لقاء كارثي

عدي….والله العظيم انا بقول الصراحه رايح اشوف حبيبتي هو بصراحه انا اعرفها من فتره اتكلمنا مع بعض بس كلام عادي اعجبت بيها و لما حسيت ان في حاجه قررت يعني اني اخد الموضوع جد شويه

تقي…..اممممم حلو اعجبت بيها و اتكلمتوا كلام عادي بس علي طول بقت حبيبتك

عدي…..ماهو كلامي معاها علقني بيها و بصراحه كده انا بصدق احساس قلبي و قلبي حبها

تقي…..اممم طيب كويس ربنا يسعدك

عدي…..بابتسامه و يسعدك يا صديقتي العزيزه و افرح بيكي قريب

تقي…..لا معلش انا مش عايزه

عدي….ليه بس مش عايزه تبقي عروسه و تحبي

تقي….لا كفايه انت هبقي انا و انت هلينا نفرح بيك الاول

عدي….ماشي يا ستي المهم هتبقي تشوفيها و تتعرفي عليها ولا لا

تقي…..احممم لا ماهو لو الموضوع طلع جد انت اظن عرفت رأيي في الموضوع ده

عدي….ايه هو بقي ؟

تقي…..يعني مش بتكلم مع واحد في حياته واحده

عدي….بضحك لا والله امال ادهم والاستاذ حدوته دول ايه ولا هما فركشوا وانا معرفش

تقي….لا مفكرشوش ولا حاجه بس ادهم و تمارا صحابي من زمان و اتعرفت عليهم و هنا بيحبوا بعض و حدوته كمان اتعرفت عليه و هو بيحب بنت خالته

عدي…..طيب و ايه المشكله فيا بقي احنا صحاب و اللي هتدخل حياتي دي هتبقي عارفه انك غاليه عندي و صحاب من قبل ما تدخل حياتي يعني اكيد مش هتضايق او تغير منك ولا انتي عندك مشكله

تقي….لا ولا مشكله ولا حاجه ظبط بس انت دنيتك و بعدين نشوف الموضوع ده المهم يكون بجد و مش بتسرح بيا

عدي….انت ليه مش مصدقاني و غلاوه امي و ابويا انا مش بكدب انا بقولك الصراحه و بعدين احنا بقينا صحاب و قريبين من بعض واكيد مش هخبي عنك اي حاجه و خدي بالك انتي اول واحده تعرف اني رايح اشوفها بكره حتي سليم اللي بتكلم معاه في كل حاجه مقولتلهوش

تقي….بابتسامه توتر عدي انت بتحلف ؟

عدي….اه عشان تصدقيني

تقي…..يعني انت بجد في حد في حياتك

عدي….تقدري تقولي كده انا قولتلك مكنتش لسه متأكد بس خلاص اتأكدت و هروح بكره اشوفها

تقي….اممم طيب كويس مبروك

عدي….الله يبارك فيكي هبقي اكلمك بكره احكيلك

تقي….اوك تمام اااا احمم بقولك ايه انا هقفل بقي عشان تعبت و لازم انام مش عايزه يروح عليا نومه

عدي…..تحبي اصحيكي

تقي….ااا لا لا انا هظبط الموبايل الوقت