لقاء كارثي

ابتسم و فضل باصصلها شويه كانت باصه قدامها مد كفه و هو مبتسم مسح دموعها و بعدين حرك ايده علي راسها بحب

عدي….بضحكه جميله ايه مش عايزه تقولي اي حاجه

ضحكت و بعدين بصت علي ايدها بتوتر فظيع كانت اول مره في حياتها تتوتر و تحس بالاحراج بالشكل ده لدرجه انها بجد مش عارفه تقول ايه قلبها مبطلش دق من اول ما شافته لحد الفجأه و بعدها ختمت باعتراف كان كتير عليها اوي و مكانتش تتوقع انها تسكت او متلاقيش كلام تقولوا

عدي…..بابتسامه طيب بلاش تقولي حاجه مبسوطه

ابتمست بهدوء و هزت راسها من غير ما تبصلوا

عدي……بضحك طيب انا اي حد في مكاني هيستغل موقف و يرخم عليكي بس انا هشفق علي الحاله اللي انتي فيها دي و هسيبك تهدي عدي الجمايل بقي ماشي

ضحكت و هزت راسها ابتسم و دور العربيه و طلع كل شويه كان يبصلها و هي مش قادره تبصلوا عينها علي الطريق او الشباك جنبها بس مبتسمه

………………

عند ليله وصلت المطعم هي و سلمي شوبه و جات ريهام و سلامه كانت مبسوطه اوي و باين عليها الحماس خدتهم ليله فوق في المكتب قعدت معاهم و فضلوا يفهموها كل حاجه بهدوء ليله تقولها شويه و سلمي تقولها شويه كانت مركزه و بتسأل و بتفهم و ليله كانت بتعيد تاني عشان تفهمها اكتر عرفتها تعمل ايه تتصرف ازاي تتعامل ازاي تتصل علي مين في اي موقف مش عارفه تتصرف فيه هتستلم الشغل من مين تتابع المطبخ ازاي و تتعامل ازاي لو حصل اي شكوي من زبون او اي مشكله بين الموظفين فهمت كل كبيره و صغيره و بعدها نزلت معاهم اتعرفت علي اليتم كله رحبوا بيها و كانت مبسوطه اوي دخلتها المطبخ و دخلتها الثلاجه فهمتها كل حاجه و هي كانت عماله تكتب وراها خرجوا مخلتش كبيره او صغيره غير لما قالتها لريهام عرفتها تيجي امته و تقدر تمشي امته عرفتها انها هتبقي اوقات موجوده معاها الصبح و اوقات في وسط اليوم و اوقات بليل وده كان خلال الفتره اللي قبل فرحها لحد ما تتأكد بس انها مش محتجاها خلاص و سلمي كمان قالتلها امته هتعدي عليها و خلصوا كل حاجه و سلامه طبعا كان معاهم و سمع كل حاجه و اكد علي ليله ان برظوا هو فهم النظام و اي وقت هتحتاج حاجه هيكون معاها الفتره دي لحد ما تبقي في الامان خلاص

كانت مبسوطه جداً و بعد شويه قرروا يسيبوها سلامه دعمها بكلامه و شجعها و كان فرحان بحماسها اوي و بعدين مشيوا و هي طلعت علي فوق و هي فرحانه جداً.