لقاء كارثي

نعيمه….والنبي انا شايفه ان اللي هيلبس ابيض زيك هو اللي اصفر

ليله…..بضحك يابت بطلي هبل انا اللي بطلب منكم و شايفه ان الموضوع عادي و بعدين كلكم زي القمر و عرايس اللي لسه متجوز و اللي داخل علي جواز يعني عادي

نعيمه….طلاق تلاته زي الرجاله انا اللي يلبس في الفرح بتاعي ابيض غيري حتي لو اختي هنفخها

ليله….بضحك طب ليه طيب و ياستي انتي حره في فرحك انا حابه كلما نلبس نفس اليوم يا بت دي الصور هتطلع تجنن

نعيمه….لا صور و لا نيله محدش غيرك هيلبس ابيض حتي لو الفستان مختلف

ليله….طيب اوف وايت

نعيمه….ولا اوف وايت ولا اون وايت

ليله….احيه عليا انتي مااااالك يابت بقولك عايزاكي انتي والبنات كلهم تلبسوا نفس اللون

نعيمه….وماله قولي بقي للكل هي جات علي البنات حماتك و مراتات اخوات عشري و امي و معارفنا كلهم

ليله…..والله العظيم ياريت نعمل احلي دريس كود

نعيمه….طب بس بدل ما افتح دماغك وربنا يا ليله لو قولتي كده لحد هنفخك

ليله…..انا حره في فرحك ابقي اعملي اللي انتي عيزاه يابت انا عيزاكم زي القمر

نعيمه….واحنا مش هنبقب زي القمر غير لو لبسنا نفس لونك ليله يا حبيبتي انتي العروسه يعني لازم تكوني مميزه و لو فارق معاكي اللون نختار لون تاني

ليله…..طب لون ايه انا مش عيزاكم تلبسوا حاجه غامقه عيزاكم تبقوا ظاهرين كده وشكلكم حلو

نعيمه…مش هنلبس غامق هنتفق علي لون

ليله…طيب ايه رأيك في الجولد يعني بيتهيألي ماشي مع مكان الفرح في الهرم والجو ده كملت بضحك تبقوا فراعنه

نعيمه…بضحك طب والله حلو اه الجولد انا موافقه بس ابيض او اوف وايت لا

ليله….ماشي خلينا نشوف البنات هيقولوا ايه ولو وافقوا علي الابيض هتوافقي و تلبسي غصب عنك

نعيمه…..طب يبقي حد يوافق عشان اطير رقبته

ليله…..بضحك اعوذ بالله عليكي بوتجاز

نعيمه….يلا هروح اجهز

ليله….بابتسامه ماشي.

…………

صحيت ايمي من النوم ملاقتش رشيد اتصلت عليه.

رشيد…..الووو صباح الفل

ايمي….صباح النور انت خرجت من غير ما تقولي

رشيد…مرضتش اصحيكي يا حبيبي

ايمي…..طب ليه هفضل انا بقي مستنياك لحد ما ترجع بليل من الشغل

رشيد…لا ما انا في الشغل انا عندي مشوار كده سريع بعملوا وهرجع تاني اغير هدومي و بعدين هخرج يعني هشوفك يا قلبي