لقاء كارثي

لقاء كارثي
أميره أسامه
صاحبة البطل الواحد

~° البارت الرابع و الاربعون°~
………………

قربت ليله من نعيمه..

ليله…..نوني عشري و فضل وصلوا قولي لزوزو تيجي تستقبلهم

نعيمه…..ماشي ماشي.

راحت ليله علي الباب عشان تقابلهم و وقفت من جوه شويه عشان عشري لو لمحها خرجت هينفخها

كانت لابسه فستانها و مغيرتش و لا بدلت مع ايمي في لبس الحنه و قررت متغيرش عشان متبهدلش الميك اب من القلع و اللبس كانت لابسه فستان قصير اوي بكم و الظهر كله عريان كان لونه نبيتي بس يهبل.

وقفت علي الباب من جوه و لمحت عشري واقف من وراهم شويه قربت امينه و دخلت هي اول واحده.

امينه…..اهلاً كيفك يا ليله

ليله….بابتسامه بخير يا امونه ضموا بعض بابتسامه

امينه…..ايه الجمر ده

ليله…..انتي اللي قمر ادخلي

ماريز….اهلاً و سهلاً نورتونا وشرفتونا

ليله…..منور بصحابه مبروك يا ام العروسه

ماريز…..يا حبيبتي الله يبارك فيكي عقبال ما نفرح قريب بليله و عشري
تعالي اتفضلي

ساره…..ايه القمر ده كله

ليله….بابتسامه يا قلبي تعالي ادخلي

نعيمه كمان قربت تسلم عليهم هي و اخوات ليله و البنات

دخلت ملك و كارين اللي كانت مبسوطه اوي بالأجواء دي و دخلت نجود و البنات وراها سلموا عليهم كلهم و دخلتهم ماريز و اخوات ليله و نجلاء و استقبلوهم احسن استقبال.

عشري من بره لمح ليله اتصل عليها علي طول.

ليله……هتموت و تدخل اكيد يا بلطجي

عشري….لة عايز ادخل هدخل بس هنكد عليكم و البسكم كلكم

ليله….بضحك طب علي فكره بقي احنا مش قالعين يعني كلنا لابسين ايمي بس هي اللي بتغير عروسه بقي

عشري….و فستانك القصير ده ايه

ليله…..بضحك ده فستان عادي بتاع خروج علي فكره ومش ناويه اغير

عشري….ماشي يا ستي بس زي القمر علي فكره حلو اللون ده اوي

ليله……بجد

عشري…..والله اينعم انا ملمحتكيش اوي يعني بس لونه باين بقولك ايه ما تبعتيلي صوره

ليله…..بس كده عيوني

عشري….ماشي يا قلبي حطي امي في عينك يا بت

ليله….بت في عينك و بعدين انت مش سلمتهالي اطلع منها انت بقي انا هظبطها

عشري….بضحك تظبطيها ازاي يعني

ليله….بضحك يعني هدلعها يا قليل الادب

عشري….بضحك ماهي تدلعبها دي كمان تأكد اني مش قليل الادب

ليله….بضحك يا رخم اقصد هخليها مبسوطه و هرقصلها كمان

عشري…..ترقصيلها و تظبطيها و تدلعيها لا كده كتير دي مش عشري يابت فوقي

ليله…..بضحك والله بموت فيك يا سافل

عشري…بحب وانا بموت فيكي ابعتي الصوره يلا

ليله….طيب بقولك ايه انت رايح فين هتمشي.

عشري….لا اتفقنا انا و الشباب و رشيد هنروح علي المطعم هنقعد هناك عشان وقت ما امي كمان تحب تمشي اجي علي طول

ليله….ده لو اتصلت بيك اصلا بقولك هخليها تنساك انت و ابوك بتاع النسوان

عشري…بضحك عشري الكبير بقي يتقال عليه بتاع نسوان

ليله….ايه تنكر دي شهادتك انت و امونه

عشري….ماشي يا ستي

ليله….بقولك ايه محمود و حماده و تامر و كلهم هتلاقيهم هناك

عشري….ايوه ما انا عرفت رشيد قالي امال انا بقولك هروح ليه

ليله…ماشي بس يعني ابقي عدي علينا قبل ما تمشوا بشويه و نتصور يعني مه بعض كلنا

عشري….ماشي يلا ابعتي الصوره

ليله….حالاً يا قلبي يلا باي

عشري….باي يا قلبي.

قفلت ليله معاه و بعتتلوا صورتين من الصور اللي اتصورتها اول ما لبست ثواني بالظبط و اتصل بيها عشري.

ليله….خيرررر

عشري….بابتسامه لا هو مش خير خالص ايه الفستان ده هو ده انتي بتخرجي بيه

ليله….بضحك والله جديد و مخرجتش بيه خالص دي اول لبسه

عشري…..واخر لبسه يا رقاصه ده تخلصي كده و يتشال في جهازك

ليله…..بضحك ماشي يا سي السيد اوامر تاني

عشري….اه

ليله….خير

عشري….أرحمي امي يا ليله وبراحه عليا انا غلبان والله

ليله….بضحك مالك بس يا قلبي

عشري…..تعبان يا بنت قلبي راعي مشاعري شويه

ليله….الله مش انت اللي قولت ابعتي الصوره

عشري…..مكنتش اعرف انه حلو كده بتسمعي كلامي ليه

ليله…..طب يلا امشي يا سافل

عشري….ليله معاكي چاكت

ليله…..اه معايا ليه

عشري….لما نرجع عشان ناخدهم تلبسيه عشان الشباب اكيد هيدخلوا

ليله…..لا بقولك ايه انا عايزه اتصور معاك مليش دعوه

عشري….هبقي اتصور حاضر بس بعيد المهم الچاكت يتلبس

ليله….ماشي يلا بقي عشان لو سمحت عندي كام فقرة رقص

عشري…..طب وانا مش هتفرج

ليله….لا

عشري….اهون عليكي

ليله….لا بص متدخلش من الحته الضعيفه عشان هضعف

عشري….بضحك عموماً انا قولتلك و انتي و قلبك بقي

ليله….بضحك قلبي ابن كلب ميقدرش علي زعلك

عشري…..بضحك بحبك و بحب قلبك ابن الكلببببب اللي موتني معاه

ليله….بضحك انت بتشتم قلبي يا بلطجي امشي يلا

عشري….بابتسامه تجنن ماشي همشي و مستني بحبك

ليله…..بموت فيك.

قفلت ليله و دخلت علي جوه الكل كان بيضحك و بيتكلموا والاغاني شغاله وايمي واقفه تسلم علي اهل عشري و اهل فضل كانوا جايبين معاهم هدايا لايمي حجات دهب بسيطه و برفانات تجنن و بخور عربي يجنن يتحط في شقتها ولبسها.

قربت سلمي و نادين يقدمولهم عصير و الحلو

نجود…..سلمي انتي عروسه حسان صح

سلمي….بابتسامه ايوه انا

نجود….مبروك با حبيبتي معلش جات متأخره

سلمي….الله يبارك في حضرتك بس اكيد المره الجايه هتكوني معانا

نجود….طبعاً ان شاء الله

امينه…..وانتي يا نادين عروسه ميدو صوح

نادين….بابتسامه ايوه انا

امينه….مبروك يا جلبي علي كتب الكتاب علي فكره ميدو اغلي واحد في صحاب محمد عندي طيب و جدع و محترم حطيه في عيونك

نادين….بابتسامه حاضر متقلقيش

امينه….ربنا يسعدكم يارب

نادين….يارب اتفضلي.

نعيمه……هو انتوا بردانين ولا ايه ما تقلعوا

نجود…..بضحك في رجال هنا

نعيمه….لا كلهم طفشوا

ماريز….انا طردت الكل و زي ما انتي شايفه محمود قفل السور كله عشان محدش يشوفنا و نبقي براحتنا يلا اقلعوا خدي منهم يا نعيمه انتي و البنات.

كانوا لابسين عبايات خليجي شكلها يجنن قامت نجود اول واحده قلعت كانت لابسه بنطلون و عليه بدي من فوق بنص كم بس الصدر عريان خالص البنات كمان قلعوا كانوا لابسين فساتين و شكلهم يجنن

خدوا منهم العبايات دخلوها جوه

ليله…..ايه يا امونه مش ناويه تقلعي

امينه….بابتسامه لاه كده زين اجلع ايه

ليله….ايه خايفه عشري الكبير يغير عليكي متقلقيش مفيش رجاله

ضحكت امينه و بصتلها

امينه….لاه والله بس يعني انا بخچل شويه

ليله….من ايه هو في حد غيرنا مفيش حد غريب اخواتي و زوزو و نوجا و البنات و بعدين انتي شوفتيهم كلهم يوم الخطوبه يلا قومي

أمينه….طيب هجلع الطرحه بس

نجود…..فكي العبايه بلاش خنقه مفيش حد

ليله…..طب طلاج تلاته لا هتجلعي كل حاچه

نجود….بضحك اهي عوجت لسانها عشان خاطرك

امينه….بضحك ماشي يا ستي اتفضلي بس من هنبرد من الچو ده

ليله…..لا في دفايات متقلقيش يلا بقي اقلعي

قامت وقفت خدت منها ليله منها الطرحه و استنت تفك العبايه كانت لابسه فستان اسود تحت العبايه بنص كم و الكم بتاعه شفاف شويه شكلوا حلو وهادي بس مش عريان

ليله….بصتلها وهي رافعه حاجبها و مش عايزه تقلعي و مكسوفه انا قولت هلاقي تحت العبايه حوار يا امونه

نجود….بضحك امينه دلوعه في بيتها

ليله…..بضحك انتي في اي حته زينا

نجود….بضحك اه انا مش بطيق بصراحه.

قربت منهم نجلاء.

نجلاء….عاملين ايه يا جماعه

امينه….بخير والله

نجود….الحمد لله تعرفي اني بقالي كتير اوي محضرتش افراح ولا حنه

نجلاء…..ليه كده اخر عروسه عندكم بقالها كتير

نجود…..كلهم معاهم عيال بس اقصد الجو بتاع الحنه ده

نعيمه….ايه عجبك الجو

نجود….بضحك حلو اوي بصراحه

ايمي…..بابتيامه قربت منهم منورين

نجود…..بنورك يا عروسه يا قمر

امينه….الله اكبر عليكي ربنا يحرسك و يكمل فرحتك بخير..

ايمي…..بابتسامه تسلمي يا ست الكل يا ام الغالي

ليله…..بابتسامه خدي بالك يا امونه عشري الحته الشمال لايمي

ايمي….طبعاً ده اخويا هو وفضل و الشباب كلهم

امينه….بابتسامه ربنا يخليكم لبعض شيلي رشيد في عينك عشان هو كمان غالي عليا

ايمي…..بابتسامه متقلقيش عليه و بعدين وصيه عليا انا

امينه…..هوصيه يا سلام بس هو مش محتاج توصيه يا عروسه

ايه من بعيد بصوت عالي.

ايه…..جرا ايه يا اخونا احنا جاين حنه عروسه محروقه فين الرقص

ايمي….بضحك محروقه في عينك يا جزمه

امينه…..بابتسامه اسم الله عليكي

ماريز….بضحك و الله معاها حق جدعه يا بت يا يويو شايفه صحابك يا ست ايمي كلهم قاعدين.

نجود…..احنا نرقص ليله بقي و نشوف رقصها.

نجلاء….اه يلا يا ليله قومي

ليله….بضحك ايه ده انتوا فقتوا مره واحده عليا كده ليه

ايمي…..يلا يا لولي يرضيكي تقول عليا عروسه محروقه

ليله….بضحك دي جزمه ملكيش دعوه بيها بس سبيني انا الوقت

ايمي….بضحك ايه مزنوقه عشان حماتك قومي يا بت انا عروسه و هروح فيكي في داهيه

امينه….بضحك لا هترقص يلا قومي

سلمي…..قومي لولي و النبي

ساره….علي فكره انتي و عدتينا ترقصي و تعلمينا

نجود….اه يلا عايزين نحفظ و نتعلم

ليله…..علي فمره بقي كل دول بيعرفوا يرقصوا بس عايزين انا اللي ارقص و يرقصوا بعدي

نعيمه…..علي فمره بقي انتي بتكدبي لتن كلنا فاشلين في الرقص

ليله….بضحك البت دي بتكدب خدي بالك و بتعرف ترقص

نجود….ماهي كمان هترقص و هنشوف

نعيمه….برقص عادي والله رقص مبتدئين انما دي رقاصه

اميمه….بضحك الله يكسفك يا نعيمه

نعيمه….بضحك طب تنكري يا اميمه ان ليله بتعرف ترقص

اميمه….لا بتعرف

قمر….ما تقومي يلا انتي و البنات يا ليله ارقصوا لايمي و فرحوها

ايمي…..يا اختي مش لما تفرحيني انتي كمان و تزغرطي قربت اصدق انها حنة عروسه محروقه

ضحكوا ملهم علي ايمي

قمر…..بس كده احلي زغروطه لاحلي عروسه زغرطت قمر زغروطه طويله

ايمي….بضحك اهو كده

ضحكت قمر و حضنتها من ضهرها

نادين….يلا يا لولي قومي

ليله….ايه سخنوكي انتي كمان طب هرقص والله بس شويه طيب

ملك….يلا يا ليله عايزين نتفرج

ايه…..بضحك بااااس انا عرفت هجيبك ازاي

ليله…..بضحك حد يقف بدالها عالدي چي بسرعه هتفضحني

شغلت ايه اغنيه (ليله عند الحبايب)

اول ما سمعت الموسيقي ضحكت و رفعتلها حاجبها

سلمي….قومي يا رخمه

ايمي…..والله هزعل قومي بقي

ليله….بابتسامه تجنن ماشي يا أحلي عروسه طب يلا تعالي ارقصك

بدات الاغنيه و كلهم ضحكوا

نجود….ده بيغنيلك يا ليله

ليله….بضحك ما هي عارفه نقطه ضعفي

قربت ليله منها هي و البنات و هي ضهرها ليهم و بتحرك كتفها بدلع علي الاغنيه .

