لقاء كارثي

سلمي…..اختها معاها ولادها و بعدين متقدرش تسيب حماتها لانها كبيره و تعبانه

ايمي….هي اختها متجوزه اخو جوزها صح

سلمي….اه هي و اختها متجوزين شادي و اخوه بس اختها اللي قاعده مع حماتها فا مش هتقدر تقعد معاها يعني بس تطمن تشوفها محتاجه ايه كده يعني

ايمي….ان شاء الله يومين تلاته و تتحسن

سلمي….يارب اللهم امين

قربت هنا و نعيمه قعدوا معاهم

ايمي…..سلمي شغلي الكارتون لهنا عشان تتفرج

سلمي….ماشي طيب هو رقم كام

ايمي….بضحك لا معرفش لسه موصلتش للمرحله دي شوفي انتي بقي

سلمي…..طيب تمام تعالي يا هنا نشغل الكارتون شويه لحد ما نمشي

ايمي حطت ابدها تحت راسها وبصتلهم

ايمي….هموت علي سيجاره يا بنات

ليله…..وحياة امك

نعيمه….هو ممنوع كده خلاص صح

ليله….طبعاً ممنوع و اياك تشرب انا مش بشرب عشانك

ايمي…..با ستي هو انا شربت بقول هموت علي سيجاره

ليله….ماهي بتبدأ كده و شويه و هنقول مجاتش من سيجاره

ايمي….لا والله مش هشرب

قربت سلمي منهم

سلمي…..ايه بترغوا في ايه عامله ايه يا قلبي

ايمي….زي الفل البت ايه فين

سلمي….في المحل عرفت اني جيالك راحت هي وقالت هتعدي عليكي بليل هي و نادين باين

ليله….اه احسن كده نقسم نفسنا

سلمي….لو خلصت بدري من العياده هعدي عليكي بردوا

ايمي …محدش يعدي عليا غير لو محتاجه حاجه متتعبونيش بجد و تضايقوني

سلمي….يا ستي انا لو فاضيه هعدي اشوفك

ايمي….يا سلمي اسمعي الكلام انا لو محتاجه اب حاجه هتصل عليكم امال هتصل علي مين يعني بس طول ما انا تمام محدش فيكم يجي و يسيب اللي وراه عشان محسش اني بقيت حمل علي حد وانتوا عارفين كويس ان النقطه دي بتتعبني انا طول عمري بتصرف في كل حاجه مني لنفسي متجوش انتوا الوقت تحسسوني بقي اني محتاجه مساعده

ليله…..مين قال انك محتاجه مساعده يا قلبي ولا انك حمل علي حد احنا لو مشينا الوقت هتقومي تعملي كل حاجه بنفسك وتخرجي و تروحي وتيجي و هتخربي امها بس احنا بنريحك و في فرق كبير بين اننا نريحك و اننا نساعدك و لو بنريحك فا اطمني دن مش عشانك ده عشان حبايب قلب خالتهم مش عشانك خالص فا اهبطي بقي

سلمي….حصل و لا تفرقي معانا احنا بنريح القمرات اللي في بطنك بس

ايمي….بضحك اه يا كلاب يا واطيين شكل كده شبشبي وحشكم

ليله….بضحك ولا بيهمنا