لقاء كارثي

نعيمه….لا والله مقدرش انتي عارفه غلاوتها عندي انا والله العظيم ما شوفت في جدعنتها بصراحه بس بتستفزني يا ايمي ليله ممكن تيجي علي نفسها عشان غيرها

ايمي….عارفه بس ده طبعها و مش هتغيره خصوصا لو غيرها ده يخصها و زي ما قولتلك هي حبت تساعد سلمي و تعفيها من يوم واحد في الحمل اللي شالته عادي يعني بس انتي ابقي راضيها عشان و الله لو حد غيرك ليله كانت روقتوا

نعيمه….بضحك قالتلك هفشخ الواقع

ايمي….بضحك اتمني تكوني انتي الواقع ده

ضحكت نعيمه و رنه الضحكه .
و فضلت ايمي تضحك عليها

………….

نزلت نادين من البيت و هي ماسكه الموبايل و عماله تتصل علي ميدو وباين عليها التورت ..

عسال…..ايه يا حبيبي

نادين…..انت فين يا ميدو مبتردش ليه كل ده

عسال…بقلق نادين في ايه مال صوتك

نادين…..هو ايه اللي مال صوتك انت شوفت انا متصله ببك قد ايه و قعت قلبي و في الاخر تقولي مالك انا شوفتك متصل مرتين و باعت مسدچ بتقولي نادين ردي بسرعه و شوفتهم بعد اربع دقايق بالظبط و من وقتها بتصل عليك مش بترد

عسال….اوووف طيب حقك عليا انا اتصلت و سيبت الموبايل في العربيه لما مردتيش انا تمام والله

نادين…..وسيبت الموبايل ليه و انت عارف اني اكيد هشوف واتصل عليك نص ساعه يا ميدو معقول مفتكرتش حتي تبص علي الموبايل و انا عماله اقول راح فين حصل ايه و ليه بيقولي ردي بسرعه وقعت قلبي و خايفه اتصل علي سلامه او اي حد عشان مقلقهمش

عسال….طيب اهدي حقك عليا

نادين….مش ههدي يا ميدو

عسال….ياعمري انا صحيت نزلت علي طول عشان اروح لزوزو اشيل النحل زي ما اتفقنا واتصلت علي محمود عشان يعرف اني رايح مرضتش اتصل عليكي قولت اكيد نايمه و لما تصحي هتتصل لما وصلت قولت اكلمك لانك طولتي وانا عارف ان عندك مشوار فا اتصلت عشان اصحيكي قبل ما ادخل رنيت مرتين لحد ما قفل مردتيش بعت مسدچ وبقولك ردي بسرعه عشان اكلمك قبل ما ادخل لو دخلت مش هعرف ارد سيبت الموبايل و بركن العربيه قدام البيت لاقيت محمود نزلت سلمت عليه و دخلت معاه و نسيت خالص الموبايل و طبعاً فضلت جوه حوالي تلت ساعه و لما خرجت لاقيتك متصله كل ده و يادوب هكلمك لاقيتك بتتصلي

نادين…..لا والله كنت هتتصل بعد ايه يا ميدو

عسال….يا نادين اهدي بالله عليكي انا اصلا بتصل بيكي و انا فاكر انك فيكي حاجه من كميه الاتصالات دي ونسيت خالص اني كلمتك و معرفش انك قلقانه كده