ليله…..هاتي يلا حاجه ارقص عليها

ايه….طيب ودي وحشه

ليله….دي مترقصش

ايمي…..بقولك ايه هاتيلها طبله او حاجه ترقصها زي الناس

سلمي….بابتسامه بقولك ايه حماتك عينها عليكي

ليله….بضحك الله يكسفكم والله ما بلاش انا انهارده

ايمي….بضحك يا بت خليها تطمن علي مستقبل ابنها

ليله…..بضحك لا هو مطمن متقلقيش

نعيمه….يعني هي جات عليها خليها تطمن هي كمان بقولك ايه هاتيلها اغنيه ده عينه مني اللي رقصت لعشري عليها

ليله…..بضحك لا دي بتاعت عشري لما يبقي موجود ارقصلوا عليها

نعيمه….بضحك اه يا فاجره

ايمي….اخلصوا يلا هاتوا اي حاجه.

ايه….استني انا هجيبلك كام اغنيه وراء بعض قمر ههد حيلك انهارده

ليله….طب و ليه كده بس يا مصيبه هي اغنيه واحده

ايه…..و الغلبانه دي مش عروسه بقولك ايه محدش فينا بيعرف يرقص غيرك يعني انتي الرقاصه بتاعت اليوم بدل والله ما ارقص و اعقبلكم

ايمي…..بضحك لا وعلي ايه هي ليله هترقص يلا يابت اخلصي

ليله….بضحك غمزتلهم طب يلاو وسعولي بقي كده عشان اطمن حماتي علي مستقبل ابنها

ضحكوا البنات كلهم و بعدوا كلهم عنها الكل عينه كانت عليها.

و بدأت أيه ألاغنيه بتاعت
(دي بنت حلوه ) في بدايه الموسيقي خالص و قفت ليله في النص و هي مبتسمه وواقفه بكل ثقه و انوثه بتحرك حواجبها علي نغمات الاغنيه كأن حد.بيلعب وسطه ابتسموا كلهم و ضحكوا و امينه كانت عينها عليها بابتسامه و نظرات عينها باينه انها فرحانه بيها و عجباها شخصيتها.

بدأت الاغنيه و بدأ ليله ترقص بطريقه صدمت الكل رقص بجد مش هبل كل جزء في جسمها كان بيتحرك مع الموسيقي و الطبله باحترافيه و اللي كان محلي الاغنيه اكتر شقاوتها و تفاعلها مع كلام الاغنيه كانت بترقص و بتمثل مع حركات حواجبها و جسمها و دلعها و شقاوتها جرأتها و انوثتها الطاغيه
مع غمزة عينها و حركات وشها اللي كلها إغراء

نجود و البنات كاهم كانوا منبهرين بيها و متفاعلين معاها و محدش فيهم كان مصدق انها بتعرف ترقص بالشكل ده .

اما امينه فا ابتسامتها مكانتش مفارقه وشها و عماله تكبر في سرها خايفه علي عروسه ابنها من الحسد.

و اميمه كمان كانت عماله تسمي في سرها مبسوطه بيها ماهي بنتها اللي مخلفتهاش.

خلصت الاغنيه و بسرعه جات اغنيه تانيه لكن طبله و تقسيم قبل ما تبعد مسكتها ايمي عشان تكمل مسكت لياه ايدها و رقصتها في وسط البنات كلهم و بعدين بعدوا كلهم عن ليله و هنا بقي نسيت نفسها خالص مع الطبله.

امينه….بابتسامه الله اكبر الله اكبر

نجود….بضحك جميله ربنا يحفظها دي طلعت مجرمه

امينه…..ربنا يحفظها الله اكبر يا اميمه اميمه

اميمه….ايوه يا ست امينه

امينه…..جعديها يا اما كفايه عليها اكده هتتحسد

اميمه….بضحك حاضر هقولها بس خلاص هي سمعت الطبله مش هتسمعني

امينه….بابتسامه ربنا يحميها من العيون

بصوا تاني عليها البنات كانوا عاملين دوشه حواليها و كلهم بيصوتوا بصوت عالي و هي خلاص بقت في عالم تاني لا مكسوفه ولا في دناغها حدي هي مبسوطه و بس رقصت ايمي تاني و فضلوا البنات يلفوا حواليهم

و جريت نعيمه جابت نجود و البنات

و الدنيا ولعت رقص كلهم حوالين ايمي و ليله بس تركيزهم كان مع ليله اللي خربت الدنيا و مصدقت

رجعت انضمت ليهم الفرقه بتاعت البنات شغلوا اغاني نوبيه ايمي و البنات كانوا معاهم و اندمجت ليله مع بنت فيهم نوبيه بترقص حلو اوي لكن الفرقه نفسها اتفاجئت من رقص ليله النوبي

شويه و اشتغلت اغنيه صعيدي و غيرت ايمي لبسها و لبست لبس صعيدي و ادوهم عصيان صغيره بقوا يحركوها معاهم بس مش عارفين و طبعاً ليله كان ليها رأي تاني رقصت في وسط الكل بالعصايه و بقت تلفها باحترافيه

كان واضح حبها للرقص عموماً بترقص باحتراف و مفيش رقصه مش بتعرف ترقصها.

شويه وراحت قعدت ترتاح تعبت خلاص.

امينه…..بجولك ايه تجعدي و متجوميش تاني تعبتي يا اما و خايفه عليكي تتحسدي والله

ليله….بضحك متخافيش يا امونه كل اللي موجود عارفينه

امينه….معلش بردك كفايه ربنا يحفظك و يحميكي يابنتي

ابتسمت ليله بسعاده كانت مبسوطه اوي

امينه….بهمس بجولك ايه يا ليله امسكي الجزازه دي

ليله….بأبتسامه دي ايه ده؟ ده زيت برفيوم ده ولا ايه.

امينه….ده عود أصلي تحطي منه حاجه بسيطه يفصل ثابت بالايام ودي علبه بخور عود بردك بخيري و حطي في دولابك الريحه بصعوبه تمشي.

ليله….ريحتة حلوه انا عندي برفانات كتير عود بس الريحه دي مشمتهاش من لما كنت في الامارات

امينه….الروايح دي كلها تجليد انما ده الاصل عمك عشري ليه واحد صاحبه من بدو السعوديه صاحبه الروح بالروح عنديه الشجر بتاع العود ده كتير كل فتره لما بيلجح الشجر بيبعتلوا

ليله….ابتسمت ورفعت حاجبها يعني ايه تقصدي تلقيح يعني

امينه….ايوه هو ده

ليله….بضحك بيلقح الشجر طب ازاي بيجوزوا يعني

امينه….بضحك ايوه بيچوزو

ليله….بيجوز الشجر طب و دي بيعملها ازاي يعني اعرف الراجل يتجوظ الست انما الشجر

امينه….بضحك لسانك فالت كيف ولدي

ليله….بضحك هو ولدك الصراحه يعني و من غير زعل لسانه فالت بس يعني لو لسانه فلت في موضوع الشجر ده بالذات يبقي معاه حق

امينه….بضحك المهم يعني صاحب عمك عشري هو اللي بعتوا و اني جولت اچيبلك منه

ليله….بابتسامه و هي بتضحك تسلم ايدك يا امونه مش مهم بقي نبقي نعرف موضوع التلقيح ده بعدين

امينه….بضحك ماشي جومي يلا شيليهم بدل ما ينكسروا

ليله….حاضر.

قامت ليله دخلت تشيلهم.

ماريز و نجلاء و اخوات اميمه كانوا عنالين يقدموا في عصاير و حلويات و اكلات بسيطه تنفع تتقدم في المناسبات كان المطعم بتاع البنات اللي مجهز كل حاجه بس هنا اللي بيتعانلوا و يقدموا بنفسهم عشان ممنوع يكون في اي راجل.

ماريز ….يلا يا جماعه كلوا سهرتنا طويله لسه.

نجلاء…..عايزين اي حاجه

نجود…..لا كده تمام بس بقولك ايه ينفع ادخن عادي صح

نجلاء…..اه براحتك طبعاً مفيش حد غريب.

راحت نادين بابتسامه جميله قعدت جنب حنان كانت متفرجه وقاعده بهدوء

نادين….ايه يا طنط قاعده ليه لوحدك

حنان…..بابتسامه جميله مش لوحدي ولا حاجه انا قاعده و سطكم اهو

نادين….طيب قوليلي ناقصك اي حاجه

حنان….لا يا حبيبتي تسلمي يارب قوليلي بتطمني علي ماما و بابا

ابتسمت نادين ببراءه و هزت راسها بسرعه

نادين…اه الحمد لله كلموني لما وصلوا يوم الاربع الصبح و امبارح ماما كلمتني و انهارده كمان كلمتني و قالتلي هتلبسي ايه و اتصلت علي ڤديو و فرجتها اللبس كانت مبسوطه اوي

حنان…..بابتسامه هاديه المهم انتي تكوني مبسوطه

نادين….انا مبسوطه اوي بصراحه مكنتش اتخيل خالص ان كل ده يحصل و ان علاقتنا تبقي حلوه كده مكانش عندي امل اصلاً يمكن كان كل اللي بتمناه انهم يسألوا عني بس مش علي فترات طويله او اشوفهم او حتي يطلبوا اني اسافرلهم عشان اشوفهم بس الحمد لله اللي اتحقق اكتر بكتير من اللي اتمنتيه و كل ده بفضل ميدو

حنان…..مهما حصل يا نادين هنا ابوكي و امك يمكن بتحصل ظروف كتير بس مع مرور السنين اللي كان مضابق بيهدأ اللي كان بيعند بيبطل عناد و بيفضل بس العلاقه الحلوه اللي بين الولاد واهلهم بالظبط زي ما حصل مع ابو ولادي هو فضل بعيد و اختار حياه غير حياته بس اهو في النهايه عرف غلطوا بقي قريب من ولاده اكتر حتي ميدو بقي قريب منه

نادين….الحمد لله المهم ان كلنا مبسوطين

حنان….ربنا يسعدكم ديماً يارب كملت بابتسامه مش ناوبه بقي تجيلي يوم يا نرات ابني

نادين….بابتسامه حاضر والله شوفي حضرتك فاضيه امته و هجيلك

حنان….بكره اكيد مش هينفع عشان فرح ايمي و رشيد ايه رأيك تيجي الاحد عندك حاجه

نادين….اااا غالباً لا و لو في شغل هيبقي بدري اكيد

حنان….طيب انتي و البنات هتروحوا لايمي و رشؤد قبل ما يسافروا

نادين….هنروح بس مش تاني يوم علي طول اكيد ممكن الاثنين او الثلاثاء هما هيسافروا الاربع علي الضهر كده

حنان…..خلاص يبقي الاحد هستناكي و هنتغدي سوا و نقعد مع بعض شويه ايه رأيك و هقول لايه كمان

نادين….بابتسامه ماشي انا موافقه

قرب منهم ريهام وايه

ريهام…..بترغوا في ايه كده

نادين…..بضحك خضتيني والله

ايه…..بضحك انا جايه معاها و اتخضيت

حنان…..بقولها تيجي يوم الاحد نتغدي سوا

ريهام…..اه تعالي عشان نفرجك المغامرات بتاعتنا علي الطبيعه

نادين….بضحك ماشي اتفقنا

حنان….وانتي كمان يا ايه عندك مشكله

ايه…..ااااا لا عادي بس يعني سلامه او حضرتك قولوا لبابا

حنان….بابتسامه اكيد هنقول لبابا متحمليش هم

ايه….ماشي اتفقنا لو وافق معنديش مشكله.

نادين…..و لو هتروحي نروح مع بعض

ايه….مانا هجيلك اكيد فكراني هسيبك.

نادين….بضحك ماشي.

ايه…..ريهام تعالي بقي ناخد كارين و نشتغلها شويه و نرقصها

ريهام……بضحك اه يلا تعالي

نادين….بضحك يا بنتي حرام عليكي البنت كيوت و قمر بلاش تنمر

حنان….بضحك ربنا كان رازقني بأربع متنمرين زادوا واحده وبقوا خمسه

نادين….ايه ده حضرتك حاسبه ميدو كمان معاهم لا حرام

حنان….بضحك اه ماهو لما بيحط روسهم في روس بعض بيبقي اسخن منهم

ريهام…..سبيها يا ماما دي غلبانه كل ما هتعرفيه اكتر هتعرفي ان هو اللي معلمنا

نادين….بضحك الله يكون في عونك يا طنط

حنان….بضحك يارب

…………

رجعت تاني الاجواء و الكل قام اتجنن تاني امنيه بقت ترقص مع ايمي و بعدين شدوا زوزو معاهم

البنات كلهم كانوا بيرقصوا و مبسوطين و نادين و سلمي بيرقصوا اميمه و قمر معاهم هما كمان

ليله و ايه كانزا متجننين علي جنب مع بعض شويه وراحوا معاهم و بقوا يرقضوا و رجعت تاني اشتغلت اغنيه و ليله رقصت و رقصت معاها نجود و البنات

شغلت ايه غنيه يا بنات حلوين طعمين.

و وفقت ليله بتضحك عليهم و هما بيقلدوها بقت تعملهم الحركه و هما يحاولوا يعملوا زيها.

