لقاء كارثي

انا ممكن بسبب فديو زي ده صفحتي تكبر اكتر و مبقاش ملتحقه عالشغل وحتي شغل العقارات يعني انا واثقه ان مفيش حاجه ملهاش سبب و بعدين نبقي اغبيه بجد لو محدش فينا استغل فرصه زي دي بشكل كويس

سلامه….علي فكره نادين بتتكلم صح الناس بطبيعتها فضوليه واي ترند بيقعد حوالي اسبوع حديث الناس كلها و لو ترند مبهج زي ده الشباب نفسهم مش هيسكتوا و فعلا هيبقي في فضول الصحافه نفسها هيبقي عندها فضول

عسال…انا معنديش مشكله في اي حاجه بس حوار الغنا دي حطوه علي جنب لاني مليش في الجو ده اصلا

ايه….وليه لا يا ميدو جرب

حنان…بابتسامه الكلام عنكم حلو اوي الناس فرحانه فعلا بجد

عسال…. بابتسامه اتبسط يا مصطفي محدش فينا مضايق و استغل الترند ده لصالحك و لو عندك اي فديو تاني هاص بالفرح نزلوا و لو عندك اي فديو خاص بالمكان بتاعك نزلوا و اعمل عروض و اكسب زباين هتلاقي ناس كتير حابين يجوا و يشوفوك و يعرفوا المكان و عرف صاحب القناه الي حصل ان مكانش عرف اصلا استغل الترند ده لصالحك علي قد ما تقدر قبل ما يجي ترند تاني يغطي عليه سامع

مصطفي…. بابتسامه ربنا يخليك ليا و لو مضايق والله ما كنت اقصد

عسال…والله العظيم مش مضايق بالعكس انا كان نفسي افرح نادين واخلي الدنيا كلها تشاركها فرحتها و اهي حصلت من غير اي مجهود صح يا نودي

نادين…بسعاده صح طبعا واي خير هيحصل ليك هيسعدنا كلنا احنا مش مضايقين خالص والله العظيم

حنان….ربنا يخليكم لبعض كلكم باولاد و ديما تكونوا في ضهر بعض و يسعدكم

نادين….ويخليكي لينا يا حنون

ايه….بتعب شكلكم حلو اوي الفديو اصلا يجنن

ابتسمت نادين وضمتها

وقت بسيط اوي عدد الصفحه عند مصطفي كان عمال يزيد و بدا الكل يعرف الشباب والبنات الفديو حقيقي بقي ترند كلموا بعض و كانوا مبسوطين و عمالين بتابعوا الاخبار و يقراوا الكومنتات نادين طلعت و شافت موبايلها اغلب البنات اللي بيتابعوها عالصفحه بتاعتها مشيرين الفديو ليها و بيسالوها ده انتي ؟

صفحتها كانت فيها حوالي مليون ونص العدد بقي يزيد عندها هي كمان كانت بتشوف كومنتات لبنات تعرفها و بنات تانيه بيسالوهم فين صفحتها

كان في حاله من البهجه و السعاده غير عاديه مصطفي بدا يجيلوا مكالمات و رسايل كتير علي صفحته علي التيك توك بعد ما نشر الفديو بيسالوا انت تقرب لهم ايه؟
انت تعرفهم ولا مصور ؟
انت تقدر توصلنا بيهم؟