لقاء كارثي

نعيمه….شوفتيها يا بختك

ليله….والله لو شوفتيها هتصعب عليكي خاسه بشكل مش طبيعي مستحيل دي ايه اللي شوفتها في فرح نادين

نعيمه….الجو كان برد بصراحه وهي مش بتتحمل المهم عدت علي خير الحمد لله ايمي كمان كلمتني و مضايقه اوي انها مش هتسلم عليا

ليله…هي قادره تتحرك السفريه تعبتها بقالها يومين نايمه مكسره هي كمان و شدت مع رشيد بسببك انتي وايه عايزه تيجي تسلم عليكي و تطمن علي ايه بس رشيد قالها متتحركش

نعيمه….هو خايف عليها صوتها باين اصلا

ليله….طب ايه يا موزه مش هنحضر الفساتين بقي انا شكلي اتعودت علي الافراح فرح كل اسبوع او اسبوعين عليزع الجرعه

نعيمه….لا يا اختي اعتزلت الجواز خلاص ابقي خليه هو بقي يتجوز

ليله….يابت بيحبك والله العظيم بيحبببببك كان هيموت ويجيلك بس قولتلوا اياك سيبها عشان دي مجنونه خليني اكلمها الاول كبري عقلك شويه بقي

نعيمه…..لا مش هكبر عقلي و مش طيقاه و خليه بقي كده بتاع النسوان ده

ليله….بضحك نسوان ايه الله يخربيتك هتطلعي علي الراجل سمعه هو في حد في حياته غيرك والله بيحبك وبعدين ماهو قالك اللي فيها صدفه صدفه ياللي معندكيش دم الموقف اتفصل عليه وهو لبسه بذمتك معقول يكون بالغباء ده ويرد وانتي معاه هو لو عامل عامله اصلا لا هيرد علي رقم عارفه ولا رقم غريب قدامك

نعيمه….هو في موقف يركب بالشكل ده يا ليله انتي لو مكاني هتصدقي وتتعاملي عادي

ليله…يا ستي خليني اقول اني هشك هضايق دماغي هتسوحني بس ادام متأكدتش مش هقفل دماغي زيك كده وبعدين ارحمي الراجل شويه و رحاب ايه اللي عامله كده نعيمه انتي عارفه ان انا مستحيل اكدب عليكي و لو عندي شك انها رحاب هقولك انتي صح لو شاكه ان فضل عامل حاجه هقولك اه انتي عارفه ان انا بالذات لا هخبي ولا هقول لا مينفعش اتكلم عشان مخربش علاقتهم انا بالنسبالي تزعلي شويه احسن ما تتغفلي واظن انتي شاهده بنفسك علي موقف رشيد وايمي والمقلب اللي اتعمل فيا مهمنيش ان ايمي تزعل شويه و كل اللي فكرت فيه اني مسيبهاش متغفله و انا عارفه ان فضل معملش كده و عارفه ان رحاب بره الموضوع ومفيش اصلا حد عامل ده قصد هو صدفه قسما بالله.

نعيمه…. برضوا مش طيقاه

ليله…..طب عيني في عينك كده

نعيمه….ااااا بصي انا هسامحه بس متعرفيهوش خليه يتربي كده لحد ما ارجع