لقاء كارثي

سلامه….من ناحيه تعبانه هي فعلا والله تعبانه اوي

ليله….خد بالك انا زعلانه منك عشان مقولتش لحد فينا

سلامه…..والله العظيم هي اللي مرضيتش عايز اقولك ان ابوها لحد الوقت ميعرفش ولو عرف هيطين عيشتي انا

ليله….لا بس احسن حمودي لو عرف هيفضل قلقان ده بيبقي قلقان عليها وهي تعبانه جنبه مبالك بقي لو بعيد

سلامه….ماهو لو عرف بقي هينفخني انا

ليله….لا قولوا محبناش نقلقك

سلامه….بضحك هو احنا واقفين ليه اقعدي

ضحكت ليله وقعدت

سلامه….البلطجي بتاعك فين ؟

ليله….عشري راح هو و عمر هيقابلوا وليد و المفروض هيقابلوا حد معرفتهم غالبا شغال في الحي و بعدين هيطلعوا علي شبرا لصاحب البيت قصه طويله كده

سلامه….اه عرفت انا الحوار ده طيب ايه هو البيت بجد هيقع

ليله….بيت ايه اللي هيقع يا ابني البيت ده من عمر وليد اخويا تقريبا او مبني قبله بسنه ولا اتنين

سلامه….طب امال ايه بني مخالف

ليله…ولا مخالف ولا اي حاجه هو شكله قعد هو وشيطانه مع بعض سوحه و عايز يخرج الناس باي حجه عشان يطلع بيه ايجار جديد

سلامه….ااااه مصلحه يعني

ليله….طماع و الفلوس مجنناه

سلامه…ايوه بس لو كل حاجه سليمه ميقدرش يخرج حد هو مش الشقق تمليك

ليله…تميلك اه بس معرفش بقي ايه حوار القرار اللي معاه ده شكله عامل لعبه مع حد

سلامه…..والله لو عامل ايه لو اتثبت ان كل حاجه تمام يروح في داهيه و لو الجيران كلهم اتكلموا خلصت

ليله…المشكله ان مفيش حد بيتكلم يا سلامه الكل ساكت و اغلبهم كبروا في السن مش حمل مشاكل ولا نيله محدش كان بيقف لفرحات ده غير امي الله يرحمها و انا

خرجت ايه في الوقت ده كان باين عليها التعب و شكلها خاسس في يومين بشكل مرعب

ايه….لولي

ليله…احيييييييه عليا ايه ده

قربت منها ضمتها اوي

ايه….بضحكه هاديه وحشتيني

ليله……نهارك مش فايت يا سلامه انت عملت ايه في البت

سلامه….بضحك والمصحف ما عملت فيها حاجه

ليله…..ايه ده بجد منظرك ده

ايه……كنت هموت والله يا لولي

ليله…بعد الشر عليكي يا قلبي شكلك باين عليه التعب اوي و خسيتي كده ازاي احيييه دول يومين

سلامه….عشان مسمعتش كلامي قولتلها نروح المسشتفي مرضيتش

ايه….يعني لو كنت روحت كان التعب هيخاف انت كمان

سلامه…..لا بس كنا هنلحق الدنيا قبل ما تبوظ كده