لقاء كارثي

تقي…..بصتلوا و ابتسمت بجد شكراً يا عدي مش عارفه اقولك ايه بس مفجأه مش متوقعه خالص بس انت عملت كل ده امته

عدي…..بابتسامه و احنا مسافرين لما حصل بينك و بين ليله تاتش لما خرجتي و طلعتك مسرح

ابتسمت تقي و ضربتوا في كتفه

عدي….بضحك يعني لما عرفت انه عيد ميلادك اضايقت انك مقولتيش و لا كنت عارف عشان اعمل حسابي و احتفل بيكي و حتي الالعاب الناريه كانت معايا بالصدفه انا واخدها نلعب بيها مع بعض هناك عادي و بعدها مصطفى قرر يعملك تورته رفع حاجبه و بصراحه اضايقت اكتر كان نفسي انا اللي احتفل بيكي بس قولت اول ما نرجع هنعيد الاحتفال مع بعض بعدها لاقيت صورك مع وليد واخواتك قولت تمام خليهم يحتفلوا عشان انا ابقي اخر واحد تاني يوم لاقيتك بتقولي صحابي عايزين يخرجوني عشان محتفلناش بعيد ميلادي فا قولت اكيد هيفاجئوكي و يحتفلوا خليني استني لاني كنت مصمم ابقي اخر واحد يحتفل بيكي بس امبارح بقي قررت اني اشوفك و احتفل بيكي جهزت كل حاجه و صحيت الصبح جيبت الورد و البلالين و التورته وصيت عليها امبارح و خدتها الصبح و بس احتفلت بيكي

تقي…..بضحكه تجنن امممم و اشمعني يعني كنت عايز تبقي اخر واحد يحتفل

عدي…..بابتسامه ماقولتلك عشان ختامها يبقي مسك و لا عندك رأي تاني

تقي…..بضحك لا مش عندي

عدي…..طيب مش هتشوفي الهديه بتاعتك

تقي……بابتسامه ااا ماشي يلا فرجني

عدي…..لا اتفرجي انتي براحتك

ابتسمت بهدوء و اول حاجه مسكتها الورد حضنتوا و ضحكت و حطت ايدها علي وشها

تقي……بضحك اقولك سر

عدي…..بابتسامه قولي

تقي…..انا اول مره حد يجيبلي ورد

عدي….و مش اخر مره

ابتسمت باحراج و بعدت عينها عنه بسرعه و بصت علي البوكس فتحته بهدوء لاقته مليان شوكلت و كاندي و ورد

تقي……ايه كل ده

عدي…..بابتسامه عشان متقفيش عند السوبر ماركت تجيبي حاجه تاني

ضحكت و بصت علي الدبدوب و هي مش واخده بالها من العلبه عشان لونها احمر نفس لون الدبدوب

تقي…..بضحك ده اكبر مني هشيلوا ازاي

عدي….بضحك لا هو اللي هيشيلك

تقي…..بضحك حصل

عدي….طيب شوفي العلبه

تقي….علبه ايه

عدي…..ااااه سلامه النظر يا حاجه مسك العلبه و فضلت تضحك

تقي….و الله مش شايفه و بطل تريقه انا مصدومه اصلا

عدي….طيب يلا شوفيها يارب ذوقي يعجبك و علي فكره الهديه دي جاهزه من قبل ما نرجع