لقاء كارثي

تقي….بابتسامه بس انت احتفلت في الجونه

عدي….لا كنا كلنا مع بعض و انا معملتش اي حاجه و محتفلتش بيكي كل سنه وانتي طيبه يا احلي تقي في الدنيا

فضلت تضحك و تخبي وشها باحراج ايدها كانت بتترعش جامد من كتر التوتر و مش عارفه تقول ولا كلمه

عدي….بضحك تعالي تعالي يا هبله اطفي الشمعه

تقي……بضحك عدي انت بجد مجنون عملت كل ده امته

عدي…..طيب اطفي الشمعه قبل ما تسيح و هقولك بس اتمني امنيه الاول

تقي….بابتسامه بصت لايدها اااا انت وترتني اوي علي فكره و حالتي بقت وحشه خالص

عدي…..بابتسامه تجنن مسك كفها طيب اهدي انا قولت افاجئك تعالي يلا ادخلي جوه عشان لو خرجتها هتطفي من الهواء

قربت من الشمعه و اتنهدت و بعدين بصتلوا تاني و ابتسمت

عدي…..اتمني يلا

غمضت عينها ثواني و بعدين نفخت الشمعه براحه

عدي…..كل سنه وانتي طيبه و عقبال ميت سنه

تقي……ااااا احمم وانت طيب يا عدي و بجد مش عارفه اقول ايه الكلام راح خالص بس بجد شكراً
علي المفجأه دي

عدي…..المهم انك مبسوطه

تقي….بنظره تجنن مبسوطه اوي

عدي…..طيب ايه مش هتقطعي التورته سحب من وراء البوكس سكينه

تقي…. بضحك انت عامل حسابك للسكينه كمان

عدي….بضحك طبعاً و الشوكه كمان يلا امسكي

تقي…امممم طيب هتقطعها معايا

عدي……بس كده يلا بينا حط ايده علي كفها و قطع التورته معاها و بعدين ساب السكينه علي جنب و خد الشوكه قطع حته صغيره و قربها منها فضلت تضحك و هي وشها احمر و مش قادره

عدي….بضحك يلا كلي يا هبله

تقي….بضحك عدي انا بجد مش قادره اتلم علي اعصابي

عدي….بابتسامه عارف والله بس يلا كلي قبل ما ابهدل بيها وشك

تقي….بضحك لا خلاص هاكل

قربت بهدوء و كلت حته صغيره ابتسم و كل باقي الشوكه و غمزلها و زود لغبطتها اكتر و توترها

عدي…..امسكي باقي البلالين دي طيريها يلا

تقي…..طيب استني نتصور معاهم الاول

عدي…..ماشي يلا وقفوا واتصوروا مع بعض كذا صوره و هما قدام شنطه العربيه و الهدايا و الورد باينين شكل الصور كان يجنن صوره و هما مطلعين لسانهم و صوره و هو حاطت من الكريمه علي مناخيرها و هي بتضحك و صوره تانيه هي حطاله و الاتنين ميتين من الضحك و صوره و هو ماسكها من هدومها زي الحراميه و صوره تانيه وهي سانده علي كتفه و صوره و هو حاطت ايده علي كتفها و مقربها ليه وصوره ليها وهي بتطير البلالين الروح اللي عملها عدي في اللحظه دي كانت كفيله تتحفر جوه قلبها عمر بحاله.