نجود….بضحك متحاوليش احنا عايزين تدريب كتير

ضحكت ليله و بعدت عنهم شويه و كملت رقصها لحد ما الرقصه خلصت

اميمه….بقولك ايه اقعدي شويه بقي كفايه رقص هتتحسدي

ليله…..بضحك ايه هي امينه عدتك

اميمه…..ماهي معاها حق خايفه عليكي

ليله….من ايه بس كل اللي موجود عارفيني يعني

اميمه….معلش بردوا اقعدي كفايه كده

ليله…..ماشي يا ستي هقعد اصلاً جنبي و جعني

اميمه….شوفتي اقعدي بقي واياك تقومي تاني من مكانك

ليله….بابتسامه ماشي يا قلبي حاضر

فضلت الاجواء دي مشتعله لحد قرب الساعه واحده قامت نجود و امينه و البنات لبسوا كانوا مستنين عشري و الشباب يرجعوا

و لكن فضلت الاجواء دي مكمله

بعد وقت بسيط وصلوا الشباب كلهم
و اتصل حماده علي ماريز يعرفها انهم بره كلهم عشان اللي مش لابس يلبس

ماريز…..اللي مش لابس يلبس يا ولاد الشباب وصلوا كلهم بره.

نجود….لبسنا خلاص

ليله…..بهمس لنعيمه فين الچاكت بتاعي

نعيمه….معرفش شوفيه جوه اسالي امنيه

ليله….امنيه امنيه الچاكت بتاعي شوفتيه

امنيه….شوفيه جوه في الاوضه عندي

دخلت ليله بسرعه و دخل بعد كده كل الشباب سلموا علي الجميع.

قرب حماده من ايمي باسها وحضنها بسعاده و قرب منهم رشيد

رشيد….ايه القمر ده يا عروسه

ايه…..ايه ده انت مش هترقص عروستك ولا ايه

رشيد….اسكتي يا مصيبه مليش في الرقص انا

ايمي…..ليه ان شاء الله طب هترقصني بقي

رشيد….بضحك اعقل يا مجنون

ايه…..طب والله ما يحصل انت و حماده كمان هترقصوها

محمد…..بابتسامه ياسلام ارقصها

ايمي…..بضحك شايف يا عريس

رشيد….بضحك خلتها تقفش فيا يا حماده

محمد….انا مالي ما ترقصها مش عروسه دي

رشيد….بضحك ماشي نرقصها

خرجت ليله من جوه حاطه عل كتفها الجاكت بس مش لبساه كان قصير مش طويل يادوب مغطي ضهرها بس طبعاً الفستان كله من قدام باين سلمت عليهم و بصت لعشري وهي بتهمس

ليله…..ابوس ولا اسلم

عشري…..بابتسامه حط ايده علي ضهرها وقربها منه باس راسها بحب احنا بنوس علي طول

ليله…..بضحك انا قولت البلطجي هيتكسف

عشري….ايه بقي الچاكت ده

ليله….لا احمد ربنا بقي عشان انا مش جايه غير بيه

عشري…..رفع حاجبه نعم يا روح امك انتي اصلا جايه بالفستان دي

ليله….يا ابني بطل قلة ادب انا جايه بطقم عادي و لبست هنا

عشري….ااااه بحسب

ليله….يا باااااي عليك لسانك عايز يتقطع

عشري….طب يلا

ليله….يل ايه اقطعوا

عشري….بغمزه ياريت

ليله….بضحك امونه بتبص علينا اتلم و متضحكنيش

عشري….تبص و تسمع كمان هتفرح بابنها اوي.

سلمي…..فضلت هي و نادين و نعيمه يدوا للشباب مايه و عصاير و حلويات

فضل….انا عايز قهوه

نعيمه…..اشرب ده مش وقتك

فضل….بضحك هو ده كرم الضيافه
عنديكم

نعيمه….بضحك اه هو ده كرم الضيافه عندينا مبعرفش انا اعمل قهوه

فضل…..و الله ادبسك واسال الرجاله دي كلها و اخليكي تروحي تعملي

نعيمه….والله هقولهم مش بعرف و اخلي شكلك انت اللي وحش عشان تبقي تعزم بقلب

فضل….بضحك بس ايه الحلاوه دي كلها

نعيمه…..طول عمري

فضل….يا مغروووور

ضحكت نعيمه وسابته و مشيت.

………..

سلمي….مش كنت جيبت هنا كانت هتتبسط اوي

حسان….لا هنا ايه حرام عليكي هي اصلا هتتجنن و اخدها

سلمي….طب وليه مخدتهاش

حسان…..ما انتي شايفه يا سلمي طول الوقت بحاول اكون مع رشيد حرام هو تعب و مش هقدر اركز معاها و بعدين في اوقات بنرجع متأخر و في اوقات من التعب بننام شويه و سط النوم و مقدرش اسيبها لوحدها احسن تعمل اي حاجه

سلمي…..ايوه صح بس جيبها حتي بكره

حسان…..خلينا نخلص بس من الفرح عشان اقدر اركز معاها و بعدين اجيبها والله

سلمي…..بابتسةمه ماشي قولي بقي تشرب دي ولا دي

حسان….انا مش قادر والله شربت كتير في المطعم عايز مايه بس

سلمي….لا هتشرب او خد كل

حسان….بابتسامه عافيه يعني

سلمي….اه مش عاجبك

حسان….لا …..عاجبني

سلمي….بضحك اه بحسب يلا كل

حسان….ماشي يا ستي

بعد حوالي عشر دقايق من الرغي و الدوشه بتاعت الشباب

ايه….يلا جاهزين كفايه رغي بقي عايزين نرقص العريس والعروسه

سلامه…..ايه وقفتي علي الدي چي خلاص

تامر….بضحك دي ناقصها المايك و تبقي نبطشجي قد الدنيا

سلامه….بضحك تصدق حلوه ايه يا نبطشجي

ايه…..بغضب مالك يا سرسجي منك ليه

سلامه…..بضحك انا سرسجي

تامر….جبتلنا الكلام يا عم سلامه الله يسامحك

سلامه…..بضحك انت اللي قايل انا مالي

شغلت ايه اغنيه بهاء سلطان تعالي ادلعك.

مسكت ايمي ايد ابوها و رقصت معاه و رقصت مع محمود رشيد كان واقف جنبهم مبتسم و سعيد و بيسقف و معاه جنبه امه و ماريز

مسك حماده ايد رشيد و قربه من ايمي مسكت في ايده و رقصت بهدوء بسيط هي اصلا مش بتعرف ترقص يادوب بتتحرك بدلع كده.

قربوا البنات منهم يسقفوا و يرقصوهم و راحت ليله عليهم بهدوء و وراها عشري.

بصت ايمي علي ليله و شدتها معاهم

ليله….لا لا بااااس هيقتلني

ايمي….بضحك هرقصه معاكي يلا بقي يا عشررري

ابتسم عشري و هز راسه بلا

ايمي….عشان خاطري

رشيد….بضحك مبيعرفش يرقص غير بدوي ده

ايمي…..يلا متبقاش رخم

عشري….بابتسامه مبعرفش والله

شدت ليله تاني بصت ليله لعشري و هي بتضحك و بترفع كتفها

بصلها عشري بابتسامه وهو رافع حاجبه

ايمي…..بضحك عشان خاطري

ضحك و سكت و فضل باصللها و هو رافع حاجبه

مسكت ايد ايمي بهدوء ترقصها بس كانت عاقله في رقصها و لابسه الچاكت زي ما هي فا سابها تفرح معاهم و سكت كلهم بيرقصوا نفس الرقص بهدوء يادوب بيتحركوا مع ايمي و بيرقصوها الشباب كلهم كانوا حواليهم مبتسمين

لكن ايه تسكت ابداً شغلت اغنيه ده عينه مني لليله.

ضحكوا كلهم و اول نا جات ليله تبعد ايمي مسكتها و ليله تضحك و مصممه تبعد عشان عشري

عشري….قرب منها بهمس و هو مبتسم هقتلك

ليله….بضحك انا مالي هما اللي ماسكني

عشري…..بضحك سيبي انتي وهي

ايمي….بعينك ده انا عروسه والله اروح فيكم في داهيه

عشري….والله انا اللي هروح فيكم في داهيه

ايمي….بضحك ماهب لابسه اهي هترقص بأدب

عشري….مضمنهاش تعالي انتي هنا

ايمي…..بضحك هضمنهالك انا بأدب يا ليله

سحبتها بسرعه من ايده هي و البنات و هو وقف يجز علي شفايفه و مبتسم و رافع حاجبه و ليله تبص عليه من بعيد و تضحك

قربت منه نجود و هي بتضحك

نجود….ما تسيبها ترقص متبقاش معقد

عشري….اجعدي انتي ساكته يا نجود ما طبعاً علي كيفك الهيصه

نجود…..بضحك بس بقولك ايه طلعت مجرمه

عشري….من غير ما تجولي عارف

بصتلوا امينه بابتسامه من بعيد و هزت راسها.

راح عليها وقرب منها

عشري…..ايه عيزاني اسيبها انتي كنان يا امنيه

امينه….لا عيزاك تجعدها هتنحسد مبطلتش رجص و الكل عينه عليها

عشري….ده اللي هامك يا امينه انها تنحسد و مش هامك المسخره

امينه….بضحك بجولك ايه كان معايا حج لما جولتلك سيب الوكل عليك

عشري….بضحك مالك مبسوطه انتي اياك

امينه….الله اكبر خمسه و خميسه في عين العدو أخرة صبرك

ابتسم عشري وقام و راح عليهم شويه و طبعاً فات شويه حلوين من الاغنيه عشان بيقنعوا في ليله و هي خايفه من قلبة عشري بس قالت مبدهاش هي خناقه ولا اكتر قالت لايه تجيبها من الاول بس شرطت عليهم ميبعدوش عنها و يفضلوا عاملين دايره حواليها عشان متبقاش ظاهره اوي الجاكت كان مضايقها بس مقدرتش تقلعه عشان هتتعلق

جريت امنيه جابتلها شال زي طرحه خفيفه كده وقفت وراها قلعتها الچاكت و حطتلها الطرحه علي ظهرها .

و بدات ايه الاغنيه و هي بدأت ترقص و عشري واقف عينه عليها هيتجنن ويجيبها من وسطهم و ليله مش عايزه تبصلوا ابداً

و الكل عمال يضحك عليها و عليه.

كانت ماسكه في ايد ايمي علي انها بترقصها و اول ما كلمات الاغنيه بدأت سابت ايدها و انطلقت و بصتلوا و هي بتغمزلوا بطريقه تجنن

ابتسم غصب عنه و هز راسه شمال و يمين.

بس مستحملش مع اول كلمتين قرب من وسطهم و مسك كفها

ايمي….بضحك ماهب بترقص بأدب اهي

عشري…..ابعد ايمي عني بدل ما ابوظ وشك وشها قبل الفرح

رشيد….بضحك اسكتي بقي جيبتلنا الكلام

خدها بعيد و هي بتضحك و مش عابزه تبصلوا

عشري….أضحكي هضحك زين انا

ليله…..بضحك الله مش انت وافقت

عشري….موافجتش انا

ليله….بضحكة دلع كنت هرقصلك انت علي فكره قطعت برزقك اول كلمتين

عشري…..رفع حاجبه مش عايز انا فقري و يكون في علمك لو لمحتك بترقصي تاني قدام اي حد هزعلك يا ليله انا سايبك من بدري ايه متعبتيش من الرقص

ليله….بدلع لا تعبت و جنبي وجعني بص

بعدت طرف الشال شويه ابتسم عشري و بصلها بنظره تجنن

عشري….انا بقول اخد امي و نمشي قبل ما تبقي حنتك انتي و بكره دخلتك

ليله….بضحك موافقه لو جدع نفذ

عشري….بضحك بلاش انا مفيش اجن مني و انتي عارفه اكلم اخوكي الوقت

ليله….بضحك طيب اسبوعين و رشيد اتزنق زنقه ما يعلم بيها الا ربنا انت بقي هتعملها ازاي في يوم لا بقولك ايه في فستان و فرح هتكروتني ولا ايه

عشري….يبقي نظبط و نلم نفسنا

ليله….بضحك خلاص لمينا نفسنا

عشري….انتي تعبانه بجد ولا ايه

ليله….اه والله جنبي واجعني اوي

عشري….من الرقص اكيد

ليله……لا بس عرقت و الجو برد و كنان الكعب تعبني

عشري….طيب يلا ادخلي غيري عشان تمشي انتي كمان كلنا هنمسي الوقت

ليله…..ماشي يا قلبي

عشري….لفي الشال ده عليكي كويس من قدام

ليله….بابتسامه حااااضر

دخلت ليله لبست و جهزت نفسها بسرعه و الكل كان خلاص بيستعد للمشي الاغاني اتقفلت و كملوا بس قعدتهم بهدوء و هما بيتكلموا و مبسوطين و بيضحكوا شويه و خرجت ليله و قفت معاهم.

