لقاء كارثي

ليله…ومن امته واحنا في بينا الكلتم ده مش هيزعلوا طبعا اصلا هما لو عرفوا انك عايزه تروحي بعد التعب ده كله هيبهدلوكي و مش هيرضوا ابداً انا بدالك يا قلبي وهعمل كل اللي انتي هتعمليه واكتر متقلقيش بقي و بطلي تشدي مع الراجل وهو بيتكلم من خوفه عليكي

ايمي….مشدتش شد خناق والله هو ماشي واحنا تمام بس اوقات دماغه بتقفل في حجات مبقدرش عليه و ببقي عايزه اق*تلوا

ليله…. بضحك عيشت وشوفت الي يقدر عليكي والله جدع انتي مش عايزه غير كده

ايمي…ماشي يا تربيه وسخه قوليلي تشربي ايه عشان اعمالك

ليله…..لا خليكي انا مش عايزه اصلا فطرت وجيت عليكي علي طول لو عوزت حاجه هقوم اعما بنفسي
ولعت سيجاره

ايمي….انتي جوزك فين؟

ليله….بضحك جوزي انا كمان مش طيقاه راح هو وعمر اخوه لحد من معارفهم شغال تبع الحي و هيقابلوا وليد و بعدين هيروحوا لفرحات الحيوان ده و مش راضي يستني لبكره اروح معاه هو رايح انهارده بالقصد عشان عارف اني هوصل نعيمه

ايمي….طب وانتي عايزه تروحي تهببي ايه ما هو معاه حق ايه هتتخانقي و هما معاكي ده كان ق*تلك فيها

ليله…..ياستي انا لا هتخانق ولا هعمل بس عشري ميعرفش وساخه فرحات و وليد طيب يا ايمي ما انتي عرفاه فرحات مش بيسلك معايا انا اللي عارفه وساخته

ايمي….وجوزك يا اختي صايع ده يلف فرحات علي صباعه الصغير و يحلف انه ما شافه هتخافي علي عشري ده بلطجي

ليله…مش خوف بس هو ليه دحلتت ممكن يقنعك و في نفس الوقت خايفه عشري يستفز منه يق*تلوا فيها والله

ايمي…لا متقلقيش عشري هيعرف يتصرف و بيتيهألي في المواقف دي بيعرف يتصرف صح و بعدين مش بتقولي عمر معاه عمر عاقل يعني

ليله…..بضحك اتنيلي ده مجنون اكتر من عشري ده يوم ما مريم بعتت الشاب ده يخبط عدي بالعربيه مسك الواد هو وعشري طحنوه

ايمي….بضحك ما اسخن من ستي الا سيدي يعني

ليله…بصحك مش بقولك

ايمي…والله يبقي فرحات امه دعياله لو حاول يستفزهم بس بقولك عليه هو هيشوفهم وهما داخلين عليه هيجيب وراء شكلهم يرعب اصلا عامل زي بتوع المافيا

ليله…..بضحك لو عشري سمعك هينفخك

ايمي…لا ده حبيبي صحيح شوفتي الفديو قمر ازاي

ليله….يجنن يا ايمي انا مش عارفه شيفاه كام مره لحد الوقت

ايمي…والله وانا لسه كنت بشوفه قبل ما تيجي الوقت و نودي مبسوطه اوي يا قلبي