لقاء كارثي

نادين….تمام يا ميدو المهم انك بخير ميدو بقولك ايه انا هقفل

عسال…..لا متقفليش انا بتكلم لسه

نادين…..بخنقه و انا مش عايزه اتكلم يا ميدو عشان انت رعبتني بجد هو ايه اللي تبعتلي مسدچ تقولي ردي بسرعه و بعدين اتصل بيك نص ساعه متواصله و مفيش رد

عسال…..طيب ممكن تهدي حقك عليا والله العظيم لما شوفت محمود اتلخمت و نسيت الرساله دي خالص لو اعرف انها هتقلقك كده والله ما كنت بعتها انا اسف

نادين….ميدو انا هقفل معلش الوقت

عسال…..نادين و غلاوتي عندك ما تعيطي انا بخير و اسف و الله

نادين…..ميدو باي

عسال…..طب لحظه ااا الوووو

قفلت نادين و هي مضايقه بجد اتخضت و قلقت بجد اتصاله و المسدچ اول مره يقولها ردي بسرعه فكرت انه فيه حاجه

فضل يتصل عليها و هي تكنسل و مش بترد

نادين……والله ما هرد عليك بحق الخضه دي خليك بقي اتصل و شوف مين هيرد عليك طول اليوم.

……………….

عند تقي علي الساعه واحده بالظبط

سلمت علي امها و اخواتها وخرجت سحبت الاسانسير وقفت تبص علي الموبايل شويه لحد ما يطلع عدي اتصل عليها علي الساعه 12 صحاها بس هي كانت صحيت كانت مضايقه من امبارح و حاسه انها غيرانه بجد و مصدومه مكانتش عارفه هو بيتكلم جد ولا بيهزر لكن حلفانه خلاها صدقت صدمتها بقت اكبر لانها كانت واثقه ان عدي اتعلق بيها زي ما هي اتعلقت بيه بس في لحظه حست ان كل حاجه راحت كانت بتحاول تبان كويسه لحد ما تفهم او تستوعب بس من جواها مكانتش كويسه خالص ركبت الاسانسير بصت علي نفسها في المرايه وخدت نفس طويل و بعدين بصت تاني في الموبايل تشوف اوبر قدامه قد ايه كان فاضل حوالي خمس دقايق ويوصل فتحت الاسانسير و خرجت وقفت قدام المدخل بتاع العماره علي الرصيف من فوق ثواني بالظبط
و قرب عدي وقف قدامها بالعربيه

بصتلوا و اتصدمت و مقالتش اي حاجه

عدي……بابتسامه صباح الخير

تقي….اااا صباح الخير انت بتعمل ايه هنا

عدي….ابداً كنت في مشوار و لاقيت نفسي قريب منك و عارف انك هتنزلي الوقت قولت اخدك في طريقي قبل ما اروح المشوار اللي قولتلك عليه يلا اركبي

تقي…ااااا لا لا انا مستنيه اوبر خلاص داخل علينا نروح انت متأخرش نفسك

عدي……لا ما انتي هتكنسلي الرحله و مش هتأخر ولا حاجه طريقنا واحد

تقي….هو ايه اللي طريقنا واحد انا رايحه الجامعه و بعدين اكنسل ايه ده قدامه دقيقتين خلاص