محمد….بضحك ايوه خبط و رقع و جيل مهبب

تامر…..طب نسمع ايه يا حماده في الافراح اكيد مش هنسمع عبد الحليم و ام كلثون

محمد…اتهلي و انتوا جيل بيفهم هو عبد الحليم و لا ام كلثوم دول يتعوضوا

تامر….لا حلوين و بنسمعهم علي فكره بس يعني في الافراح نشغل ايه

ايه….بضحك طب تخيل كده يا حماده مشغلين في فرح قصه الامس و بنرقص عليها بذمتك تنفع في الرقص و التعقيب

ضحكوا كلهم علي ايه

سلامه…..عايزه تعقبي علي قصة الامس يا مفتريه

ايه…..بضحك لا بقوله تخيل اصل هنشغل ايه صحيح

محمد…..يا ستي شغلوا وافرحوا بس انا اقصد يعني ان في اغاني كلها خبط و بس لا كلام مفهوم و لا موسيقي تتسمع و حاجه اخر جنان طب بزمتك بتفهموا الكلام ده

ايه….بضحك كلام زي الفل

محمد….اتلهي انتي كمان دي تعويذه الجن مفهومه عنها

محمود…..طب بقولك ايه بقي يا حماده بمناسبه الجيل اللي مش عاجبك لا صوته ولا المزيكا بتاعته عسال طلع صوته يجنن انا بقول نختم الصداع ده علي صوت عسال

رشيد…..بضحك ااااايوه

عسال….بابتسامه ايوه ايه بس يا عم

سلامه…..سمعه يا عسال يلا

محمد….سمعني يلا خليني اغير رأيي

عسال…..بضحك.بيكدبوا علي فكره انا بغني كده معاهم والله

ايمي…..لا متكدبش والله صوته حلو يا حماده و اوي كمان و بعدين انا عروسه غنيلي

رشيد….غني لعروستي يلا يا عم عسال

عسال…..بضحكه جميله و احراج بسيط طيب اغني ايه

محمد….استني هتغني كلام مش مفهوم و الاغاني بتاعتكم دي

عسال….بضحك لا انا اصلا مليش فيها اوي

محمد….تبقي بتفهم و صوتك حلو يلا سمعني

عسال…..طب اقول ايه انا اغلب اللي حافظه قديم شويه

فضل…..قول اي حاجه و ما انت حافظ وائل جسار و تامر و اصاله و شيرين حافظ لناس كتير

ليله…..صوته تحفه يا حماده و هيعجبك اوي

عشري…..لرشيد قوله يغني متسبنيش انا وحدي

رشيد….عسال عسال عشري بيقولك متسبنيش انا وحدي

محمد….الله حلوه دي

احمد…..سيد مكاوي

عادل….لو عرفت تغنيها يبقي صوتك حلو اوي

عسال….بابتسامه بس دي طويله اوي

محمد…..يا سيدي غني حته منها

عسال…..اممممم طيب اااا انا هنغني حته بسيطه كده في جزء كده بحبه اوي بيقول ايه..

كلهم سكتوا و فضلوا مركزين معاه

و نادين عينها عليها بحب

عسال…..ااااااا اممممم الليل الليل اللييييييل الليييييل الييييل الييييل اليييييييل..

الليل الليل اللييييييل اللييييييييل اللييييييييل الليييييييييل

محمد…الله

عسال….الليل الليل الليل اللييييل الليل تيرا راراراااااا الليييييييييييييييل الليل الليل

الليل في دموعه قاسي و ياويلي من ساعاته و الصبر لسه ساكت و ياويلي من سكاته الليل في دموعه قااااااسي و ياويلي من سعاااته والصبر لسه ساكت و ياويلي من سكاته.

عادل….الله الله

توعدني بفرحتي استني بضحكتي تزعدني بفرحتي استني بضحكتي زي الورده ما تبقي مستنيه الندي

وتلف و تفتكر و تجيني و تعتذر ايه القلب اللي يقدر يستحمل كل ده.

كان بيغني بصوت حنين و في الطلعات قوي مندمج و هما مستمتعين و الكل متأثر بكلمات الاغنيه و حنان بصاله بحب و سعاده بنظرات تجنن

عاد عسال اخر كوبليه تاني و بعدين بصلهم و ابتسم و هو بيهز راسه عشان يغنوا معاه.

عسال…..وتلف و تفتكر و تجيني و تعتذر ايه القلب اللي يقدر يستحمل كل ده .. يلااااااا و أرجع تاني و أقولك ريحني الله يخليك عشان المركب تقدر تمشي بيا و بيك.

ابتسموا كلهم و غنوا معاه بسعاده
أرجع تاني و أقولك ريحني الله يخليك عشان المركب تقدر تمشي بيا و بيك.

عسال….ماتفوتنيش انا وحدي افضل احايل فيك متخليش الدنيا تلعب بيا وبيك خلي شويه عليا و هلي شويه عليك خلي شويه عليك خلي شويه عليك هلي شويه عليا و شويه علييييييييييييك

الجميع سقف و بين قد ايه مبسوط

عادل….الله الله الله

احمد….ماشاء الله ده طلع صوته حلو بجد

سلامه…..بضحك بص لاحمد اخويا ده هاا

بصلوا احمد بطرف عينه

ضحك سلامه و ايه و تامر عليهم

محمد….الله اكبر انت صوتك حلو بجد

محمود…..مش قولتلك هيعجبك

عسال….بابتسامه يعني علي قدي

محمد….لا بجد حلو حلو يعني و بعدين سميع كمان

عادل…..انت ليه مش بتغني

رشيد….قولوا

عادل….حرام صوتك حلو بجد

عسال…..يعني مليش في الموضوع ده بصراحه بغني بس لينا كده

عشري…..بابتسامه الله ينور يا صاحبي

ماريز…..لازم تغني او اقولك بعد ما العيال دي تتجوز تجيلي كده كل يوم انا و عمك حماده بليل نقعد هنا احنا الثلاثه و تغنيلنا

ضحكوا كلهم علي ماريز

عسال….بس كده خلاص موافق

محمد…..يا سلام بس متركزش معانا بقي يعني غني و ملكش دعوه بينا

عسال….بضحك ولا هبص خالص

ايمي…..عايز يعمل فيها حبيب يا ميدو واخد بالك

عسال….بضحك اه لاحظت

محمد…..انا حبيب مش عامل فيها حبيب

احمد….اهو ميدو عايز قاعده من بتوعنا انا وانت و عادل يا حماده

محمد….اه والله

سلامه…..لا وده هيعيش معاكم اوي بيحب هو الاغاني دي

عادل…..دي احلي اغاني و الله مع فنجان القهوه و الكتاب بقولكم ايه يلا سلام عليكم اما الحق اقعد شويه مع نفسي.

ضحكوا كلهم علي عادل و بعدين بدأ الكل يسلم علي بعضه و خرجوا عشان يروحوا.

رشيد…حبيبي يلا انا همشي و هروح اصولهم ولما ارجع عند حسان هكلمك

ايمي….ماشي يا عمري

رشيد…..مش عايزه اي حاجه

ايمي….لا سوق براحه و انت راجع الدنيا بقت ليل خالص

رشيد….ربنا يستر بس متقلقيش حسان معايا احنا جاين مع بعض

ايمي….اه صح طيب كويس لما ترجع كلمني

رشيد….تمام قربها منه و باسها من راسها بحبك

ايمي….و انا بموت فيك .

……..

حنان…..روح انت حبيبي مع نادين وصلها و احنا هنمشي مع سلامه

سلامه….اه امشي انت

نادين…لا لا انا اصلا معايا عربيتي و بعدين انا ماشيه مع ليله و نوني احنا نفس الطريق

عسال…..طيب و فيها ايه همشي وراكم متمشوش لوحدكم

عشري….امشي انت يا ميدو انا هطلع وراهم انا و فضل و هنفضل معاهم متقلقش كده كده نفس الطريق

عسال…..طب وليه اللفه دي معاك الجماعه حرام تعبوا

عشري….يا ابني نفس الطريق بقولك مفيش تعب روح انت يلا معاهم

نادين…..روح يا ميدو يلا عشان مترجعش لوحدك عشري كده كده معاه فضل

فضل….ما تخلص يا جدع

عسال….بضحك مسمعش صوتك

ليله…..بضحك لا بقولك ايه مش وقت نقار انت و هو خلصونا

نادين….يلا بقي روح انت الجو شكلوا هيمطر كمان

عسال….ماشي يا حبيبي لما توصلي كلميني عشري متسبهاش ها

عشري….يعني ينفع بالذمه

عسال….بضحك اخويا

عشري…..متقلقش عليها يلا بقي

ايه…..بهمس بقولك ايه ابقي كلمني عيزاك

سلامه…..لحقت اوحشك يا قمر

ايه…..لا طبعاً هقولك حاجه

سلتمه….بضحك يابت والله اجيبك من شعرك طب جامليني و قولي اه

ايه….بضحك ماشي هقولك واخدك علي قد عقلك

سلامه…..امشي يا ايه امشي ابو شكلك

…….

سلمي…..هتروح مع رشيد

حسان….اه جينا سوا هنوصلهم و نرجع و هكلمك علي طول

سلمي….لو اتأخرت هنام و اسيبك

حسان….طب اياك جربي كده

سلمي….ايه ده انت بتهددني

حسان…..بابتسامه اه جربي

وقع الشال من علي كتفها

حسان…..بص بعدي و بعدين مد ايده رفعه بسرعه ارفعي ده و ياريت ناخد بالنا شويه من لبسنا لو مفيش مشكله يعني

سلمي….بابتسامه ماله بقي لبسي

حسان….اممممم لا نتكلم لما ارجع بقي

سلمي….بضحك ماشي هستناك

سلموا كلهم علي بعض و ركبوا العربيات قرب عسال من نادين و هي راكبه العربيه.

عسال…..حبيبي عيزاني اجي معاكي

نادين….لا والله ماهما معايا اهم بطل قلق شويه بقي

عسال….بابتسامه مقدرش اربطي الحزام

نادين….حاضر

عسال……سوقي براحه و خليكي جنب عشري و فضل

نادين…..بحب حاضر و في لحظه قربت من خده باسته

عسال…..ابتسم ابتسامه واسعه و بصلها بعدم تصديق

نادين….اااااا يلا امشي

عسال….بحب حاضر همشي

اتوترت و اتكسفت و معرفتش هي ازاي عملت كده و طبعاً هو كان عارف انها ندمانه الوقت فا قرر يبعد بسرعه قبل ما تتلخم و تتوتر

ركبوا العربيات كلهم و طلعوا و كل واحد مشي من طريق.

تامر فضل مع محمود عشان يساعده في تظبيط الجنينه و عشان يستني الشباب تيجي تشيل كل حاجه.

اما عشري و فضل كانوا وراء البنات و ركز عشري اكتر علي نادين عشان امانه عسال فضل ماشي براحه و مش راضي يسرع اوي .

وصلوا الاول تحت بيت ليله و نعيمه ركنوا كلهم نزل عشري و فضل نزلت ليله و قفلت العربيه

عشري….ناسين حاجه في العربيه.

ليله….لا كله تمام اروح اسلم عليهم بس

نعيمه…..ليله الشاحن بتاعي معاكي

ليله….اه في الشنطه متقلقيش

نعيمه….تمام

راحوا يسلموا عليهم

ليله…..امونه ما تطلعي شويه انتي و البنات

امينه….بابتسامه لاه احنا تأخرنا جوي مره تانيه

ليله…..يعني ينفع تبقوا هنا و متطلعوش

امينه….معلش يوم تاني و الله

ساره….ده كتر خيرنا سايبين الولاد لوحدهم من بدري مره تانيه والله يا لولي

ملك…..ده بيتك صح

ليله…..ايوه هو اكيد هتيجو مره تانيه

ملك…..اكيد

ساره…الايام جايه كتير

ليله…..بكره هتيجو

امينه….ان شاء الله يا بتي يلا اطلعي الجو برد عليكم

لياه….ماشي يلا باي يا بنات باي يا امونه

امينه….بالسلامه

ساره….باي يا ليله

راحت تسلم علي نجود و باقي البنات و رجعت نعيمه تسلم علي امينه و البنات

قرب عشري من عربيه نادين

عشري….نودي معلش اديني ثواني بس نطمن انهم طلعوا و هنمشي

نادين….لا براحتك يا عشري بقولك ايه انت عارف بيتي كلها شارع يعني امشي انت بقي وانا هروح

عشري….بابتسامه عيب عليكي انتي امانه عسال مش همشي غير لما تطلعي

نادين….بابتسامه تمام ماشي.

ليله…..ايه يا نودي هشوفك بكره

نادين….لا معلش مش فاضيه اكيد هشوفك يعني

ليله….يا رخمه اقصد هتيجي ولا هنتقابل

نادين….هنشوف بقي مع بعض كده و هنتفق

ليله….ماشي يا قلبي

عشري….نبطل رغي.بقي و نطلع

ليله….ايه في ايه مالك ما براحه شويه يا عسل عشان بخاف

عشري….بضحك تعرفيها دي يا نودي

نادين….بضحك ولا اعرفها دي بلطجيه

عشري….قصدك ايه يعني

نادين….بضحك لا انت حلو هي اللي بلطجيه

ليله….ايوه كده اظبطي معاه احسن ده مجنون ممكن يطير رقبتك و هو بيوصلك

عشري…..بضحك لا نودي حبيبتي

ليله….طب يا سيدي ربنا يهني سعيد بسعيده يلا قدامي تعالي وصلني

عشري….بضحك صبرني يارب قدامي راجعلك يا نودي

راح معاها عشري هي و نعيمه اللي كانت واقفه ترغي مع فضل قالولهم باي وصلوهم لحد الاسانسير و خرجوا ركبوا العربيات و استنوا ثواني

عشري…..طلعتي

ليله….طلعت يا بلطجي

عشري….يلا اول ما اوصل هتصل عليكي

ليله….اوك يا حبيبي يلا باي

عشري….باي

طلعوا بالعربيات وراح ناحيه نادين مشي قدامها و مشيت هي بعده وفضل و عدي كانوا وراها علي طول دقيقتين و وصلت تحت البيت قبل ما تنزل بالعربيه كان عشري نزل و راح عليها

فتحت نادين الباب و نزلت

نادين…..معلش يا عشري تعبتك والله

عشري….يلا بلاش عبط

نادين….طيب هو انا ممكن اسلم علي مامتك و مامت فضل و البنات

عشري…..بضحك ممكن طبعاً روحي
لا استني

نادين….ايه

عشري….قفلتي العربيه

نادين….اه قفلتها

عشري….فتح الباب عملت صوت اللهم صلي علي النبي انتي منهم

نادين….بضحك والله دوست بس شكلها مقفلتش

عشري…..بضحك طب هاتي و روحي سلمي انتي

خد منها المفتاح قفل هو العربيه و راحت هي سلمت علي الكل و اعتذرت منهم عشان وصلوها و بعد كده راحت تاني علي عشري

عشري….خدي المفتاح

نادين….ميرسي يا عشري

عشري….ميرسي ايه يلا قدامي علي الاسانسير

نادين….بابتسامه لا بالله عليك روح بقي عشان اتعطلوا كتير

عشري….اخلصي يلا انتي كده اللي معطلانه انتي عايزه ميدو يقلب عليا

نادين…..بضحك واضح انه موصيك

عشري….ومن غير ما يوصيني يا ستي يلا قدامي

مشيت نادين معاه و داست علي زرار الاسانسير و اول ما نزل فتحلها الباب

عشري….بقولك ايه لما تطلعي و تلاقي الدنيا تمام كلميني عشان امشي

نادين….بضحك متقلقش اكيد مش هلاقي حد فوق

عشري….بابتسامه معلش كلميني عشان اطمن و امشي

نادين….حاضر شكراً يا عشري بجد

عشري….العفو يا نودي يلا اطلعي تصبحي علي خير

نادين….وانت من اهل الخير

قفل عشري الباب و خرج بره و راح علي العربيه ثواني استني كلمتوا نادين قالتلوا يمشي خلاص

ومشي فعلاً بعدها علي طول.

