لقاء كارثي

نعيمه….ماهو لو مش كده يا فضل يبقي ملهاش تفسير تاني و ده لو حاصل و ربي وما اعبد ما هسكت المرادي

فضل….. ايه هو

نعيمه…..رحاب يا فضل ليه متبقاش نيمت الكل انها رجعت لعقلها وعرفت غلطها و هي من ناحيه تانيه لسه مضايقه وحطاك في دماغها و سلطت حد يعمل كده عشان تعمل بيني وبينك مشكله

فضل….بغضب تاني هتقولي رحااااب

نعيمه…..فكر فيها ما هو لو بعد كل الحلفان ده معملتش حاجه فعلا ولا تعرف حاجه وانا اللي ظلماك يبقي ملهاش تفسير غير كده و الدليل قفل الموبايل من امبارح

فضل…..نعيمه ارجعي لعقلك وبطلي جنان وشيلي حوار رحاب من دماغك خااااالص

نعيمه…وليه اشيلوا فكر فيها ياسيدي انا معترفه اني غلطت وشكيت فيك وانت مظلوم حلو كده ايه تفسيرك بقي ليه مش عايز تشوفها من الناحيه دي ماهو مش طبيعي برضوا ان بعد ما كانت بتحاول توصلك تستسلم بسهوله كده سبق وكانت عايزه تطلعني وسخه في نظرك واني سيبتك عشان في حد غيرك صححححح يبقي سهل لما تحس انها فشلت تخليني انا اشك فيك

فضل…حلوووووو طيب خليني معاكي للاخر انتي صح و هي عملت كده و انا كان المفروض في وضعي الزباله ده اصدق ومع ذلك مصدقتش و مش بس مصدقتش انا سمعتها اللي يخليها تحط لسانها في بوىها و متنطقش تاني انتي بقي لما تشكك فيا بسهوله كده تصدقي

نعيمه…..وليه لا انا لو كنت طولت شويه في الامارات يا فضل كنت فضلت مكمل معاها ماهي بعد اللي قالتوا عني ده انت روحت وراها عادي و خرجت واحتفات بعيد ميلادها ونزلت صورك

فضل…انا منزلتشششش هي اللي نزلت و انا اللي خليتها تشيل

نعيمه….خليتها تشيل لما البنات شافوا الصور و لما انت حسيت ان الكل هيزعل منك

فضل…انا ولا يفرق معايا اي حد لو بعمل حاجه و مقتنع بيها لو ابويا نفسه وقف قدامي مش هشوفوا انا عملت كده عشان هما لفتوا نظري او بمعني اصح كنت شايف ان الصور عاديه بس لما هما شافوها وحسيت انهم مضايقين عشانك قولت لا بلاش و مرضتش اكتر لما حسيت ان انتي كمان ممكن تكوني شوفتي الصور دي مكنتش حابب اضايقك وانتي بعيد في الاوضاع دي ولا اشغل دماغك و لو السيناريو اللي انتي رسمتيه في دماغك ده صح و حاصل فعلا يبقي ده كفيل يخليني اخد منك موقف لانك شايفه ان في احتمال تكون لعبه من رحاب و مع ذلك شاكه فيا

نعيمه….انا قولتلك لو انت متعرفهاش خلاص مش شاكه فيك بس لو بجد متعرفهاش يبقي الموبايل ده لو فضل مقفول يبقي اكيد دي رحاب