طيب يا روحي علي مهلك خلي بالك من الطريق و انا شويه كده وهتصل عليكي و انا ماشي من هنا

ليله…انت هتروح لفرحات

عشري…انا هخلص مع الناس ورايح

ليله… حبيبي لو عصبك باي كلمه متتعصبش وحياتي عشان انا عارفه انه راجل مستفز

عشري…..متقلقيش يا ليله لا هتعصب ولا هعمل حاجه

ليله….طيب بحبك

عشري…وانا بموت فيكي يا تاج اس البنات كلها بقولم ايه

ليله….قول

عشري…لما توصلي المطار و تيجي ماشيه ابقي كلميني يمكن اقابلك

ليله….اوك يا روحي يلا روح شوف بتعمل ايه

عشري….تمام باي يا روحي

ليله…..باي يا بلطجي

ابتسم عشري و قفل و دخل تاني علي جوه و هي كملت طريقها لنعيمه..

بعد وقت مش طويل اوي وصلت ليله تحت بيت اهل نعيمه نزل نادر و بداوا كلهم ينزلوا كان في عربيه تانيه راكنه و قدامها شخص واضح انه السواق عمال يظبط في العربيه ومستنيهم ينزلوا سلم نادر علي ليله

ليله….نادر هات الشنط عندي و خليكم انتوا براحتكم الشنط مش هتبجي كلها في العربيه

نادر…..طيب تمام نوني هتركب معاكي قدام صح

ليله….اه العربيه فاضيه خلوا الشنط هنا

نادر….طيب تمام

عادل……يا لولي تاعبينك علي طول

ليله…..تعبك راحه يا دولا باشا احنا عندنا كام دولا بس نتعب عشانه المهم تدعيلي هناك

عادل….ربنا ينولهالك انتي وجوزك قريب و هدعيلك كتير والله

نادر…..عاجبك كده يا عم دولا ما قولتلك نروح بعربيتي او عربيتك الشنطه مش مكفيه لشنطنا

عادل….يا ابني وعلي ايه نسيب العربيات في المطار ما نروح باوبر و الرجوع يبقي ربنا يحلها

ليله…..يا ابني عامل دوشه ليه ما عربيتي فاضيه قولتلك هاتوا الشنط و كده كده نعيمه بس اللي معايا خليكم انتوا الاربعه مع السواق

عادل…اهي قالتلك اسكت بقي بلاش زن..

نجلاء…..الهي يسعدك و يريح بالك و قلبك يا ليله يا بنت نهاد و يديكي علي قد نيتك و طيبه قلبك

ليله….بضحك قربت تسلم عليها ايه ده ايه ده الدعاوي الحلوه دي عملت ايه انا

نجلاء….ديما سداده وموجوده و ديما بميت راجل تاعبينك معانا يا ليله