انتهي اليوم بكل سعاده و البنات و الشباب كملوا شويه من سهرتهم علي الموبايل لحد ما فصلوا و ناموا

……………

في صباح يوم جديد كان يوم السبت اليوم اللي الكل متحمس ليه خاصتاً ايمي و رشيد .

صحيت ايمي علي الساعه عشره و نص او بمعني اصح معرفتش تنام اصلاً من التوتر و التفكير و السعاده و الحماس مشاعرها كانت متلغبطه جداً .

قامت فضلت رايحه جايه في الاوضه عشر دقايق مش عارفه تعمل ايه شويه دخلت الحمام شويه و خرجت عملت قهوه بعدين فضلت تشوف فستانها و الحاجه بتاعتها ناقصه ولا لأ.

و سرحت شويه في خناقتها من كام يوم مع رشيد.

فلاش باك..

ايمي….انت بتهرج فستان ابيض ايه اللي هلبسه يا رشيد لا طبعاً انا مش هلبس فستان أبيض

رشيد….وانا عايزك تلبسي فستان ابيض

ايمي….وانا مش هلبس مش كفايه اني وافقتك اننا هنحتفل علي مركب و اعاني و هيصه و انت عارف اني مش عايزه فرح

رشيد…..فين الفرح بس يا قلبي ده يخت كده لذيذ هنكتب فيه الكتاب و بعدين المأذون يتكل علي الله و احنا هنكمل سهرتنا كلنا و نتبسط و بعدين فين بردوا الفستان ده فستان عادي يا قلبي انتي ليه مكبره الموضوع

ايمي….انا مش مكبره حاجه

رشيد….خلاص قولي موافقه

ايمي….تمام يا رشيد موافقه حلو كده

رشيد….بابتسامه قمر كده.

بااااااك.

ايمي…..بغضب من نفسها قمر ايه و هباب ايه انا ازاي وافقت فستان ايه اللي هلبسه لا لا لا انا خيبت علي الاخر اه والله خايبه خايبه يا ايمي صغيره انتي علي الفستان و الكلام العبيط ده اعمل ايه ياربي.

الساعه بقت 11 ونص و خلاص هتدخل علي 12 وهي لسه عماله تكلم نفسها و تشتم في نفسها.

دخلت عليها امنيه و فتحت باب الاوضه مره واحده.

امنيه…..ايمي خلصتي

ايمي….بخضه انتي عبيطه يا امنيه في حد.يفتح الباب كده و بعدين انتي دخلتي الشقه ازاي

امنيه….بضحك بالمفتاح هدخل ازاي يعني و بعدين انتي سرحانه في ايه كده و عماله تكلمي نفسك بحسبك بتتكلمي في الموبايل

ايمي…..وانتي مالك انتي سرحانه ولا بكلم نفسي و لا حتي متأخره بقولك ايه مره تانيه متفتحيش عليا زي المخبر كده

امنيه…..ايه ده مالك علي الصبح بتخانقي دبان وشك ليه

ايمي….امنيه اطلعي بره

امنيه….بضحك استني بس انا جايه اقولك علي حاجه

ايمي….خير

امنيه… اولاً البنات جايين خلاص

ايمي….عارفه ثانياً

امنيه…..بدور علي الاكسسوري بتاعي مش لقياه و انا افتكرت اني امبارح طلعت فستاني و فستانك هنا عشان لما الناس تيجي محدش يحركهم و الكوي بتاعهم يبوظ و طلعت كمان الاكسسوري و كل حاجه و انا بليل خدت الفستان نزلته بس مش لاقيه الاكسسوري شوفيه معاكي

ايمي…..مفيش حاجه معايا انزلي شوفي تحت اكيد خدتيه

امنيه….بقولك مش تحت انا دورت كويس

ايمي….وانا بقولك مفيش حاجه هنا انا حضرت كل حاجه و لبست والاوضه قدامك اهي انزلي دوري زي البني ادمين

بصلتلها امنيه بطرف عينها وهي ماشيه علي تحت

امنيه….علي اساس كنت بدور زي القرود يعني

نزلت ايمي علي تحت خمس دقايق و البنات وصلوا و كان معاهم رشيد و حسان.

حسان راح خد سلمي و ايه و نادين جات مع ليله و نعيمه في عربيه ليله

والمفروض انهم كانوا هيوصلوهم الفندق و اللي قدامه علي طول اليخت هيكون موجود.

و باقي الشباب مكانوش فاضين بيخلصوا حجات للشغل سريعه و سلامه و عسال بيخلصوا كام مشوار لرشيد زي المأذون و بتمموا علي كل حاجه في اليخت بنفسهم فا مكانش حد فاضي ياخد البنات غير رشيد و حسان.

وصلوا علي تحت و دخلوا سلموا علي الكل و بدا البنات كمان يدورا مع امنيه علي الاكسسوري بتاعها

ليله…..طيب انتي حطتيهم فين

امنيه…..فوق في شقه ايمي امبارح انا متأكده حطتهم مع الفساتين و بليل لما مشيتوا انا مخدتش غير الفستان

ليله….طيب يبقي فوق

نعيمه…..شوفيهم فوق طيب تاني اكيد هتلاقيهم مكان محطتيهم

امنيه….طلعت دورت والله مفيش حاجه

نادين….طيب دورتي في حاجه ايمي يمكن هي شالت كل حاجه من غير ما تبص

امنيه….بتقولي مفيش حاجه و بعدين هي صاحيه معرفش ليه متعصبه و مش طايقه نفسها

ماريز….طيب اسمعي يمكن شلتيهم في الاوضه عندي

امنيه….لا والله انا متأكده

رشيد….طيب اطلعي بسرعه شوفبهم انتي بنفسك في حاجة ايمي اكيد هي مش مركزه او مخدتش بالها و عرفيها اننا وصلنا عشان تنزل بقي

امنيه….حاضر.

رشيد….محمود بقولك ايه هتروحوا امته علي هناك

محمود….علي سته كده تمام

رشيد….تمام بس سته عشان اي حد يوصل تكونوا هناك

محمد….هو ابوك و امك هيجوا لوحدهم يا رشيد

رشيد….اه بابا جاي يالعربيه بس هيبقي ورانا يعني متقلقش

حسان….طيب ما تخليهم يروحوا علي هناك

ماريز….اه خليهم يجوا عشان وفاء تبقي معايا و نقابل اللي يجي مع بعض

رشيد….والله قولت لابويا بس هو مش عارف المكان اوي

محمود….طيب ما يجي علي الفندق عادي هو ميتهوش يعني و بعدين انا هخرج ليه و ابقي معاه علي الموبايل

رشيد….طيب هقولوا

محمد….ايوه اكيد هيعرف يوصل بدل ما يفضل يلف معاك انت و الشباب

رشيد….طيب تمام

نعيمه…..كده احسن و ماما و بابا كمان هيروحوا و بيتهيألي اخوات ايمي

سلمي…..و تامر هياخد بابا و يروح علي هناك يعني اكيد هيلاقوا بعض

ليله….اه اخواتي رايحين علي هناك

رشيد….خلاص هقوله و كده احسن بصراحه.

نزلت ايمي في الوقت ده و كانت نازله امنيه قبلها باين عليها انها معيطه و متعصبه جداً .

امنيه…..بدموع انا اصلاً غلطانه اني بتكلم معاكي

ايمي….امنيه غوري من وشي

دخلت امنيه علي الاوضه بتاعتها ورزعت الباب

كلهم بصوا بصدمه و مش فاهمين اي حاجه

ليله…..ايه ده ايه ده في ايه علي الصبح.

ايمي….صباح الخير امسك يا محمود حطهم في عربيه رشيد.

محمود….تمام في ايه.

ايمي…مفيش

رشيد…..في ايه يا ايمي انتوا متخانقين

ايمي….مفيش يارشيد و بعدين انت مش عمال تستعجلني يلا انا جاهزه

محمد…..اختك بتعيط ليه يا ايمي

ايمي….هرمونات يا حماده

ضحكوا البنات براحه

نعيمه…..في ايه يا بت عالصبح

ايمي….بقولك ايه انتي كمان حطي لسانك في بوئك عشان مقلبش عليكي انتي كمان

نعيمه….بضحك تمام تمام

رشيد….هو في ايه

ماريز….انتوا اتخانقتوا عشان الاكسسوارات ولا ايه

ايمي…..عماله تدور و قلبت الدنيا و مصممه ان الحاجه معايا و انا مش معايا اي حاجه تشوف هي حطتهم فين و تدور و بعدين جايه تدور الوقت و احنا مستعجلين مدورتش امبارح ليه

ليله….طب اهدي بس كده هي بتقول دورت و مخدتش غير الفستان بس يعني اكيد موجودين هنا ولا هنا هيروحوا فين

ايمي…..يروحوا مطرح ما يروحوا بقي تطلع من دماغي

رشيد….طيب انتي متعصبه كده ليه

ايمي….انا زي الفل مش متعصبه ولا حاجه هي اللي مستفزه

ماريز…..بابتسامه اااااه عارفه انا حوار الخناق اللي بيحصل في اي بيت مصري اصيل يوم الفرح

حسان….وحدوا الله كده و اهدوا الموضوع مش مستاهل

ليله…..طيب هروح اشوف امنيه عشان منتأخرش

رشيد…..اه يا ليله و النبي عشان نلحق و ممكن نعدي علي اي مكان هي عرفاه نجيب بدالهم مش قصه يعني

ليله….تمام

دخلت ليله عليها كانت بتعيط دخلت نعيمه و ايه و نادين وراها.

ليله….في ايه يابت عالصبح

امنيه….بعياط والله ما جيت جنبها يا ليله هي متعصبه من الصبح زعقت اول مره تقولي دخلتي الشقه ازاي و ازاي تدخلي عليا من غي رما تخبطي و بتتكلم باسلوب زباله خدت الموضوع بهزار الوقت لما طلع تاني اقولها نشوف فب الحاجه اتعصبت و تقولي انا بقولك حطيت الحاجه بأيدي متلعبيش فيهم تاني عشان مفيش.حاجه تتنطر مني و قالتلي سيبي المفتاح بتاع الشقه عشان تتعلمي متدخليش كده تاني

ليله….طيب اهدي اهدي معلش يمكن شاده هي و رشيد او حاجه

امنيه….لا هي من اول ما صحيت و هي كده ماما قالتلي اطلعي صحي ايمي عشان متتأخرش و تشوف هتعمل ايه انا اللي صحيتها بنفسي و كانت متعصبه بردوا

نادين….طيب اهدي بس يمكن متوتره معلش

ليله….ايوه ممكن تكون متوتره يا قلبي و بعدين والله انا كنت زيها كده يوم الخطوبه و جننت نعيمه و اتعصبت عليها كذا مره و اهي كانت خطوبه مش جواز

نادين….وانا والله اليوم كله كنت متوتره اوي

امنيه….طب وانا مالي عملت ايه لكل ده و بعدين هي اول مره تتكلم بالشكل ده معايا

ليله….حقك عليا امسحيها فيا انا يلا بقي عشان خاطري قومي عشان منتأخرش و اقولك علي حاجه يا ستي هنعدي الوقت علي اي مكان نجيب منه اللي يعجبك و ابقي شوفيهم بعدين.

نعيمه……علي فكره انا معايا اكسسوري زياده ممكن يعجبك حاجه من معايا

ليله….اهي اتحلت يلا بقي و لو يا ستي معجبكيش خدي حاجتي كده كده انا كنت بفكر ملبسهمش لان الفستان بتاعي مش محتاج اكسسوري بس قولت اجيبهم واخد رأيكم بعد ما البس.

ايه….قومي يلا يابت خلينا نشغل اغاني في العربيه بلا اكسسوري بلا نيله

امنيه….بابتسامه مسحت دموعها ماشي خلاص يلا

نادين….المهم معاكي الفستان والهيلز

امنيه….اه تمام

ليله….يلا بينا

خرجوا بره كانوا واقفين بيتكلموا و سلمي واقفه جنب ايمي بتحاول تشوف مالها.

ليله…..يلا خلينا نمشي

رشيد….ايه موني ينفع القمر ده يعيط يوم فرح اخته

امنيه….بهدوء مفيش حاجه يا رشيد.

