لقاء كارثي

عسال…بابتسامه انت زعلان ليه ياعم

مصطفي…مش زعلان بس مكنتش حابب الموضوع يوسع كده و مش عايز حد يضايق زي ما انت شايف الكل ظاهر

عسال…وفين المشكله هو احنا بنعمل حاجه سر و الكلتم حلو يعني كله مبسوط وزي ما ماما قالت الكل بيفرح معانا وانا شايف ان ربنا عايز كده انت كنت بتحاول بس توصل صفحتك عشر الاف اهو من غير مجهود قريت علي المليون و يمكن ده يكون خير ليك في البرنامج بتاعك

سلامه….والاهم ان الترند نفسه محترم مبهج مفيهوش اي اسفاف و طبيعي جدا و باين انه مش مقصود و لا في اثاره جدل بالعكس حلو جدا

ريهام….بصوا التعليقات حلوه ازاي نودي علي فكره في بنات كاتبين انهم يعرفوكي

نادين…وريني كده.

الكومنتات..

أخيراً ترند يفرح القلب بدل الأخبار المزعجة.

كمية حب وفرحة في الفيديو تخليك تبتسم غصب عنك.

أول مرة أشوف فيديو فرح وأعيده أكتر من مرة.

واضح إنهم كانوا بيعملوا ذكرى ليهم مش بيجروا ورا الترند .

الترند كما يجب ان يكون..

هو مين صور الجمال ده بجد الفيديو كله طاقة حلوة وفرحة حقيقية.

لو في جائزة لأجمل ترند السنادي فهي الفيديو ده.

انا اعرفها البنوته دي عندها صفحه كبيره للبرندات العالميه و هي شاطره جدا

هي دي نادين ؟؟
ايوه نادين كانت منزله من اكتر من اسبوع انها هتوقف شغل عشان فرحها شكلها يجنن

التسمت نادين وحطت ايدها علي وشها

سلامه….بضحك يا خبر ابيض انتوا اتقفشتوا رسمي و بعدين لسه لما كل اللي يعرفكم و يعرفنا يعلق هنبقي ترند اكتر

ايه…بابتسامه ايوه الكل ظاهر فعلا و انتوا كمان والشباب ليهم ناس ومعارف كتير يعني لسه هيضرب اكتر

نادين…انا عايزه اشوف تليفوني اكيد في حاجه انا مشوفتش ولا فتحت نت

عسال…بضحك ولا انا

مصطفي…..ميدو بجد انتوا مش مضايقين

عسال…نضايق من ايه يا اهبل انت بالعكس مبسوطين والله يعني فرحنا بقي ترند في مصر و من غير اي مجهود و الاهم ان ده خير ليك

مصطفي….طيب افرض حد اتواصل معايا وعايز مثلا يعمل معاكم لقاء او حاجه

نادين…..بسعاده انا موافقه طبعا عشان اقولهم ان ميدو صوته حلو

عسال….بضحك لا بصي انا معنديش مشكله في اي حاجه الا دي

نادين…..طب ليه علي فكره ممكن فديو عفوي زي ده و مش مقصود يكون ليه سبب يعني مصطفي ينجح في شغله و البرنامج بتاعه يضرب وحتي المكان بتاعه يتعرف و يبقي مش ملاحق عالزباين وانت تتعرف و صوتك الناس تسمعه و الشباب كمان يعني الناس هيبقي عندها فضول تعرفكم ولو عرفوا ان عندكم كافيهات هيجوا عشان يشوفك او يشوفوا اي حد من اللي كان ظاهر