لقاء كارثي

چوي….بابتسامه هاي مدام

ليله….?Where is Mrs Amy

ايمي…..تعالي يا ليله

بعدت چوي بابتسامه عن الباب ودخلتها

دخلت ليله لقت ايمي قاعده عالكنبه و في ايدها سيجاره رافعه شعرها وشكلها مرهق خالص

ليله….. بابتسامه عل طول چوي مبتسمه

ايمي….بابتسامه جميله اه هي كده

ليله…قربت منها وباستها من راسها قلبي

ايمي….ايه المفجأه الحلوه دي كنتي فين يا صايعه من الصبح كده

ليله….والله جايه من البيت عليكي انا جيالك اصلا

ايمي…..ظلمتك يعني

ليله…. وايه الجديد ما انتي ست مفتريه

ايمي….جايه ليه بجد

ليله….احيه عليا ما تقومي يا واطيه اطرديني احسن

ايمي….بضحك يا بت مش قصدي والله

ليله…مفيش جايه اطمن عليكي حاسه اصلا ان مودك مش حلو مش حوار تعب

ايمي….لا والله هو ارهاق و تعب جسمي متكسر كاني واكله علقه و كمان اضايقت لما عرفت ان ايه تعبت بالشكل ده و مش قادره اروحلها و مضايقه ان نوني ماشيه و مش هعرف اسلم عليها و شديت شويه مع رشيد

ليله….طيب وشديتي مع رشيد ليه

ايمي….عشان مش راضي يخليني اروح اشوفهم

ليله….طيب ماهو عنده حق يا ايمي انتي مش بتبطلي تنطيط بت هو انتي ناسيه انك حامل رشيد خايف عليكي واكيد شايف انك مهمله ومش خايفه علي نفسك ولا علي اللي في بطنك

ايمي…..انا مش ناسيه بس قولتلوا مش هخرج تاني خالص مرضيش

ليله…..يا حبيبه قلبي هتفرق ايه الوقت ولا بعدين انتي محتاجه ترتاحي يا ايمي وبعدين انتي ايه اللي جرالك كنتي ملتزمه في بدايه الحمل اكتر من كده

ايمي….يعني هو بمزاجي يا ليله ما اديكي شايفه كل مناسبات البنات جايه رواء بعض

ليله…مختلفناش بس الوقت مفيش حاجه تخليكي تضطري تخرجي خلصنا خلاص ارتاحي بقي

ايمي…..البت ايه صوتها مضايقني و لما عرفت اللي حصلها هتجنن واطمن عليها و هتجنن علي الحيوانه اللي مسافره وهي زعلانه مع فضل دي مش عيزاها تسافر وهما كده

ليله…انا اصلا همشي من عندك هروح ابص علي ايه و لو علي نوني اطمني انا هتكلم معاها و متفقه مع فضل بجيلي علي المطار و هصالحهم يعني ارتاحي هعمل اللي انتي كنتي هتعمليه هو مش انا بدالك

ايمي….. بابتسامه طبعا يا قلبي

ليله….خلاص خليكي مرتاحه و انا هعرف ايه انك تعبانه و هعرف نوني كمان و هخليهم يكلموكي بنفسهم

ايمي….انا خايفه يزعلوا اني سيبتهم في الظروف دي