لقاء كارثي

عدي….لا عايز اسمع تاني

تقي……بقولك كده هتتأخر علي معادك مع حبيبتك

عدي….انا قابلتها خلاص و معاها الوقت كمان

بصتلوا تقي بصدمه و توتر و ضربات قلبها زادت اكتر

عدي…..ضحك ضحكه تجنن ايه مالك ؟

تقي….اااا انت بتقول ايه؟

عدي……بابتسامه بقول اني قابلت حبيبتي و معاها الوقت

بصتلوا و ابتسمت بصدمه مكانتش متوقعه ان يلمح بالشكل ده و حست نفسها هبله لما شكت فيه بس هو كمل صدمتها اكتر و مكتفاش بالتلميح

عدي……بنظره تجنن بحبك يا تقي

صدمها تاني باعترافه فضلت بصاله ثواني و بعدين بصت قدامها علي الطريق وبصت بعيد عنه و هي بتضحك و وشها بقي لون الورد اللي في ايدها و هو عمال يبصلها ويضحك علي التوتر اللي بقت فيه

مكانتش عارفه تبصلوا و لا عارفه تسيطر علي اعصابها و لا ابتسامتها ولا ضربات قلبها كان نفسها الارض تتشق و تبلعها لسانها اتلجم مبقتش عارفه تقول ولا كلمه

عدي……بضحكه تجنن طب ايه هتفضلي مكسوفه كده كتير

فضلت مبتسمه و هي باصه جنبها عماله تلعب في ايدها و شعرها و تمشي ايدها علي وشها من كتر التوتر بقي عندها فرط حركه

عدي….بضحك طيب بصيلي طيب

هزت راسها بلأ فضل يضحك عليها و بعدين ركن تاني علي جنب

حطت ايدها علي وشها و فضلت تضحك وهو يضحك عليها

عدي…..بضحك جه اليوم اللي اشوف لسانك الطويل قصر

تقي….. بابتسامه توتر اااا طيب هو انت ممكن تطلع بالعربيه عشان خاطري

عدي….لا مش طالع غير لما تبصيلي الاول

تقي……عشان خاطري امشي

عدي…..بضحك حاضر والله همشي بس بصيلي عشان خاطري

غمضت عينها ثواني وبعدين بصتلوا و فضلت تبص بعيد عن عينه و هي مبتسمه و وشها بقي هينفجر

عدي…..بأبتسامه شكلك حلو وانتي مكسوفه

تقي…..بضحك لا بص هتوترني اكتر هنزل و اسيبك

عدي…..بضحك مسك كفها لا خلاص خلاص انا اسف ااا ينفع نتكلم شويه
محتاج افهمك حجات كتير ينفع

هزت راسها بهدوء و هي بتحاول متجيبش عينها في عينه.

عدي….كنت مبسوط بالاستعباط و الاستهبال اللي كان حاصل بينا

ابتسمت بكسوف و بعدت عينها تاني

عدي…بابتسامه ااا يعني كانت عجباني بس كان لازم يكون ليها نهايه في حاجه معرفش انتي تعرفيها ولا لأ بس كنت مقرر ان اليوم اللي هعترفلك فيه هحكيهالك

انا شوفتك يا تقي في خطوبه عشري و ليله و فضل ونعيمه مش هكدب و اقولك اني ركزت معاكي او حبيتك من اول نظره لا خالص بس كانت اول مره اشوفك تاني مره شوفتك فيها و يمكن هي دي اللي خلتني اركز معاكي او تلفتي نظري في فرح ايمي و رشيد لما كنت واقف انا والشباب علي السور بتاع اليخت و لاقيت واحده زي القمر كده
جايه متعصبه و بتزعق و بتقولي ايه اللي انت بتعملوا ده و عماله تزعق في الكل