ماريز….بابتسامه هي امنيه عامله زي العيال الصغيره بتعيط بسرعه

امنيه….لا مش بعيط بسرعه بس بنتك مستفزه

ايمي….امنيه لسانك في بوئك عشان مقلبش عليكي

امنيه…..يعني ايه تقلبي عليا اصلاً انتي اللي غلطانه و كمان بتزعقي

محمد….ايه هتتخانقوا قدامي

امنيه….يعني يا بابا انت مش شايفها هي اللي بدأت

رشيد….طيب ممكن تهدوا خلاص الموضوع بسيط بجد

امنيه….انا معملتش حاجه يا رشيد والله هي اللي متعصبه

ايمي….بغضب و متعصبه ليه هاااا انا اللي ضيعت الحاجه و لا انا اللي طلعتها لفوق و بعدين بتطلعيهم ليه و بتفكري من دماغك

امنيه…يعني الحق عليا خوفت الفستان بتاعك يتكرمش او محدش ياخد باله منه اصلا كانوا في الاوضه بتاعتي و انتي و البنات كنا في اوضتي بنجهز قبل الحنه فا طلعتهم علي فوق

ايمي….اهو اديكي بتقولي انتي اللي طلعتيهم و رجعتي خدتي فستانك مش ذنبي بقي انك مسطوله و مش عارفه حطيتي باقي حاجتك فين ده لو كنتي طلعتيهم مع الفستان اصلاً و دورتي و ملقتيش و عامله دوشه من الصبح و داخله خارجه في الشقه من غير ما تخبطي و كل ده بتسألي متعصبه ليه.

امنيه….بدموع يا ستي انا اسفه اني دخلت شقتك مع انها مش اول مره يعني ادخل عليكي بس عم ماً مش هتتكرر و المفتاح انا سيبته ليكي خلاص

ايمي…..اكيد مش هتتكرر

رشيد….ايمييييي ما خلاص

ليله….بت انتي جرا لمخك ايه عالصبح

ايمي…..ولا حاجه احنا هنمشي بقي و لا هنضيع وقت معاها

امنيه….بدموع لا متضيعيش وقت معايا روحوا يلا عشان ايمي مستعجله

ليله….خدي يا بت راحه فين

امنيه….داخله اوضتي يا ليله والله ما انا راحه معاكم

ايمي…..بغضب ان شالله عنك ما جيتي

رشيد….ايمييييي انتي جرالك ايه عالصبح.

ايمي….بقولم ايه متتعصبش انا مش طايقه نفسي خلقه

حسان….باااااس اهدي انت وهي ايمي تعالي معايا يلا اخرجي كده اركبي العربيه و استني

سلمي….اه تعالي والنبي اقعدي و اهدي كده

ليله….مالها البت دي يا زوزو

ماريز…..ولا اعرف امبارح كانت زي الفل و مفيش اي حاجه

ليله….رشيد انتوا شادين مع بعض

رشيد….والله ولا جيت جنبها امبارح فضلت معاها علي الموبايل لحد ما نمنا و كانت مبسوطه و الصبح اتصلت بيها لما صحيت قالتلي انها صحيت قولالها خلاص هقوم افطر و اخد شاور و هنروح انا وحسان نجيب ايه وسلمي و نيجي قالتلي تمام بس محصلش اي حاجه خالص.

ليله…..طيب خلاص هي اكيد متوتره معلش

محمد….لا حول ولا قوة إلا بالله محمود هاتلي يا ابني برشام الضغط من جوه

ليله….هو انت ممكن تقعد كده بدل ما تتعب عادي يعني مفيش حاجه موضزع بسيط

ماريز…..حاسس بأيه يا حماده ؟

محمد….متقلقيش انا كويس

رشيد….اووووف طيب اهدي و كبر دماغك ده شغل عيال يعني ليله تعالي دخليني لامنيه عشان نمشي

ليله….ماشي تعالي

دخلوا جوه عندها كانت بتعيط و قاعده علي السرير.

ليله…..ايه خلصتي عصبيه

امنيه….بدموع ليله انا قولت مش جايه فا لو جايه تقوليلي يلا امشوا عشان متتأخروش لاني مش جايه

رشيد….بابتسامه طب لو قولتلك عشان خاطري انا

امنيه….رشيد والنبي سيبني انا مش عايزه اجي

رشيد….يعني هتزعلي اخوكي و بعدين مش المفروض نعذر بعض لو حد فينا متعصب او مضايق من حاجه

امنيه…والله ما حيت جنبها هي اللي طلعت فيا مره واحده

ليله….يعني هتطلع في ابوكي ولا في امك اكيد ملهاش غيرك يستحملها

محمود….بضحك وبعدين في حد يزعل من ايمي دي مخها مفوت قومي بقي متزعليش رشيد و حقك عليا انا يا قلبي

قرب محمود منها وخدها في حضنه و هي فضلت تعيط.

ليله….خلاص بقي هعيط والله

محمود….يلا قومي و لو انا غالي عندك متعيطيش

امنيه….خلاص والله انا كويسه بس انا مش هروح و بعدين هي مصدقت

رشيد…بطلي عبط يعني هي مش عيزاكي ده انتي اختها الوحيده يلا بقي لو انا غالي عندك قومي و متخليش اليوم يبقي وحش

نعيمه…..يابت قومي دي عندها ربع طاقق حد ياخد علي كلام واحده مجنونه.

امنيه…..طب انا بقي مصممه ان الحاجه معاها

ضحكوا كلهم عليها

ليله…ابو ام الحاجه اللي مزعلاكي كده قولتلك هجيبلك بدالهم

رشيد…هنقف عند المكان اللي تختاريه و هنشتري

امنيه…لا انا عايزه حاجتي انا عارفه انها معاها في الشنطه لان انا مش مجنونه انا فتكره كويس ان طلعت كل حاجه و اكدت علي حاجتها و حاجتي

نادين….انتي مش طلعتي شوفتي بنفسك

امنيه….وقفالي يا نادين و متعصبه مش عارفه ادور و مخلتنيش افتح حاجتها ابداً عماله تقولي الفستان هيبوظ الحاجه هتتنطر مشوفتش والله

ليله…..طيب خلاص يلا نخرج و انت يا رشيد افتحلي شنطه العربيه هشوفهم انا بنفسي

رشيد…حاضر يلا بقي قومي اغسلي وشك.

ايه…..بضحك كل ده عشان الاكسسوري ده انتوا عالم فاضيه

ليله….بضحك يابت اسكتي مش وقتك

امنيه….والله ابداً انا عشان طريقتها

نادين….طب يلا بقي يا قلبي

خرجوا كلهم علي بره

رشيد…..ايه يا حماده احسن

امنيه….مالك يا بابا

رشيد…انا زي الفل الحمد لاه احسن يا رشيد يلا يا حبيبتي روحي مع البنات و مع اختك و متزعلوش بعض

امنيه….حاضر بس انا مجتش جنبها

محمد….عارف بس معلش هي اكيد متوتره شويه و بعدين ايمي روحها فيكي يلا بقي متزعليهاش

امنيه….حاضر و انت ارتاح سيبك مننا

ماريز….بابتسامه يلا روحي انتي بقي و سيبهولي

ليله…..سلتم يا زوزو باي يا حماده

رشيد….زوزو لو في حاجه كلميني

ماريز….حاضر

محمد…متشغلش بالك انت انا زي الفل يلا عشان متتأخروش

رشيد…..ماشي يلا سلام.

خرج رشيد و البنات كلهم كانت ايمي راكبه العربيه و مولعه سيجاره و واقف قدام العربيه سلمي و حسان

راح رشيد فتح شنطه العربيه و ليله معاه

ليله…..نعيمه امسكي موبايلي كده

نعيمه….هاتي

فتحت ليله شنطه الفستان و دورت براحه حواليه ملقتش حاجه فتح شنطه الاكسسوري و الهيلز

امنيه…..اهوووو شوفتي بقي

ليله….هما دول ؟

امنيه….اه هما دول بتوعها هي

بصت ليله لرشيد و ابتسمت

رشيد….هز راسه طب خديهم يا ليله حطيهم يا امنيه يلا في حاجتك و اركبي

خدت امنيه الحاجه بغضب و لفت راحت لايمي.

امنيه…..ايه عرفتي ان كان معايا حق و الخاجه معاكي في الشنطه كان هيحصل ايه يعني لو خلتيني ادور.

بصتلها ايمي و هي مضيقه عينها و مردتش خدت نفس و نفخته بهدوء

امنيه….ايه سكتي الوقت يعني

ليله….يلا امنيه خلاص حصل خير المهم انك لاقتيهم

نعيمه….اركبي بقي كفايه تأخير

رشيد….بصلها بهدوء رفعت ايمي عينها و خدت نفس من السيجاره يعني لو كنتي خلتيها شافت و ظورت بهدوء مكانش هيبقي في عصبيه ولا كان هيبقي في الموقف ده كله

ايمي…..خلصت انت وهي ؟

رشيد….بنظره لوم و نبره حاده شويه اه خلصنا انتي عندك شويه عصبيه كمان

ليله….رشيد يلا اركب بقي و انتي يا امنيه يلا خلينا نمشي

امنيه…..مش هركب معاها

ايمي…..و مين قال اني هخليكي تركبي معايا اصلاً

رشيد….بنبره عاليه شويه و عصبيه بسيطه ايميييييييي انتي فيكي ايه عالصبح

ايمي…..انت بتعلي صوتك ليه

محمود…رشييييد خلاص اركب يلا

حسان….انتوا مالكم عالصبح ما هلاص يا جماعه موقف بسيط و سوء تفاهم مفيش داعي لكل ده

رشيد….ما هو المشكله انه موقف بسيط و هي مكبراه معرفش ليه

ايمي….عشان مجنونه ارتحت بص قدامي ثانيتين بالظبط لو متحركناش و الله العظيم يا رشيد لا انا اللي هنزل و ما هتحرك من مكاني و خلي اليوم بقي يبوظ

رشيد….نعم يا اختييييي انتي مجنونه يا ايمي

ليله…..بعصبيه هو في ايه انت وهي خلصنا من امنيه هتقفشوا انتوا في بعض بلا رشيد اركب بلاش لعب عيال خدوا يا حسان من قدامي يلا و انتي يا امنيه روحي اركبي معايا في العربيه نعيمه مفتاحي معاكي خدي امنيه و نادين و انت يا خسان معاك ايه وسلمي و انا هركب معاهم اما اشوف اخرتها معاهم هما الاثنين

نعيمه….يلا يا بنات

حسان….بضحك عصبتوا ليله طب والله جدعه

ليله…..معرفش ايه اللي جرالهم عالصبح شيطانهم راكبهم ليه

محمود….بابتسامه قرب من ليله بقولك ايه الكل كش منك

بصتلوا ليله و ابتسمت

ليله….بهمس متضحكنيش انت كمان

محمود….ماشي سكت اهو

ركبوا كلهم و طلعت هي ركبت وراء فضلت ايمي ساكته وباصه من الشباك و رشيد متعصب شوبه و سايق و هو ساكت.

الاتنين عمالين يولعوا سيجاره وراء التانيه و ليليله قعدالهم مستنيه حد فيهم ينطق.

ليله…..ما تشغل اي حاجه يا عم رشيد بدل الصمت الرهيب ده

رشيد….بهدوء و صلي البلتوث بتاعك و شغلي اللي يعجبك

ليله….بس كده اسمه ايه

رشيد….رشيد بالانجلش

ليله….اه لاقيته خلاص طيب الباث وورد

رشيد….اربع ستات

ليله….بتريقه اربع ستات مش لما تقدر علي واحده

ضحك رشيد و هز راسه و ايمي ابتسمت بهدوء و بعدت وشها.

رشيد…..معاكي حق واحده انا مش قادر عليها

بصتلوا ايمي بهدوء و هي رافعه حاجبها

رشيد….ايه مش عاجبك

سكتت ايمي و مردتش عليه

شغلت ليله الاغنيه بتاعتها ليله عند الحبايب.

و قعدت تضايقها و تزغزها من رقبتها و من وسطها

ايمي…خير في شحنه زياده عالصبح

ليله…..الشحنه الزياده عندك مش عندي

رشيد…اه واضح ان حد مطرقلعها عالصبح

ايمي….محدش يقدر

ليله…لا بقولك ايه هي قد كده بس بنتنا محدش يقدر عليها

رشيد….ما هو واضح واخده حبايبتين جراءه عالصبح

ايمي…..هو انت ممكن تسوق وانت ساكت

رشيد….لا انا حر

ليله…اه حر العربيه عربيتنا

ايمي….اخرسي انتي

ليله….بضحك حاضر خرست

رشيد….بضحك ايه جبتي وراء ليه ده محدش قدر عليها غيرك

ليله….معلش الاحترام واجب بردوا استني بس عليا نخلص منها و من يومها ده علي خير و ليك عليا اول زياره ليكم في البيت هجيبها من شعرها انا بحايلها بس الوقت

ايمي….لا و تحايليني ليه يلا هاتي اللي عندك

ليله…..بضحك انتي يابت بتجري شكل الكل ليه ؟

رشيد…ايمي ايمي

ايمي….نعم

رشيد….بأتسامه بحبك

ابتسمت ايمي بهدوء و بصت جنبها و مردتش.

