لقاء كارثي

نغم…..ايوه فهمت بس حلو انكم متفقين مع بعض و منظمين اجازاتكم

تامر….ماهو ده اللي مخلينا ناجحين و متفاهمين من الاخر كلما بنريح بعض بس ماقلقيش يعني احنا علي اتفاقنا

نغم….اتفاق ايه

تامر… بابتسامه لا ده واضح انك بتنسي كتير نسيتي اني قولتلك اتصلي عليا و طمنيني عليكي و نسيتي اني قولتلك كل اجازه هخرجك

نغم….بضحك ااااه لا منستش والله بس اسمع يعني خليك الفتره دي في شغلك انت لسه راجع وبتقول في شغل كتير فا خلينا اي وقت تكون فيه فاضي و مرتاح

تامر…ما احنا هنخرج في الاجازه يعني هكون فاضي متقلقيش و لا انتي بتهربي

نغم….بضحك انا لا ههرب ليه

تامر….يعني تكوني مش عايزه تخرجي معايا

نغم….لا خالص والله انا بس مش عايزه اليوم اللي ترتاح فيه اتعبك

تامر…بالعكس مش هتعب و هبقي مبسوط كمان

نغم….بابتسامه ماشي اتفقنا

تامر….بكره هتعملي ايه في يومك؟

نغم….اممم ولا حاجه تقريباً الشغل مع نادين و نوني واقف و لسه منزلتش شغلي فا موجوده بس اكيد هروح اشوف بابا لو هو موجود طبعا

تامر….موجود هيروح فين المهم ارجع الاقيكي وانا اللي هوصلك ماشي

نغم…بابتسامه ااا طيب اللي تشوفوا

تامر…..اجيبلك حاجه معايا

ضحكت نغم و سكتت

تامر…..بتضحكي علي ايه؟

نغم….ااا ولا حاجه

تامر….لا بجد بتضحكي علي ايه؟

نغم….بضحك والله ولا حاجه بس مش متعوده علي الكلمه دي تقريباً

تامر….كلمه ايه ؟

نغم…. اجيبلك حاجه وانا جاي يعني كنت بسمعها وانا صغيره من ماما او انغام و هي جايه من الجامعه

تامر….بابتسامه طيب اجيبلك ايه وانا جاي بقي جبتيه لنفسك يا طفله

نغم…. بضحك علي فكره انغام لما كانت بتسالني مكنتش طفله

تامر….طيب كنتي بتقوليلها ايه

نغم…..بضحك اوقات كنت بقولها سلامتك واوقات تانيه اقولها تجيبلي حاجه حلوه

تامر….بابتسامه خلاص هحيبلك حاجه حلوه

نغم…..بضحك لا والله سلامتك مش عايزه حاجه

تامر…..وانا عايز اجيب انتي مالك بس اوعي تمشي ماشي

نغم….طيب بس انت بتتأخر اوي و بصاحه انا بتحرج

تامر….بتتحرجي من بابا يا نغم ؟

نغم…لا والله مش منه بالعكس انا مش بتحرج منه خالص بس هو حبيبي بحس من بعد جواز ايه وسلمي انه بيبقي قاعد عشاني يعني لما كنا مع بعض كلنا اي وقت بيحتاج يريح ينام يدخل يقرا كان بيعمل كده الوقت بحس انه متقيد بسببي مش عايز يسيبني و بيفضل قاعد معايا و انا مش حابه اغير نظام حياته فاهمني