لقاء كارثي

ليله….يجننن ده ترند خلاص

عشري….حبيب قلبي فرحان و مبسوط و بصراحه يتساهل الفرحه دي هو ونادين مصر كلها فرحت بفرحتهم ربنا يسعدهم يارب

فضل….اللهم امين يارب الفديو خطير بصراحه

ليله….اوي مبهج بشكل يجنن انا شوفته بنفسي بس عماله اتفرج عليه كل شويه

عشري……هو الفرح كله كان يجنن والله

فضل…بقول ايه انا هنزل بقي اروح لقدري التاني نكمل انا وامي خناق

ليله…..بضحك لا متتخانقش مع جوجو والنبي

فضل…..قريب هتلاقيني انا وهي في برنامج المسامح كريم اتقلي بس

فضلت ليله وعشري يضحكوا علي فضل و بعدين سابهم ونزل..

………………….

في منزل وليد داخل غرفه تقي..

عدي….انتي يا بت مالك نايمه علي نفسك ليه مشبعتيش نوم من امبارح

تقي….لا انا صاحيه مش نايمه والله

عدي…امال نالك ساكته ليه

تقي….بتفكير بقولك ايه يا عدي

عدي….قولي

تقي….انا زهقانه

عدي…..بضحك زهقانه من ايه بقالك يومين بره البيت ومقضياها صياعه

تقي…..بدل ما تقولي مالك يا قلبي ومين مزهقك

عدي…بضحك طيب مالك يا قلبي و مين مزهقك

تقي…امشي امشي هي ناقصه بغبغنات

عدي…..بضحك انا بغبان يابت هايج اجيبك من رقبتك

تقي…خير يا عم الزومبي

عدي…..مالك بجد

تقي…..طيب هقولك و متطولش لسانك

عدي….لا مش هطول لساني

تقي….بصراحه كده عايزه اتخانق معاك

عدي…..بضحك طب لييييييه النكد بس انا عملت ايه يا بنت الحلال

تقي….معملتش

عدي….طيب امال ايه

تقي….معرفش بس بصراحه طالبه معايا نكش زهقانه و بعدين يعني انا وحشني الخناق معاك

عدي….بضحك انتي مجنونه يا تقي ولا دي هرمونات

تقي…بضحك احترم نفسك

عدي…طب اقولك ايه طيب ما هو مفيش حد عاقل يقول كده غير في اربع حالات يا عايزه تنامي يا سخنه و بتخرفي يا مجنونه يا هرمونات انتي انهي واحده في الاربعه

تقي…..بضحك هرمونات

عدي…..بضحك الللله

تقي…..استني انت مصدقت بهزر يا سافل

عدي….لا والله العظيم وغلاوه امي شكلها هرمونات

تقي….بضحك اتلم بقي قولنا مفيش كده وبعدين انت سايب طلبي المهم و بتفكر في السبب

عدي….. يعني انتي عايزه تتخانقي الوقت

تقي…..اه

عدي….طيب يلا يا ستي انا جاهز ابدأي

تقي…بصراحة انت مستفز.

عدي…ده اتهام خطير عندك أدلة؟

تقي….عندي كتير.

عدي….وريني كده.

تقي…أول حاجة إنك رخم.