لقاء كارثي

ليله….ربنا يفرحها كمان وكمان يارب هي و ميدو يستاهلوا الفرحه دي ربنا يسعدهم يارب

ايمي….اللهم امين البت لومي هتعدي عليا بليل هنتغدي سوا لو خلصتي ابقي تعالي اتغدي معانا بليل هيبقي عشاء يعني مش غداء

ليله…مش هعرف عشان عشري هيكون خلص و رجع علي زايد يادوب اخلص وارجع

ايمي….عموما شوفي لو عرفتي تعالي او نكلم عشري و نتجمع سوا

ليله….اخلص بس من جوز المجانين دول و اطمن علي نوني واشوف

ايمي…دي عايزه علقه مني بس حظها اني مش قادره

ليله…..بضحك صراحه حقها الحوار راكب فضل بطريقه مش معقوله

ايمي….بضحك هو نحس هو كمان بصراحه

ليله…انا وعشري مش مبطلين ضحك عليهم من امبارح نجود مطلعه عين اللي خلوه يا عيني مش عارف يلاقيها من مين فيهم

ايمي….بضحك لا نجود صعبه هي كمان بس عسل بنت اللذينه

فضلوا قاعدين اتكاموا وضحكوا وهزروا و بعد شويه مشيت ليله و راحت علي ايه

طول الوقت الاختبار كان في دماغها و كانت نازيه تخلص كل مشاويرها دي و تجيبه وهي راجعه كان نفسها ترجع قبل عشري و تعملوا وتطلع حامل عشان تفاجئه ..

علي الساعه اربعه بالدقيقه وصلت تحت بيت ايه و كلمتها.

ايه….بصوت باين عليه التعب لولي

ليله….قلبي صحيتي ولا لا

ايه…اه يا حبيبي انا صاحيه

ليله…طيب انا نحت البيت اطلع

ايه….انتي عبيطه يا ليله اطلعي طبعا يلا بسرعه

ليله…. بابتسامه طيب يا قلبي حالا

قفلت معاها وطلعت

سلامه…..دي لولي

ايه…اه دي تحت قومني اظبط شكلي ده

سلامه…طيب علي مهلك يا قلبي وانا هفتحلها

ايه….اوك

دخلت علي اوضتها و هو دخل لبس تيشرت عشان كان لابس تيشرت كت و خرج دقيقه و الجرس رن

راح فتح وهو مبتسم

سلامه….يا لوووولي

ليله….بضحكه جميله حبيب قلبي

سلمت عليه و بصتلوا

سلامه….تعالي تعالي ادخلي ايه المفجأه القمر دي

ليله…اسفه لو جيت من غير اي معاد
بس مش قادره مطمنش علي يويو

سلامه….ده انتي نهارك مش فايت انتي عبيطه يا ليله ده بيتك وبيت اخواتك يعني تيجي اي وقت

ليله…حبيبي يا سلامه طبعاً

سلامه…..ايه اللي انتي جيبته ده ورد وشيكولاته للبومه

ليله…..بضحك يارب تسمعك عشان تيجي تطلع عينك

سلامه….بضحك لا ماهي مطلعه عيني من غير اي حاجه متقلقيش كل حقنه باخد خناق وشتايم وبهدله

ليله… بضحك استحماها ده دورك البت تعبانه