لقاء كارثي

عشري….حلوه الفكره دي ليله تظبطها في الطريق و تهديها و بعدين تروح تلاقيك واهو تتراضوا قبل ما تسافر و تشوفها وتسلم عليها و نخلص بقي من ام المشاكل دي

فضل…وافرض روحت و فضلت راكبه دماغها واتجننت لما توشفني ودين الله اعلقها في جناح اي طياره من رقبتها وهرتكب فيها ج*ريمه و هايج اقت*ل امي عشان اخلص بقي منهم هما الجوز

فضلت لياه وعشري يضحكوا

ليله….بضحك لا والله خليك واثق فيا قولتلك انا عارفه بدخل لنعيمه ازاي و بعدين احس بس انها راقت و هخليها تكلمك كمان

عشري…. بضحك امك عامله معاك الواجب

فضل…..دي طلعت عين اللي خلفوني امبارح ركبت عالسلام معاها و لما قفلت مع نعيمه قالتلي انا عارفه انك متعرفش مبن دي و مصدقاك بس لازم اكون في صفها لانها متعصبه
قولت ماشي تمام انهارده بقي كانت عارفه اني رايحلها كلمتني بعد ما نزلت عملت ايه اتصالحت كنت نازل اصلا من عند نعيمه متعصب قولتلها لا وحكيتلها اللي حصل امي سابت كل ده بقي وتقولي ايه ما عندها حق لا تكون رحاب فعلا يا ولااا

نهار اسود عليا وعلي سنيني ياستي انتي بتقعدي مع رحاب و عرفاها اكتر مني تتوقعي يطلع منها كده تقولي لا صراحه البت مش كده طيب بتقولي كده ليه دي لو قالت كده لنعيمه و الله لو انطبقت السماء عالارض نعيمه ما هتشيل الفكره من دماغها و هتقولي امك نفسها معايا

عشري….بضحك بموت فيها والله

فضل….لا وايه بقي معايا من اول الطريق و نازله فيا خناق و بهدله لو مش رحاب تبقي مين يا وسخ يا بتاع النسوان ياستي انتي عارفه اني بتاع نسوان تقولي لا بس خيبت ماهو الرجاله كده تكبر وتخيب والله لا هجوزها سيد سيدك

فضلوا يضحكوا فطسوا من الضحك

فضل….بغيظ بتضحكوا والله انا شاكم في عمتك حاسس اني مش ابنها

ليله….والله جوجو دي قمر و واخده قلبي بموت فيها

عشري….هي بتحب نعيمه وانت عارف ولو وقفت علي راسك هتفضل واخده صفها امك بتفكرني بميدو نصيرة الستات

فضل…..لا يا جدع ميدو مين دي اوسخ فظيعه والله

ليله…امك بتحبها و بتحبك و مش عايزه يحصل بينكم مشاكل هي من وجهة نظرها تيجي عليك في النهايه انت ابنها و هتتحملها

فضل….الاتنين مجانين دول ذنبي اللي معملتهوش في الدنيا

ضحكت ليله هي وعشري

فضل…..اضحك يا اخويا اضحك انت رايح صحيح مع ليله عشان تشهد علي الج*ريمه اللي هتحصل في نعيمه