ليله….لا بص انا صحيح قاعده وراكم بس مش اپچوره احترمني يا رشيد

رشيد….بضحك انا و مراتي حرين

ليله….بضحك انت و مين يا اخويا لا يا حبيبي لسه مبقتش مراتك

رشيد….بضحك كلها كام ساعه و تبقي مراتي مضايقه ليه غيرانه عليها

ليله….اه غيرانه عليها و خد بالك تبقي مراتك تبقي جوزها انا الاصل

رشيد….بضحك ايمي ردي عليها

ايمي….بهدوء ملكش دعوه بيها هي الاصل اه

ليله….بضحك يا عيييييني شكلك وحش

رشيد….بضحك و صدمه انتي بتفرحيها فيا يا ايمي

ليله….بس بقي شكلك بقي وحش اوي

ايمي….بابتسامه بس يا رخمه ملكيش دعوه بيه

رشيد…بضحك ايوه كده

ليله…لا بقولك ايه ارسي علي بر انتي معايا و لا معاه

ايمي….معاكم انتوا الاتنين

رشيد….وانا موافق

ليله….بابتسامه ماشي هي جات عليا انا كمان موافقه بس مش اوي يعني
بحبك و مراتي و الكلام ده ميتقالش قدامي

رشيد…..هو انا ضرتك

ليله….اه بقيت ضرتي خد بالك دي الحته شمال بتاعتي

رشيد….بضحك شمال ايه بقي دي قاعده مش طيقاكي

ليله….ايمي انتي مش طيقاني

ايمي….بهدوء لا يا قلبي ملكيش دعوه بيه ده بيغيظك

رشيد….ايمي

ايمي….نعم يا رشيد

رشيد….بحبك

ايمي…وانا كمان

ليله…ايمي

ايمي….نعم يا ليله

ايمي….انا بحبك اكتر منه

رشيد..الله هنعلي علي بعض

ايمي….بابتسامه جميله و انا بحبك يا لولي اكتر منه

ليله….بضحك يا عيييييني

رشيد…بضحك تصدقي انتي وهي انا هنزلكم انتوا الاتنين الوقت

ليله…بضحك لا لا خلاص و بعدين يعني ما انا عارفه اللي فيها و بضحك علي نفسي بتحبك يا عم و بتموت فيك

رشيد…بأبتسامه بجد يا ايمي

بصتلهم ايمي بابتسامه هاديه.

ايمي…..هو انت وهي فيكم ايه عالصبح ايه شغل العيال ده؟

رشيد….لا يا شيخه بنتعلم منك

ليله….شوف العقل و الحكمه شايف الهدوء يا رشيد احيه اللي يشوفك الوقت ميشوفكيش من شويه

رشيد….حبيبي ممكن اعرف مالك؟

ايمي….مفيش والله انا زي الفل

رشيد….لا في متعصبه و مش علي بعضك و بعدين انا اول مره اشوفك بتتكلمي كده مع امنيه

ليله….بصي انا مش هسألك مالك لان لحد امبارح انتي كنتي زي الفل و رشيد قالي انكم مشدتوش مع بعض فا خلاص يعني فهمت مالك بس يعني امنيه حبيبتك

ايمي….بتنهيده انا هصالحها لما نروح

رشيد….طيب مش هتقوليلي مالك

ايمي….والله انا نا عارفه مالي كنت حاسه اني مضغوطه شويه و من غير سبب بس جات في امنيه بقي

رشيد….طيب با حبيبي حصل خير واهدي و بطلي توتري نفسك اليوم هيبقي جميل و هيبقي ذكري حلوه و عشان خاطري راضي امنيه لانها عيطت كتير و زعلت و كمان حماده تعب علي فكره

بصتلوا بسرعه

ايمي….بابا تعب ماله

ليله….مفيش ضغطه تقريباً اترفع شويه لما اتخانقتوا مع بعض بس هو كويس يعني

اتصلت بسرعه ايمي علي ماريز.

ماريز…..ايوه يا ايمي

ايمي….ايه يازوزو حماده تعبان

ماريز….لا زي الفل اهو

ايمي….طيب هاتيه اكلموا

ماريز….خدي معاكي اهو

محمد…..الوو

ايمي….بهدوء ايه يا حماده مالك

محمد….زي الفل يا حبيبتي بخير

ايمي….لا صوتك تعبان

محمد….مفيش والله حسيت ان ضغطي اترفع شويه بس خدت الحبايه و زي الفل اهو

ايمي….حقك عليا يا حماده متزعلش مني

محمد….بأبتسامه مقدرش ازعل منك يا قلب حماده و عارف انك متوتره حصل خير بس عشان خاطري متزعليش امنيه

ايمي…..حاضر لما نوصل هصالحها و انت روق كده و متزعلش

محمد….مش زعلان والله

ايمي….بقولك ايه عيزاك احلي من رشيد

محمد….بضحك بس كده ليكي عليا هبقي انا العريس كمان

ايمي….بضحكه جميله بس يكون في علمك انا هبقي العروسه مش زوزو

محمد….وانا موافق يا ستي يلا روحي بقي و عايزك تتبسطي و متفكريش في اي حاجه خالص عايز اشوف عروسه قمر و اختها قمرين

ايمي…..بضحكه جميله حاضر يا سيدي متقلقش

محمد….بالسلامه يا حبيبتي

ايمي….باي يا حماده

رشيد…ايه كويس

ايمي….اه الحمد لله

رشيد…و انتي

ايمي….انا تمام متقلقش

ابتسم رشيد و فرد دراعه و خدها في حضنه

رشيد….تعالي عشان نغيظ البلطجيه اللي وراء دي

ليله…..بضحك لا ده انا كده مبقتش أبچوره ده كده انا بقيت اريال

ضحكوا الاتنين علي ليله و كمل رشيد طريقه .

وعرفت ليله تمتص عصبيتها و توترها و رشيد كمان هدي و حاول انه يحتوي الموقف.

…………….

بعد وقت بسيط و صلوا قدام الفندق

ركن حسان و رشيد و نعيمه في البارك امنيه كانت بعيد عنها واقفه مع نادين و مش عايزه تحتك بيها خدوا حاجتهم و راحوا علي الفندق جوه وقف رشيد شويه في الرسيبشن و بعدين خد المفاتيح و طلعوا علي فوق يعرفوهم الاوض بتاعتهم

دخلت ايمي علي اوضتها و معاها ليله و رشيد حطوا الحاجه بتاعت ايمي علي السرير

رشيد….عايزه بقي ترتاحي شويه تعملي اي حاجه لحد ما المكب ارتيست توصل براحتك دي هتبقي اوضتك انتي بس

ايمي…..تمام

ليله…تعالي نشوف البنات

رشيد….تعالي يلا البنات في اوضتين جنبك ماشي

ايمي…..ماشي

راحوا مع بعض دخلوا اول اوضه كان فيها ايه و سلمي و امنيه و نعيمه و نادين كمان كانوا معاهم في الاوضه واقفين مع بعض و حسان معاهم .

رشيد….ايه ده انتوا هنا كلكم ليه

نعيمه….بنتصور مع بعض و بنرخم عليهم شويه

ليله…جالها تليفون ردت و بعدين قفلت يا بنات الميكب ارتست و صلوا بيقولوا عشر دقايق بالظبط يكونوا هنا لو في حد فيكم حابب يعنل حاجه بقي عشان نلحق الساعه داخله علي اتنين.

نعيمه….احنا جاهزين

رشيد…في اي حاجه نقصاكم قبل ما نمشي

ليله….لا امشوا انتوا بقي عشان تلحقوا تجهزوا

قربت ايمي من امنيه كانت واقفه مع ايه بيفرجوا بعض الصور حضنتها من ضهرها .
بصت امنيه بالجنب لمحت ايمي سكتت و فضلت واقفه.

رشيد….ااااايوه هو ده

ليله….بابتسامه بزمتك في حد يزعل من ايمي دي كيوت يا جزمه تطلع تطلع وتنزل علي مفيش

ابتسمت امنيه وفضلت ساكته

باستها ايمي من خدها بوسه طوبله كلها حب

ايمي….حقك عليا انا اسفه كنت مضغوطه و جات فيكي

امنيه….بهدوء ماشي مش زعلانه

ايمي….بجد امال مكشره ليه

امنيه….خلاص مفيش حاجه والله و انتي عارفه مقدرش اصلاً ازعل منك

ايمي…..بهدوء طب تعالي لفتها و خدتها في حضنها.

ابتسمت امنيه و حضنتها و فضلوا البنات يرخموا عليهم و يضحكوا.

حسان….ايوه كده مش ناقصه الشبطان يحضر انهارده

رشيد….مش عايز جنان تاني بدل ما اعلقكم

ليله….او نرميهم بليل في البحر و نخلص منهم

ايمي…..بتنهيده انا اسفه و الله مكنتش مركزه و انتي عارفه كويس اني مقصدش ازعلك

امنيه…وانا مقدرش ازعل منك و خلاص بقي انسي و اضحكي عشان الميك اب يبقي حلو

ايمي….حاضر

نادين….خلاص بقي انتوا الاتنين يلا اضحكوا و بعدين يا امنيه لازم تكوني اتعودتي كل كام سنه كده ايمي بتجيلها الحاله مره

رشيد…..طب كل قد ايه بالظبط عشان ابقي اعمل حسابي

نادين….بضحك يعني سنتين تلاته كده و عليك خير

حسان…..ياعم حلو كده انت ضمنت تعيش فتره طويله من غير جنان

ايمي….بابتيامه اتلم يا حسان عشان مفوقش عليك

حسان….بضحك لا وعلي ايه يلا يا رشيد

رشيد….بضحك ماشي يلا كل واحد علي اوضته و اللي يحتاج فيكم حاجه يكلمني شويه كده و هيطلعولكم اكل واللي يحتاج حاجه يطلبها هكون هنا علي الساعه سبعه ونص تماك

ايمي….تمام

سلموا عليهم و مشيوا و البنات قعدوا شويه يضحكوا ويرخموا علي ايمي لحد ما فكت خالص و رجعت لحالتها الطبيعيه و امنيه بقت تضحك و نسيت و دقايق بسيطه و كل واحد فيهم راح علي الاوضه بتاعته و الميكب ارتست وصلوا و بدأوا يفرشوا الميك اب بتاعهم عشان يشتغلوا علي طول.

………………..

اما عند الشباب كان الوضع مختلف

رشيد و حسان رجعوا عشان يحلقوا و يظبطوا نفسهم

سلامه و عسال خلصوا كل حاجه و راحولهم يشوفوا لو رشيد محتاج حاجه و بعد كده سابوهم و راحوا يجهزوا تاني .

طول اليوم عشري و فضل كانوا مع رشيد علي التليفون و مع البنات كمان.

و اتفقوا معاهم انهم هيروحوا عليهم و اهل عشري وفضل هيجوا مع بعض لان اخوات عشري كلهم صحاب رشيد و اكيد هيحضروا و هيجوا هما مع بعض.

الوقت كان بيجري بسرعه و علي الساعه سته الشباب كلهم كانوا مع رشيد و سلامه ساب امه و ريهام مع مصطفي هو هيروح بيهم علي هناك علي طول.

لبس رشيد وجهز عند حسان.

حسان….بابتسامه طلعتك عريس من بيتي

رشيد….ايه رأيك في حاجه ناقصه

حسان….لا جامد كده

عشري….بأبتسامه لا عريس بجد

فضل…..اه تصدق شكلوا عريس

رشيد…بضحك و حيات امك انت وهو يا تربيه الغنم

عشري…..بضحك طب لم لسانك البدله مش لايقه كده

رشيد….لا بجد شكلي تمام ولا في حاجه مش مظبوطه

عشري….والله زي القمر كله تمام

فضل…..بقولك ايه انت قولت في حجات هنا ليك هتوديها البيت و لا هتعمل ايه.

رشيد….مش عارف

سلامه….بيتهيألي مش وقته

حسان….انا بقولك كده بردوا سيب اللبس بتاعك انا هبقي ابعته الدراي كلين يتغسل و يتكوي و هبقي اجيبهولك بعدين

عسال….اصلاً لو خدته الوقت مش هنلحق نحطه و تظبطه في الدولاب مش وقته يعني

رشيد….خلاص مش مهم ابقي جيبه بعدين.

عشري….طيب يلا يا عريس جاهز مش عايزين نتأخر عليهم عشان المأذون كمان هيوصل علي تسعه

رشيد….يلا انا جاهز انت فين اخوات

عشري….تاني انت رافع حبايتين ولا ايه ما قولتلك هيروحوا ملهم علي هناك

رشيد….بضحك خلاص افتكرت احترمني انا عريس

عشري….طب يلا يا عريس.

خرجوا كلهم ركبوا عربيتاهم و هما السته كانوا مظبطين العربيات و حاطين فيها ورد و شكل العربيات كان يجنن و مشيهم وراء بعض كان في هيبه كأنه موكب.

اما عند البنات فا الكل جهز و محدش دخل علي ايمي خالص الا بعد ما الميكب ارتست خلص

دخلوا البنات عليها اول ما شافوها كلهم عيونهم دمعت كانت زي القمر فستان و ميكب و شعر و لا غلطه

شعر ملموم و مشدود مخلي شكلها جرئ اكتر الميكب و رسمه العين يقتلوا يبان هادي جداً و بسيط و في نفس الوقت جرئ مع شكل عينها كانت تجنن وقفت مبتسمه ليهم و ساكته وهما واقفين مصدومين

كانت لابسه فستان ابيض ماسك علي جسمها حمالات و الصدر علي شكل سبعه نازل ضيق لحد قبل ركبتها وبعدين علي واسع و من تحت شيفون كان هادي و سيمبل و يجنن مفيهوش اي استراس ولا حاجه هدوء رهيب و شياكه تجنن

ايمي…..بهدوء ابتسمت لا بصوا اللي فيكم هتعيط هقطعها انا ماسكه نفسي بالعافيه.

