لقاء كارثي
لقاء كارثي 108
قفل عشري و بص لمحمود و ابتسم
عشري…..يلا يا واكل ناسك صلي علي ما امك تجيب العشاء و بعدين نجهز الشنطخ
محمود…..بابتسامه حاضر يا اخوي طيب قوم غير
عشري….ما البعيد ما عنده دم يعطيني اي حاجه البسها او حتي يقولي خدلك دش
محمود….بابتسامه حقك علي و الله ما فيني عقل يلا بعطيك شوف هاد زين
عشري…..زين يا عم
محمود….طيب يلا روح خد دش
عشري…ماشي
فتح عشري التلفزيون جاب قران و وطي الصوت شويه و سابه يصلي و دخل ياخد دش.
بعد وقت بسيط خرج عشري و دخلت امينه بالعشاء و قعدت معاهم شويه و فضلت تدعي لمحمود و تتكلم معاه و بعدين سابتهم وفضل عشري و محمود يتكلموا و هما بيجهزوا الشنطه و عشري يضحكوا و يفكروا بحجات زمان و فك محمود كتير عن الاول لحد ما ناموا
…………..
في صباح يوم جديد صحيت ليله علي الساعه 11 اتصلت علي عشري كان صاحي هو و محمود و بيجهزوا عشان شويه و هيتحركوا اطمنت عليه و بعدين قفلت و بدأت تجهز هي كمان عرفت سلمي انها هتروح الاول تشوف ايمي و بعدين هتروح المطعم و قالتلها هي كمان ممكن تعدي عليهم.
راحت عملت قهوه نعيمه كانت صاحيه هي كمان.
نعيمه……انتي نازله الوقت يا ليله
ليله….هروح الاول اشوف ايمي
نعيمه…..طيب خديني معاكي انا مشوفتهاش من وقت ما راحت للدكتوره
ليله….طيب بس هتروحي بعربيتك لاني لسه هروح المطعم لو مش وراكي حاجه خليكي معايا كده كده هخلص مشوار المطعم وارجع اغير عشان هقابل عشري
نعيمه…لا انا عندي شغل و كام مشوار كده محتاجه حجات
ليله….خلاص روحي بالعربيه بقي
نعيمه…طيب اشطا
ليله……روحي البسي و انا هجهزلك الفطار
نعيمه…لا انا مش جعانه اعمليلي بس معاكي حاجه اشربها معلش
ليله….عيوني
نعيمه….ليله صحيح احنا مش هنروح نشوف الفساتين
ليله…..والله يا نعيمه ما عارفه هخلص من حوار الفستان ده امته بس كويس فكرتيني بقولك ايه انا عيزاكم تلبسوا ابيض كلكم
نعيمه….ابيض ايه انتي هابله يا بت محدش غيرك يلبس ابيض اصلا
ليله…..ليه هو احتكار انا عايزه ملنا نلبس ابيض و هما بدل والله هيبقي شكلنا يجنن
نعيمه…..ليله بطلي هبل مفيش غير العروسه تلبس ابيض
ليله…..يا حبيبتي ما فستاني هيبقي مختلف و معروف مين العروسه بس انا حابه كلنا نلبس نفس اللون بجد هيبقي شكلنا حلو اوي و بعدين انتي مالك يا صفرا انا عايزه اشوفكم كلكم عرايس
