لقاء كارثي

نعيمه…..طيب لحظه بس هو انتي هتسيبي هنا فين يا سلمي لو ايه في الشغل انتي مش اجازه

سلمي…اه ما انا مش اجازه امبارح بس اللي كنت اجازه هنا هتيجي معايا طبعتً

نعيمه….تيجي معاكي فين العياده

سلمي…اه امال اعمل ايه طيب هسيبها في البيت مع بابا بس حرام هتزهق

نعيمه…احيه عليا طب وانتي مالك بوجع الدماغ ده حسان ياخدها يرجعها لامها بقي

ايمي….يابت وطي صوتك البت هتسمع امها لسه والده و تعبانه و بتقولك ام علا سافرت

نعيمه…..طيب و هي مالها ليه تدبس نفسها و بعدين امها تسافر ليه اصلا وبنتها والده

سلمي….اولا انا اللي طلبت اني اخدها لان حرام تفضل مع حسان في جو القلبان اللي في البيت ده ثانياً علا مطلبتش مني بالعكس كانت محرجه جدا

نعيمه…تمام مقولتش حسان باخدها بس انتي كمان عندك شغل مش هتقعدي بيبي سيتر لبنت طليقه حسان يعني

ليله….بوتجاااااز اهدي شويه محدش ضرب سلمي علي ايدها عشان تعرض عليهم المساعده هي بنت اصول و قدمت اللي تقدر عليه والناس فرحوا بمساعدتها ليهم

نعيمه…..لا لحظه الحكايه مش حكايه بوتجاز بس بجد هي هتعمل ايه اكيد مش هتاخد اجازه من شغلها خلاص خدتها يوم اللي المفروض هو اصعب يوم ترجع بقي عشان تشوف دنيتها

ايمي….يا بنتي بتقولك امها سافرت و اختها قاعده مع حماتها عشان ستك كبيره و تعبانه وعندها كمان عيال

نعيمه…..لا معلش مش سبب بردوا هي مالها بالقصه دي كلها

ليله…احيه علي نعبيييبمه

ايمي….يا بنتي افهمي سلمي طلبت ده محدش ضربها علي ايدها علي راي ليله و بعدين اللي هي عملتوا ده هيفضل فوق راس حسان طول العمر

نعيمه….لا معلش بقي هو عشان حسان يشيلها جميله هي تحتاس بالبت

سلمي…..مش هحتاس ولا حاجه يا نعيمه كلها كام يوم و مامتها تقوم علي رجلها وترجعلها تاني

نعيمه…..طب ما انتي محتاسه اهو عندك شغل وهتاخدي عيله صغيره معاكي

سلمي…..طيب اعمل ايه اكيد مش هسيبها لوحدها في البيت مع بابا هي مش هتعمل حاجه بس هتزهق اكيد في النهايه دي طفله انا والله لو اقدر اخد اجازه كنت عملت كده بس انا خدت اجازه و عطلت شغلي لما سافرنا و عندي حالات كتير

نعيمه….ماهو ده اللي ناقص تاخدي اجازن من شغلك عشان بنت طليقت حسان

ليله….هو انتي فيكي ايه يعني البت ربنا هداها و شالت من دماغها افكار مهببه تبوظ دنيتها و بتتعامل لما يرضي الله تقومي انتي تولعيها