لقاء كارثي

نعيمه….هو انتوا ليه فاهمني غلط انتوا عارفين كويس اني ممكن اقف جنب اي حد حتي لو معرفهوش

ايمي….ما ده اللي يجنن بجد

نعيمه….. ايوه عشان الموقف غير يا جماعه يعني انا فضل يبقب عنده بنت من واحده قبلي و يجي يدهالي و امها تبقب عايشه في مايه البطيخ كده و انا شايله هم طفله لا مقدرش

ليله…..ماهي مطلبتش ولا حسان طلب سلمي اللي حست انهم محتاجين مساعده و عرضت اللي تقدر عليه

سلمي….انا في الاول طلبت اصلا عشان حسيت ان حسان شايل الهم خايف علي بنتن و انا مش هقبل بصراحه البنت تقعد وسط عمال لا قدر الله يحصلها حاجه او متعرفيش نفسيه العمال دي لما تشوف بنت صغيره قدامهم يعملوا ايه مجاتش يعني من كام يوم وهي مش تعباني علي فكره بالعكس انا مبسوطه بيها اوي و القاعده معاها تجنن انا بس اللي شايله همه انها تزهق لو قعدت في البيت لوحدها لان لو عليا مش هاخدها مش عشان شغلي وكده لان بردوا واثقه انها هتزهق

نعيمه….بصراحه معرفش انتوا بتفكروا ازاي

ايمي….انتي اللي بتفكري اواي بت هو انتي عندي هنا بتعملي اين مش جايه تطمنب عليا و تساعديني لو محتاجه حاجه

نعيمه….انتي صاحبتي واختي و افديكي بروحي لكن طليقه جوزي انتوا عبط يا جدعان

ليله…..هتفرق ايه يا غبيه دي ست و محتاجه مساعده و بعدين هي عينها من حسان مثلا و لا لسه حطاه في دماغها الست بتحب جوزها و حياتها كويسه يعني عادي لازم سلمي تتعامل و تعتبرها اختها

سلمي….والله ابه كمان قالتلي انهارده تاخدها و هتتسلي معاها اكتر في المحل بس انا خوفت كلب يعضها ولا هي تخاف ولا تخلي ايه مشغوله تخرج

ايمي….لا طبعاً بلاش ايه بقولك ايه ما تسيبيها عندي انا قاعده مش بعمل حاجه و ايه لما تيجي تاخدها مني

سلمي….لا طبعاً مينفعش

ليله….مش هينفع يا ايمي هي طفله و اكيد هتحتاج اي حاجه و انتي لازم ترتاحي بقولك ايه يا سلمي اديهالي انا

سلمي…اديهالك ايه انتي كمان لا انا هىوح بيها عادي و مش هاخد حالات كتير

ليله….اسمعي كلامي انا معنديش اي مشوار غير المطعم و هخلص و انا و عشري هنروح نشتري شويه حجات هاخدها معايا و تتفسح و نتغدي سوا و هتتبسط اوي و بعدين انا باخد ولاد اخواتي علي طول نتفسح سوا متخافيش عليها يعني و هتصل كمان علي حسان اقولوا اني هخدها عشان متزهقش من العياده