لقاء كارثي

تقي….اديك قولت متفقين زي ما تعرف يومي بيمشي ازاي انا كمان اعرف بس انت قصيت الجزء الخاص بيك و خد بالك لو معرفتش صدقني انسي الاتفاق ده

عدي…..بتهدديني يعني

تقي….اه بهددك انت اللي بدأت

عدي….خدي بالك انتب لسه متعرفنيش كويس انا عندي خمسه في الميه بس من عقلي اللي سليم الباقي ضارب يعني جربي كده هتلاقيني قدامك

تقي…..بضحك قدامي ورايا ولا يهمني هااا هتقول ولا لا

عدي…..عايزه ايه

تقي…..اخلص بدل ما ازعلك و متستعبطش انت عارف عايزه ايه

عدي….يفرق معاكي يعني انا رايح فين

تقي…..انت يفرق معاك تعرف انا رايحه فين و هعمل ايه

عدي….طبعاً يفرق

ابتسمت تقي و سكتت ثواني

تقي….ااا طيب وانا كمان يفرق اتفضل قول

عدي…..بصراحه بصراحه

تقي…اه بصراحه بصراحه

عدي…..شوفي يا ستي بما اننا صحاب و انتي صديقتييييب العزيزه هقولك يا ستي

تقي…..بابتسامه قول يا سيدي

عدي…..رايح اشوف حبيبتي

تقي…..ابتسمت ورفعت حاجبها اخلص يا عدي و متستعبطش و تهرب

عدي….واهرب ليه بس انا بقولك اهو

تقي…امممم مين حبيبتك دي بقي تاني بتسرح بيا صح

عدي…..لا مش بسرح بيكي انا بقول الحقيقه عندي معاد مع حبيبتي

تقي….بضحكة غيظ علي فكره هقفل في وشك عادي لو انت عندك خمسه في الميه اللي شغالين انا عندي واحد في الميه بس و العقل كله ضارب

عدي….بضحك و انتي ايه اللي مضايقك طلبتي تعرفي و انا بقولك اهو ولا غيرانه

تقي…..و هغير ليه ان شاء الله انا مالي

عدي…..بضحك غيره صحاب يعني

تقي…..لا متقلقش مفيش غيره بس انت بتاخدني علي قد عقلي

عدي….والله العظيم مش باخدك علي قد عقلك

تقي….انت بتحلف

عدي….اه بحلف

تقي…..طب حلو ايه موضوع حبيبتك ده و امته اصلا حصل ده احنا لسه راجعين من السفر و مكانش في حبيبه

عدي….ماهو انا مكنتش حابب يعني اتكلم غير لما اتأكد و بكره ان شاء الله هشوفها عندي معاد معاها

تقي….والله

عدي….اه والله متقلقيش هبقي اعرفك عليها انتي انتيمتي و لازم تشوفيها انا واثق انك هتحبيها اوي

تقي…..لا شكراً مش عايزه اشوفها

عدي….ليه بس احنا مش صحاب و لازم نعرف كل حاجه عن بعض و بعدين عشان اخد رايك فيها انتوا البنات بتفهموا بعض

تقي….بضحكة غيظ عدي انا مش بهزر علي فكره عايز تقول رايح فين قول مش عايز بطل رخامه