الميكب ارتست…..بابتسامه بقولكم ايه اللي هتبوظ شغلي انا اللي هقطعها قولولي بقي ايه رايكم

ليله…..تجنن تجنن خالص

سلمي…..ايمي بجد تحفه

امنيه…..ايه القمر ده كله

نعيمه…..يالهوي انتي شوفتي نفسك

ايمي….بضحكه جميله اه شوفت نفسي خلاص انتوا شكلكم حلو اوي بجد

نادين… انتي اللي قمر بجد حلو اوي تسلم ايدك

الميك اب ارتسيت….هي اللي زي القمر انا معملتش اي مجهود

ايمي…..بجد تعبتك معايا و جننتك شويه بس النتيجه تجنن تسلم ايدك

الميك اب ارتيسيت…..اهم حاجه انك مبسوطه وراضيه عن النتيجه النهائيه مبروك يا عروسه

ايمي….الله يبارك فيك

ليله…..تسلم ايدك بجد تجنن ولا غلطه و بجد التيم كله يجنن

الميك اب ارتيست…..ميرسي انتوا اللي حلوين اوي بجد الف مبروك انا هروح اشوف الشباب لموا الشغل ولا لسه و هنستني لحد ما العريس يوصل عشان لو محتاجين اي تظبيط

ليله….اتفضل

خرج و سابهم بصوا لبعض و ابتسموا كلهم

ايمي….شكلكم يجنن الشباب مش هيبقوا علي بعضهم

ليله….بضحك سيبك من الشباب رشيد هو اللي مش هيبقي علي بعضه

سلمي…..بضحك هو انا مؤدبه عنكم بس بصراحه هي معاها حق تجنني والله

نادين….اقفي عشان نصورك يلا

ايمي….ماشي يلا وتعالوا اتصوروا معايا.

وقفوا البنات اتصوروا مع بعض صور قد كده و صورها هي كمان صور كتير و عدي الوقت بسرعه

و الشباب اخيراً وصلوا خرج البنات استقبلوهم البنات كانوا متجننبن من شكل الشباب في البدل كانوا قمرات بجد و كانت اول مره يشوفوهم ببدل و الشباب كانوا مصدومين من جمال البنات هما في العادي حلوين بس المرادي كانوا اجمل واحلي و يجننوا.

عشري…..ايه ده ايه القمر ده الله يخربيت عقلك انتي وهما

ليله….بضحك انتوا شكلكم حلو اوي و عاقلين كده

حسان….بضحك عاقلين ازاي

ليله….يعني البدل شكلها حلو اوي عليكم.

عسال…..بهمس شكلك قمر

نادين….بضحكه جميله انت احلي

رشيد….فين ايمي يا ليله

ليله….مستنياك جوه يلا ادخل هاتها و لا اقولك استني ادخلها انا.

امنيه…..استني هنا كل واحد فيكم عمال يحب في التاني انا شكلي ايه حلو ولا لا

رشيد….بصحك تجنني فين عمور

امنيه….خلاص داخل علينا بس مش هيطلع هيستني في اللوبي تحت

عشري….بابتسامه زي القمر يا امنيه عقبالك

امنيه….ميرسي يا عشري عقبالك انت

سلامه…..انا حاسس انك شبه ايمي انهارده اوي

سلمي….اه والله لسه قايلالها من شويه

امنيه….بضحك اخوات بقي بس هي قمر بجد تجنن.

رشيد….ما تخلصي يا ليله

ليله….بضحك ايه سمعت انها قمر هتتجنن استني هروحلها.

دخلت ليله بهدوء كانت قاعده ايمي علي حرف السرير دخل وراها البنات

ليله….بابتسامه ايمي ايه يا عروسه ندخل العريس

ايمي….شكلي حلو

ليله….قمر طبعاً

ايمي….بت يا نودي كان ليكي حق تتوتري

نادين….بضحك لا متقلقيش هتعدي اول ما تشوفي رشيد مش كنتي بتقوليلي كده

ايمي…..بقولك ايه رشيد شكلوا حلو

ليله….قمر

امنيه….حلو اوي والله انتوا الاتنين قمرات

ليله….يلا هدخلوا ماشي

ايمي….بابتسامه ماشي

ايه…..هو ايه اللي ماشي.

سابتهم و جريت بسرعه بالكعب و فتحت الباب.

ايه…..رشيد وشك هناك

رشيد….ايه هتذنب ولا ايه

ايه….اخلص بلاش رغي و شك هناك و اياك تبص هعملك احلي فرست لوم

رشيد…بضحك ما تلم المجنونه دي يا سلامه

سلامه….بضحك انا مالي لف وشك يلا.

لف رشيد وشه و بص للشباب و هما وشهم كان لقدام و هيشوفوا ايمي قبلوا.

ليله…..جدعه يا يويو نسيت انا الفرست لوك

ايمي….مجنونه والله

ايه….يلا تعالي

خرج البنات كلهم و كلهم مسكوا الموبايلات عشان يصوروا.

ثواني بالظبط و ليله شاورتلها تيجي

ليله….يلا يا عروووووسه.

ابتسمت ايمي و خدت نفس طويل و بعدين خرجت اول ما الشباب شافوها فب نفس واحد.

اوووووووووووووو

ابتسمت ايمي و هي قلبها بيدق جامد.

ليله….اوعي تلف يا رشيد هقتلك

رشيد….مش قادر اخلصوا

سلامه….بقولك ايه انا عايز اتجوز

عشري….ايه القمر ده معلش بقي هنعاكس براحتنا انت مش باصص

رشيد….بضحك لا اسمع هقتلك

فضل…..لا هي قمر بصراحه

عسال…..فوفا دعيالك يا رشيد

رشيد…طب الف و لا اضربهم

ليله….بضحك انا لو مكانك طوح فيهم الضرب

نعيمه….خليك متذنب شويه

رشيد….وربنا هطوح فيكم انتوا كمان الضرب اخلصوا

حسان…..هيموت يا عيني انا من رأيي بلاش تلف عشان لو لفيت هتبقي عايز تروح بسرعه و تبوظلنا اليوم

رشيد….بضحك والله انا عايز ابوظوا من الوقت و اهو احنا في الفندق هاخدها و هندخل جوه و روحوا انتوا احتفلوا براحتكم

حسان….بضحك انا قولت

عشري….اه يا واطي طب خليك متذنب بقي

نادين….حرام بقي صعب عليا خلوه يلف

رشيد….تصدقي بالله يا نودي انتي اكتر واحده في العيال دي كلها بحبك

ايه….نهارك مش فايت و انا لا

رشيد….ده انتي بالذات لا مش انتي صاحبه الفكره المهببه دي

ايه…..بضحك الحق عليا عيزاك تنبهر

رشيد….وربنا مبهور و المصحف مبهور و عارف انها قمر بس اخلصوا

امنيه….طب خلاص اقف بقي عشان نصور اللحظه هنخليك تلف خلاص

عشري….سيبيه يتعذب شويه

رشيد….ليله سكتيه بدل ما ابوظلك وشه

ليله…..متقدرش

عشري….قلبي انتي

رشيد…..طب بص منك ليها ليكم كلكم انا هغد ثلاثه و هلف امييييين

ليله…..بضحك امين يا عم يلا هعد انا واحد اتنين. سكتت شويه و هي بتضحك بهدوء.

رشيد….بضحك هي اتقتلت ولا ايه قولي تلاااااته

ليله….بضحك تلاته ياعم

لف بهدوء و بصلها كانت واقفه ميته من الضحك عليه اتصدم و فضل يضحك و يلف حوالين نفسه اتوتر جداً و اتلغبط و كلهم بقوا يضحكوا عليه.

عسال…..ايه فقدت النطق

سلامه….طب ابعتلنا جواب طمنا عليك

بصتلوا ايمي بابتسامه تجنن و فضلت ساكته تميل راسها شمال و يمين بهدوء و بكل دلع

ايمي…..طب ايه

ضحك رشيد و بصلها و بعدين راح عليها ضمها بكل قوته و فضل حاضنها و مش بينطق و هي حضناه و عماله تحرك ايدها بحب علي ضهره التوتر و الخوف و القلق اللي كانت حاسه بيهم بقالها كام يوم اختفي في اللحظه اللي ضمتوا فيها

حضن رشيد ليها مكانش حضن عادي لاول مره ايمي تحس انه طفل و هي ام ضمتوا بهدوء و حنان و فضل تمشي ايدها علي ضهره

كان البنات بيصورا و مبتسمين و متأثرين و طايرين من السعاده و الشباب كمان كانوا ساكتين و مبتسمين و قطع صمتهم طبعاً البلطجي

عشري….طب ايه نمشي احنا و تدخلوا انتوا جوه

ابتسمت ايمي لعشري و هزت راسها

عشري….بضحك بقي كده خلاص من لقي احبابه

ليله….بضحك سيبهم يا بلطجي مترخمش عليهم

عشري…..ما انا لا اعمل زيهم لا هخرب الدنيا

سلامه….بضحك طمعان في حضن

عشري….اوي جداً خالص يعني

ضحكت ليله و راحت عليه حضنتوا وهي بتضحك

ليله….تعالي يا غيار

عشري…..بضحك و هو حاضن ليله خليك براحتك يا رشيد

صحكوا عليه كلهم و بعد حضن طويل بين رشيد و ايمي بعد عنها بهظوء و بصلها ابتسمت ايمي بحب.

رشيد….زي القمر

ايمي….انت كمان شكلك يجنن

رشيد…بضحكه شقيه طب ايه و بعدين

ايمي….ايه يلا خلينا نمشي

رشيد…اوووووف ماشي يلا بص لقي عشري حاضن ليله و عمال يضحط هو وهي انت يالااااااا سيب

عشري….استني شويه

رشيد…بضحك لا انا خلصت يلا سيب

ضحكوا كلهم و بعدين مسك ايديها و بص علي الورد اللي في ايده

رشيد….ااااه الورد نسيت

ايمي….بضحك اللي واخد عقلك

ابتسم و بصلها و بعدين اتحركوا كلهم و خدوا حاجتهم الشباب خدوها منهم و نزلوا علي تحت

قرب منهم عمرو و هو بيضحك من قلبه بسعاده

عمرو…..يا نهاااااااار ابيض ايه الحلاوه دي كلها يا عروسه

رشيد….عروستي دي هاا

عمرو…..بضحك مبروك يا عم شكلكم حلو يهربيت عقلكم

ايمي….عقبالك يا عمرو

رشيد….عقبالك يا عمووور

عمرو….يا حبايبي قلبي في حياتكم يارب و عقبالكم انتوا كمان جميعاً

امنيه….انت متأخر ليه

سلامه….اه اللي اتأخر مش هيجي معانا يلا انت مش معزوم

عمرو….بضحك والله كنت مستني

سلامه….خلاص هناخدك متعيطش

عمرو….لحظه بس انت كده ايه القمر ده

امنيه….ايه رأيك

عمرو….بحب قمر

نعيمه….اخلص يا ملزق منك ليها عابزين نمشي.

عمرو…..يا ساتر ياربفي ايه يا سكينه

فضل….بضحك سكينه اخت ريا

عمرو…..اه هي

نعيمه….عجبتك اوي

فضل….مين ريا

بص عمرو علي ليله لقاها بصاله ورافعه حاجبها

عمرو….بضحك لا مفيش ريا

عشري….بضحك اه يا جبان

ضحكوا كلهم و راحوا علي العربيات بعد ما خلص حسان حساب الفندق و مشيوا.

ايمي و رشيد ركبوا عربيه

وعسال خد نادين و فضل خد نعيمه و سلامه خد ايه و امينه راحت مع عمرو و سلمي راحت مع حسان

عشري…..نهاركم مش فايت انتي مش هتركبي معايا

ليله….بضحك امشي يا بلطجي دي حته صغيره و هنروح يلا

عشري….اشمعني انا جيتي بعربيتك ليه

ليله….بضحك معلش حقك عليا

عشري….لا مليش دعوه سيبيها وتعالي

ليله…اخلص مش هسيبها بقولك دي حته صغيره ونوصل

عشري….هتسبيني لوحدي

ليله….معلش يا قلبي انت يا اللي بتسمع الكلام اركب و مش هسيبك هناك

عشري….طب يلا والله لا ارخم عليهم في الطريق

ليله….بضحك يلا نرخم عليهم مع بعض

ضحك عشري و ركب و كلهم اترحكوا بالعربيات وراء بعض.

المسافه كانت بسيطه جداً بس خدت وقت بالعربيه عشان الدنيا كانت زحمه نص ساعه و وصلوا قدام اليخت

الكل كان في انتظارهم و كلهم كانوا وصلوا سلامه و عسال كانوا محضرنلهم زفه زفوهم من اول مانزلوا لحد ما وصلوا لليخت و ايمي مكسوفه و بتضحك و مكانتش عايزه كل ده بس كانت مبسوطه اوي.

طلعوا علي اليخت الكل سلم عليهم و سلموا علي بعض كلهم اليخت كان كبير مش صغير و كان يجنن و متجهز علي الاخر كان عامل زي باخره مش كبيره اوي و لا صغيره

الفرحه كانت باينه علي وشوش الكل

اهل عشري و اهل فضل و رشيد و سلامه و عسال و ليله و كلهم كانوا موجودين اخوات عشري و اخوات فضل و زوجاتهم كان الجو يجنن

علي ما سلموا و باركوا و اتصوروا كتير وصل الماذون.

و للحديث بقيه……

 

 

 

 

 

 

الفرح السبت

ايمي و رشيد في البيت

الاحد الصباحيه كلام ايمي و رشيد مع الشباب هيعرفوهم انهم هيسافروا الاربع الساعه 12 الظهر

الشباب هيتفقوا علي الثلاثاء

الاثنين علي الساعه أربعه هتنزل نعيمه عشان تروح مع فضل يجيبوا هديه ليله هتقولها ان هنديهم فلوس افضل و بعدين هتقولها هتنزل و تشوف بقي مع فضل و يقرروا.

قبل ما تنزل بعشر دقايق هيجيلها تليفون من البواب تحت و هيقولها في حد عايز يقابلك هتكون مريم

هتطلع قبل ما فضل يشوفها و هتقابلها نعيمه علي الباب و هتستقبلها ليله.

وللحديث بقيه..